Page 145

۱۳۶ یگانہ ۔ وادا ہای بے تکلفانہ مین اپنی آپ مثال ہیں۔ جب تواضع و مدارات کی مجسم شکلین بنکر سامنے آئین تو اس صورت مین ظاہری اخلاق مین بخل کرنا۔ کج رخی سے پیش آنا وحشیانہ طریقہ سے کم نہیں۔ اگر کین ان موقعون پر برتاؤ مہذبانہ و اخلاق حسنہ مین اعلحضرت کی جانب سے کمی واقع ہوتی تو بجاے اُس نیک شہرت کے جو پبلک اور مہذب قومون مین ہے اُن کو ایسے خطابات سے یاد کیا جاتا جسکے وہ کسی عنوان مستحق نہین۔ حُسن مین قدرتی کشش ہی ناظرین یہہ امر محتاج ثبوت نہیں کہ حُسن مین بجاے خود ایک صفت کہربائی وجذب مقناطیسی ہے ۔ فطرتاً ہر دل اُسکی طرف کھنچتا ہے۔ نباتات جمادات حیوانات تک کی خوبصورتی اپنی جانب مائل کرلیتی ہے اس لحاظ سے انسان جو اشرف المخلوقات ہے اُسکی خوبیان بدرجہ کمال دلکش ہونا چاہئیں ۔ حکماء۔ صلحاء۔ اولیاء۔ انبیاء مین سے کون ہے جسکا طبعی رجحان اس دلفریب صفت کی طرف نہیں ۔ آنخضرت صلعم ہر جمیل چیز کو پسند فرماتے تھے اور قدرت کے جمال سے متاثر ہوتے تھے۔ ایک مصنف لکھتا ہے کہ عرب کے ہاشمی پیغمبر نے ہزارون راتین ستارون کے حُسن و جمال کا نظارہ کرنے مین بسرکیں اور ہزارون دن جنگل و پہاڑ کے قدرتی منظرون سے لطف اُٹھانے مین گزارے۔ وہ عجیب کتاب جو اُن پر نازل ہوئی قدر کے عجائبات کو مطالعہ کرنے اور آسمانون وزمین کے اسرار پر غور کرنے کی تمام انسانون کو ہدایت کرتی ہے حضرت کا ارشاد ہے کہ صانع بیمثال جمیل ہے اور جمال کو محبوب رکھتا ہے طبیعت والون نے اس مسئلہ میں اتفاق کیا ہے کہ جمال کا اثر حیوانون پر بھی ہوتا ہے ۔ پھر کیونکر ممکن ہے کہ کسی انسان پر جمال کا اثر اور اُسکا ولولہ موجزن نہ ہو۔ یہہ امر مسلمہ ہے کہ جمال کی تاثیر خاصکر انسانی طبیعتون پر بہت زیادہ ہوتی ہے