{"book":"adl0234","page":236,"text":"۲۲۷\nایک قوم کا تمدن ناز کرتا ہے اور یہی سامان جب اعتدال سے بڑھتے ہیں تو زوال کا باعث ہیں\nعرب نے جسقدر تمدن میں ترقی کی اسیقدر ان میں زوال آتا گیا وہ سادہ تمدن جسکو\nقایم رکھنے کے لیے اسلام نے اصول و قواعد باندہ رکھے ہیں انکا دستور العمل رہا\nاور جسوقت اس سے تجاوز کیا وہ حقیقی ترقی کے زینہ سے نیچے آرہے اگر چہ وہ\nخود اور تمام دنیا خیال کرتی تھی کہ وہ عروج کر رہے ہیں ۔ خلفاء راشدین رض کا\nخلفاء بنی امیہ و بنی عباش سے مقابلہ کیا جاوے اور مدینہ و دمشق و بغداد کی شہریت پر\nغور ہو تو زمین وآسمان کا فرق معلوم ہوگا۔ خلفاء کے قصر کا تو ذکر کیا صرف مساجد\nکی تعمیر میں مختلف زمانوں میں جو کچھ تغیر واقع ہوا اُس سے اس امر کی تائید ہوتی ہے\nکہ عرب سادگی کو چھوڑ کر نمایشی تمدن کو ترقی دے رہا تھا۔ صدر اسلام میں مساجد\nصرف اس غرض سے تعمیر ہوتی تھیں کہ لوگ ایک جگہ جمع ہو کر نماز پڑھیں اور\nاس لیے ہر ایک شہر میں ضرورت سے زیادہ مسجدیں کہبی تعمیر نہ ہوئیں نہ انکے\nمحراب و منبر نقش و نگار سے آراستہ تھے۔ اسلام نے ہر ایک امر میں اتفاق\nکو مدنظر رکھا ہے ۔ لہذا نماز باجماعت کی تاکید ہے اور اسی لیے مساجد تعمیر ہوئیں\nورنہ بعض حالتوں میں تو اسکی ہی کچھ ضرورت نہیں۔ تمام زمین پر ہر ایک مسلمان\nجس جگہ چاہو نماز پڑھسکتا ہے اپنا آپ امام اور آپ مقتدی ۔ عبادت کے لیے کسی\nمعابد و گرجا کی ضرورت نہیں۔ احکم الحاکمین کے حضور فرش خاک پر سجدہ کرنا\nحقیقی خشوع و خضوع پیدا کرتا ہے۔ قالین یا ریشمین مصلے دل کو نرم نہیں بنا سکتے\nپتھر کا فرش سنگدلوں کو موم نہیں کرسکتا۔\nتاریخ عالم موجود ہے اگر ہم ان اسباب پر غور کریں جو مختلف اقوام کی ترقی کا باعث\nہوئے اور ان اسباب پر فکر کریں جو اُن کے تنزل کے وجوہ ہیں تو ہم یقیناً\nاس نتیجہ پر پہنچ جائینگے کہ کسی قوم کی حالت میں تغیر واقع نہیں ہوتا جبتک کہ جادہ","chars":1564,"image":"https://storage.googleapis.com/adl-page-images/adl0234/00236.jpg","first_page":1,"last_page":293,"title":"Ḥabīb حبيب","permalink":"https://afghanpress.org/book/adl0234/236","canvas":"https://afghanpress.org/iiif/adl0234/canvas/236","source":"https://afghanistandl.nyu.edu/books/adl0234/","source_pdf":"https://afghanistandl.nyu.edu/pdf/adl0234_download.pdf","rights":{"image":{"statement":"Public domain. NYU states: \"All works presented on this website are, unless otherwise indicated, in the public domain. The images available on this website may be freely reproduced, distributed and transmitted by anyone for any purpose, commercial or non-commercial.\"","uri":"http://rightsstatements.org/vocab/NoC-US/1.0/","holder":"New York University Libraries","source":"https://afghanistandl.nyu.edu/about.html","delivery":"Images are served from a copy mirrored by this project, not from NYU's servers, under the reproduction terms above.","endorsement":"This is an independent project. It is not affiliated with, endorsed by, or reviewed by New York University."},"text":{"statement":"Machine-generated transcription, dedicated to the public domain under CC0 1.0. No warranty of accuracy: see the provenance block on every page.","uri":"https://creativecommons.org/publicdomain/zero/1.0/","holder":"Steps Ventures"}},"provenance":{"text_produced_by":"gemini-3.1-pro-preview","thinking_level":"low","read_completed":"2026-08-09","per_page_confidence":null,"per_page_confidence_note":"Not recorded during the corpus run. No calibrated per-page score exists, and none is estimated here.","human_reviewed":false,"accuracy_context":"Roughly two thirds of characters agree with a modern printed edition of the same text. Much of the disagreement is editorial, not misreading. Treat the transcription as a finding aid and read the page image before quoting.","primary_source":"The page image. The text is an index into it."}}