{"book":"adl0234","page":45,"text":"۳۶\n\nچیف کمشنر کے اسٹاف کے لوگ پیش کئے گئے اور ہر ایک سے امیر صاحب نے\nبے تکلفی سے ہاتھ ملایا مسٹر گرانٹ سیکرٹری چیف کمشنر کو آپ نے فوراً پہچان لیا\nکیونکہ وہ ڈین مشن کے ہمراہ کابل گئے تھے۔\nسر ایڈورڈ بیرو کمانڈنگ افیسر پشاور پیش ہوئے جنہوں نے اپنے اسٹاف\nکو پیش کیا۔ ہر ایک سے ہز مجسٹی امیر نے ہاتھ ملایا سب کے بعد گارڈ آف آنر کا\nملاحظہ فرمایا۔ اور سر ایڈورڈ بیرو سے فرمایا کہ اس عمدہ رسالہ کے دیکھنے سے\nجو میری پیشوائی کے لئے حاضر ہوا ہے مجھے بہت خوشی ہوئی۔ اب تو ہیں سلامی\nکی چلنا شروع ہوئیں اور بڑی شان و شوکت سے ہزارہا آدمیوں کے درمیان\nہوتے ہوئے شاہی مہمان خانہ میں پہنچے۔ تھوڑی دیر کے بعد مسٹر گرانٹ سیکرٹری\nگورنمنٹ۔ ہز مجسٹی کی مزاج پرسی و چیف کمشنر کی جانب سے بطریق حسن خوش\nآمدید کہنے اور اکیس ہزار روپیہ گیارہ کشتیوں میں ہمراہ لیکر حاضر ہوئے جو ضیافت\nو نذر کے طور پر پیش کیا گیا جسکو اعلیحضرت نے قبول فرمایا بعدہٗ لفٹنٹ جنرل\nکمانڈر پشاور ڈویژن شرفیاب ہوئے پھر آرام فرمایا ۴ جنوری ۱۹۰۷ء مسٹر\nگرانٹ نے حاضر ہو کر چیف کمشنر کیطرف سے عرض کیا کہ مجھے امید ہے کہ سفر\nیور مجسٹی نے آرام سے طے فرمایا ہوگا۔ جواب میں ارشاد کیا کہ میرا سفر دشوار تھا\nخدا نے کچھ اسی میں بہتری سمجھی ہے کہ ہمارے دونوں ملکوں کو بہت رکاوٹوں کے\nساتھ ملایا ہے۔ بہر حال جو کچھ کہ انسانی قوتیں سفر کو آرام دہ بنانے میں\nصرف کی جا سکتی تھیں وہ سب کیگئیں۔\nہز مجسٹی امیر کی بات چیت کا طریقہ میزبانوں کے ساتھ سادہ اور بے تصنع ہوتا ہے\nوہ اخلاق برتتے ہیں مصنوعی باتوں سے پرہیز فرماتے ہیں مسٹر گرانٹ نے عرض\nکیا کہ مجھے امید ہے کہ اعلیحضرت شاہی مہمان خانہ میں راحت سے بسر فرمائینگے","chars":1440,"image":"https://storage.googleapis.com/adl-page-images/adl0234/00045.jpg","first_page":1,"last_page":293,"title":"Ḥabīb حبيب","permalink":"https://afghanpress.org/book/adl0234/45","canvas":"https://afghanpress.org/iiif/adl0234/canvas/45","source":"https://afghanistandl.nyu.edu/books/adl0234/","source_pdf":"https://afghanistandl.nyu.edu/pdf/adl0234_download.pdf","rights":{"image":{"statement":"Public domain. NYU states: \"All works presented on this website are, unless otherwise indicated, in the public domain. The images available on this website may be freely reproduced, distributed and transmitted by anyone for any purpose, commercial or non-commercial.\"","uri":"http://rightsstatements.org/vocab/NoC-US/1.0/","holder":"New York University Libraries","source":"https://afghanistandl.nyu.edu/about.html","delivery":"Images are served from a copy mirrored by this project, not from NYU's servers, under the reproduction terms above.","endorsement":"This is an independent project. It is not affiliated with, endorsed by, or reviewed by New York University."},"text":{"statement":"Machine-generated transcription, dedicated to the public domain under CC0 1.0. No warranty of accuracy: see the provenance block on every page.","uri":"https://creativecommons.org/publicdomain/zero/1.0/","holder":"Steps Ventures"}},"provenance":{"text_produced_by":"gemini-3.1-pro-preview","thinking_level":"low","read_completed":"2026-08-09","per_page_confidence":null,"per_page_confidence_note":"Not recorded during the corpus run. No calibrated per-page score exists, and none is estimated here.","human_reviewed":false,"accuracy_context":"Roughly two thirds of characters agree with a modern printed edition of the same text. Much of the disagreement is editorial, not misreading. Treat the transcription as a finding aid and read the page image before quoting.","primary_source":"The page image. The text is an index into it."}}