{"book":"adl0233","page":23,"text":"جاتے تھے اور طبع مبارک پر اسکا اثر ہوتا جاتا تھا۔ جب وہ ختم کر چکے تو آبدیدہ ہو کر فرمایا کہ\nجس کی نظروں میں اور قلب میں ایک ذرہ کے برابر خدائے عزوجل کی عظمت اور ہیبت\nسما جاتی ہے تو پھر اُسکے قلب اور نظروں میں کیسی ہی عظیم الشان اور جلیل القدر شے ہو اسکی\nعظمت اور ہیبت کا اثر نہیں ہوتا چہ جائے کہ انسان کی جو ایک مشت خاک ہو اور ایک\nناپاک قطرہ سے بنایا گیا ہے۔\nاعلیٰ حضرت خلد آشیان کا قیافہ ایسا درست اور صحیح ہوتا تھا کہ لوگوں کو خرقہ عادات کے شبہ میں\nڈال دیتا تھا چنانچہ مجھ کو خود اسکا تجربہ ہوا ہے بندہ اعلیٰ حضرت خلد آشیان علیہ الرحمۃ و الغفران\nاُردو میں عرض کیا کرتا تھا اور اعلیٰ حضرت شاہِ اسلام فارسی میں ارشاد فرمایا کرتے تھے اسلئے\nمیں یہ اندازہ نہیں کر سکتا تھا کہ حضور والا کی قابلیت اُردو زبان میں کیسی ہے اس وجہ سے\nاگر کوئی ضروری بات ہوتی تھی تو میں فارسی میں تحریر کراکر حضور میں پیش کر دیا کرتا تھا۔ ایک روز\nمیں یہ تحریر کراکر لیگیا کہ افغانستان سے بغرض تعلیم صنعت و حرفت کچھ لوگ یورپ بھیجے جائیں\nاعلیٰ حضرت خلد آشیان نے کمال شفقت خسروانہ سے اس احقر کو سریر مبارک کے روبرو\nقالین پر بیٹھنے کا فخر بخشا تھا چنانچہ میں اپنی جگہ مقررہ پر با ادب حاضر تھا اعلیٰ حضرت\nاہل دربار سے کچھ ارشاد فرمارہے تھے بعد سکوت مینے موقع پاکر جیب سے لفافہ نکالا۔\nاعلیٰ حضرت نے اُسے دیکھا لیکن پھر کسی کام میں مصروف ہو گئے میں نے اُسے جیب میں\nرکھ لیا اُس کام سے فارغ ہو کر میری طرف متوجہ ہو کر ارشاد فرمایا کہ اگر کسی ہندوستانی\nکا یہ خیال ہو کہ افغانستان سے کچھ لوگ بغرض تعلیم صنعت و حرفت یورپ بھیجے جائیں۔\nاُس کا یہ خیال ہندوستان کے باشندوں کے واسطے تو مناسب ہے لیکن اہلِ افغانستان\nکے واسطے درست نہیں ہے اس لئے کہ ہندوستان ایک آزاد ملک ہو اور افغانستان","chars":1543,"image":"https://storage.googleapis.com/adl-page-images/adl0233/00023.jpg","first_page":1,"last_page":93,"title":"Z̲ikr-i Shāh-i Islām muʼallifah-i Ḥājjī Muḥammad Khān ذکر شاه اسلام","permalink":"https://afghanpress.org/book/adl0233/23","canvas":"https://afghanpress.org/iiif/adl0233/canvas/23","source":"https://afghanistandl.nyu.edu/books/adl0233/","source_pdf":"https://afghanistandl.nyu.edu/pdf/adl0233_download.pdf","rights":{"image":{"statement":"Public domain. NYU states: \"All works presented on this website are, unless otherwise indicated, in the public domain. The images available on this website may be freely reproduced, distributed and transmitted by anyone for any purpose, commercial or non-commercial.\"","uri":"http://rightsstatements.org/vocab/NoC-US/1.0/","holder":"New York University Libraries","source":"https://afghanistandl.nyu.edu/about.html","delivery":"Images are served from a copy mirrored by this project, not from NYU's servers, under the reproduction terms above.","endorsement":"This is an independent project. It is not affiliated with, endorsed by, or reviewed by New York University."},"text":{"statement":"Machine-generated transcription, dedicated to the public domain under CC0 1.0. No warranty of accuracy: see the provenance block on every page.","uri":"https://creativecommons.org/publicdomain/zero/1.0/","holder":"Steps Ventures"}},"provenance":{"text_produced_by":"gemini-3.1-pro-preview","thinking_level":"low","read_completed":"2026-08-09","per_page_confidence":null,"per_page_confidence_note":"Not recorded during the corpus run. No calibrated per-page score exists, and none is estimated here.","human_reviewed":false,"accuracy_context":"Roughly two thirds of characters agree with a modern printed edition of the same text. Much of the disagreement is editorial, not misreading. Treat the transcription as a finding aid and read the page image before quoting.","primary_source":"The page image. The text is an index into it."}}