Page image — the source of record
Machine transcription
- ١٠١ -
فنارلرك ، مشعله لرك اوقادار مستولى ضياسندن عادتا
كيجه اولديغنی اونوتش اولان ، وداها دوغروسی
غلط طبيعته دوچار قالمش قوشلر ، قناريه لر ، بلبللر
بوعيد ملی یه اشتراك وبواشتراكلرينی نغمات روخنوازلريله
اعلان ايدييورلردی . يولك دونمك محلندن صوكره
برميدانلقده ، احضار اولنمش اولان محل مخصوصده کی
اسکمله وقوتوقلره هر کس يرلشديرلمش ايدى . وبونلرك
اورته سنده يوكسك مكلف برسدير أمير حضرتلری
ايچون ترتيب ايدلمشدى .
باغچه ، بوتون اغاجلر ، فنارلر قنديللر ايله تنوير
اولنمش ، ماهتابلر ياقيليوردى . هر طرف پرسرور ،
هر طرف پرنور ، هر کس وقف تماشا ، هر قلب مستغرق
مستى عيد ايدى . برمدت صوكره تشريف أميرى يى
تبشير ايدن بورولر ايشيدلدى . وحضرت أمير دبدبه
عظيمه ايله كله رك ، دعالری اورته لغى چنلاتان بوپرنشئه
هيأت مسعوده نك اورته سندن كچدى. وهر كسه بذل التفات
بيوره رق مقام حكمدارانه لرینه چیقدی .
بواثناده نائب السلطنه سردار نصر الله خان حضرتلری
موقعه مناسب غايت كوزل بر نطق بليغ قرائت ایتدى.
وأمير حضرتلری ده ارتجالاً مقابله ده بولندی . بورسعی
نطقلردن صوكره ، جوارده آيريجه احضار اولنمش
Roughly two thirds of characters agree with a modern printed edition of the same text. Much of the disagreement is editorial, not misreading. Treat the transcription as a finding aid and read the page image before quoting. How this was measured.