Page 41

۲۸ اس کا مفصل حال لکھا جائے تو اسکے پڑھنے اور لکھنے کو بہت زیادہ وقت کی ضرورت ہے۔ عمارت کی طرز بجائے اسکے کہ میں بیان کروں۔ اعلیٰ حضرت ضیاء الملة والدین خلد آشیان کی تحریر نقل کئے دیتا ہوں جس سے ناظرین اندازہ کر لیں گے۔ میرے محل ایسے موقعوں پر بنائے گئے ہیں جہان سے ہر طرف نہایت خوشنما منظر دکھائی دیتا ہے۔ جگہ کشادہ و ہموار ہے چہاروں طرف باغ و پھول ہیں اور اس انداز سے بنے ہوئے ہیں کہ ایک ہی عمارت میں موسم سرما میں گرم کروں کا انتظام ہو سکے اور گرما میں کھلے برآمدوں اور بڑی بڑی کھڑکیوں سے ٹھنڈا رہے۔ کرون کی ترتیب ایسی ہے کہ موسم بہار میں کلیون کا چٹکنا اور پھولوں کا کھلنا۔ خزان کی شاندار مختلف زرد رنگ موسم سرما کی چمکتی ہوئی برف اور شبہای ماہتاب کا خوبصورت و دلربا منظر ان محلوں کا رہنے والا بآسانی دیکھ سکتا ہے۔ الخ ۔ اور باغات میں سے صرف ایک باغ بابر کا حال میں بیان کرتا ہوں جس میں اعلیٰ حضرت سراج الملة والدین خلد اللہ ملکہ نے کمال شفقت خسروانہ سے اس احقر کو برائے قیام ارشاد فرمایا تھا اسی پر ناظرین اور باغات کو قیاس فرمائیں۔ باغ بابر کی نسبت یہ کہنا ؎ اگر فردوس بروئے زمین است ٭ ہمین است و ہمین است و ہمین است بالکل درست اور واقع کے مطابق ہے۔ یہ باغ شہر کابل سے ایک میل کے فاصلہ پر زیر کوہ واقع ہے اس کی چہار دیواری چوبیس فٹ بلند ہے اس کی ساخت لاہور کے شالامار باغ سے ملتی جلتی ہوئی ہے۔ اسکے بارہ درجہ ہیں اور ہر ایک درجہ نیچے کے درجہ سے نو فٹ بلند ہے دروازہ کے اندر قدم رکھتے ہی سرسری نظر سے شاہی ٹھاٹھ معلوم ہوتا ہے جس کے ہر درجہ میں سبز مخمل کا فرش بچھا ہوا ہے اور اُس پر مختلف رنگ کے ریشم کے پھولوں کا مشجر بنا ؎۱ ترک عبدالرحمانی جلد دوم صفحہ ۹۹ ۔