Page image — the source of record
Machine transcription
- ۷۲ -
قیرمزی دون کیرلر قادین ویاقیز اولدقلری دونلرندن بللی اولور . قیزلرك دونلرينك پاچالری كنيش اولوب ناموس وعفت خصوصنده پك زياده متانتلری واردر . داغلی افغانلر بولندقلری محیطه كوره زراعت حيوان يتشديرمك، دوه جيلك ايتمك، كومورجولك ايتمك تخته یاپمق كبي شيلرله مشغول اولورلر . على العموم ذكى وچاليشقاندرلر .
- معارف -
کابل شهرنده امیر حبیب الله خان حضرتلرينك تأسیس بیورمش اولدقلری اعدادی درجه سنده ملکی بر مکتب واردر که دارالعلوم حبیبیه نامیله مسمادر. مکتب مذکورده ابتدائی ورشدی معلملرينك قسم اعظمی هندلی اولوب افغانلی اولانلر دخی واردر . مکتب مذکورده دارالمعلمین شعبه سی ده موجوددر . بوندن باشقه كرك كابلده مكاتب ابتدائيه نك عددی كوندن کونه آرتمقده اولوب عموم ولایاتده يكیدن رشدیه مکتبلری تأسیس وكشاد ايدلمكده در .
عصر حاضرده عسکرلکك اهمیت عظیمه سنی دوشونه رك افغان اردوسنه ضابط يتشديرمك اوزره
Roughly two thirds of characters agree with a modern printed edition of the same text. Much of the disagreement is editorial, not misreading. Treat the transcription as a finding aid and read the page image before quoting. How this was measured.