Page 58

۴۹ ۱۲- ۱۳- ۱۴- ۱۵ جنوری کو دوران قیام آگرہ مین لارڈ کچز سر ہیوٹ وغیرہ کی دعوتون مین شریک ہوئے۔ فوجی قواعد مصنوعی جنگ۔ و دوسرے کرتبون و روشنی و آتشبازی کو ملاحظہ فرماکر محظوظ ہوئے۔ فوجی حالت سے دلچسپی لی۔ فوج کی تعریف کی۔ مشہور مقامات کی سیر فرمائی۔ جامع مسجد مین خود ہی جمعہ کو خطبہ پڑھا۔ اور امام بنے۔ ایڈریس لیا۔ فتحپور سیکری کے محلات دیکھے۔ حضرت شیخ سلیم چشتی کے مزار پر فاتحہ پڑھی۔ غرضکہ آگرہ کے تفریحی جلسون سے بے حد مسرور ہوئے۔ اور خوشنودی ظاہر کی۔ یہان کے جلسون مین قابل ذکر عطای خطاب کا دربار ہے جو شب کے وقت قلعہ معلیٰ مین منعقد ہوا۔ اس موقع پر تمام حاضرین والیان ریاست و دیگر معززین وعمائدین کا باوقار مجمع تھا۔ قلعہ مین دربار عام کے نام سے جو مقام موسوم ہی وہان یہ پر رونق و باعظمت جلسہ تھا۔ حضور وایسراے گورنر جنرل بہادر ستارہ ہند گرینڈ ماسٹر کا لباس پہنے اور اعلیٰ تمغہ لگاے ہوئے رونق بخش اور ہر مجسٹی شاہ افغانستان شان شاہانہ سے جلوہ افروز تھے وایسرای ہند نے یہ فرماکہ کہ مین قیصر ہند کیطرف سے اور انکے ارشاد کی تعمیل مین طبقہ باتھ کا نہایت معزز تمغہ و خطاب پیش کرتا ہون اعلیٰحضرت نے اُسے تعظیم کے ساتھ قبول فرمایا اور کہا کہ تعظیم شہنشاہ کے لیے ہے۔ فارن سکریٹری نے نئے نائٹ گرینڈ کراس کو نام اور پورے خطاب کا اسطرح اعلان کیا ہز مجسٹی سراج الملۃ والدین امیر حبیب اللہ خان گرینڈ کراس آف دی موسٹ آنریبل آرڈر آف دی باتھ جی۔ سی۔ بی نائٹ گرینڈ کراس آف دی موسٹ ڈسنگوئشڈ آرڈر آف سینٹ میکائیل و سینٹ جارج جی۔ سی۔ ایم جی امیر افغانستان و ممالک ملحقات۔