{"book": "adl0841", "page": 1, "text": "Afghanistan Digital Library\n\nadl0841\n\nhttp://hdl.handle.net/2333.1/6djh9x53\n\nThis is a PDF version of an item in New York University's Afghanistan\nDigital Library (http://afghanistandl.nyu.edu/). For more information about\nthis item, copy and paste the \"handle\" URL above into a web browser.\nWhen referring to or citing this item please use the \"handle\" URL\nand not this document or the URL from which you downloaded it.\n\nAll works presented on New York University's Afghanistan Digital Library website are, unless\notherwise indicated, in the public domain. The images available on this website may be freely\nreproduced, distributed and transmitted by anyone for any purpose, commercial or non-commercial.\nNYU Libraries, Digital Library Technical Services, dlts@nyu.edu"}
{"book": "adl0841", "page": 2, "text": "[BLANK PAGE]"}
{"book": "adl0841", "page": 3, "text": "[BLANK PAGE]"}
{"book": "adl0841", "page": 4, "text": "May tehi mazi"}
{"book": "adl0841", "page": 5, "text": "[BLANK PAGE]"}
{"book": "adl0841", "page": 6, "text": "محرری : محمد فضلی\nرسملی افغان سیاحتی\nافادۀ مرام، افغان سفری، موقع جغرافیه‌سی، حدودلری،\nکوللری، داغلری، انهار، تقسیمات سیاسیه‌سی، خاندان امیری،\nعادات وطنیه‌لری، معارف، صنایع، تجارت زراعت یوللر\nشوسه‌لر ، پوسته‌لری، پاره‌لری عناصر ، اردو عسكرلك،\nاسلحه‌سی، حضوره‌قبول، بیرام نمازی دربار عام، جشن کیجه‌لری\n۱۳ رسمی حاویدر\nاستانبول -- مطبعۀ احمد احسان\n١٣٢٥"}
{"book": "adl0841", "page": 7, "text": "[BLANK PAGE]"}
{"book": "adl0841", "page": 8, "text": "[BLANK PAGE]"}
{"book": "adl0841", "page": 9, "text": "عالم اسلامك انتباهى شواهدندن : افغانستان اميرى\n( حبيب الله خان سراج الملة والدين ) حضرتلرى"}
{"book": "adl0841", "page": 10, "text": "افاده مرام\n\nافغانستان اسيانك بوکنج ودينج حکومتی حقنده همان\nبوتون جهان اسلامیتده برتوجه بر محبت واردر. خصوصيله\nعثمانليلر عموميتله بو ديار و حکومت ايچون يك بويوك\nبرحس تقدير توجه واحترام بسلرلر. فقط غريبدركه\nبوکون بو حکومت حقنده همان هيچ کيمسه ده دوغرو\nبرفکر ، معلومات حقيقيه يوقدر . خرافات قبيلندن\nایشیدلمش ، روایت ایدلمش بعض افسانه لردن بشقه\nبومملكتك نه حال حاضرينه نه ده ماضيسنه عائد براثر\nمطبوع ومدون موجود دکلدر. چونکه اورايه كيرمك ،\nكورمك وصوكرا كورديكنى دوغرو اوله رق يازمق ،\nهيچ کيمسه يه نصيب اولما مش کیدر. انسان بیلمدیکی ،\nایجه طانیمدیغی برشی طبیعیدرکه نه قدر سوسه ينه اكسيك\nسویلر . حتى سومه سنه بروجه مناسبت بولونا ماز\nبناء عليه اسيانك يك فعال بر حكومتى اولان وبالخاصه\nتكميل وطنداشلرمزك توجه صمیمی غائبينی قازانمش\nبولنان افغانستانك حال حاضر سیاسی و عسکريسنی"}
{"book": "adl0841", "page": 11, "text": "۲\n\nبر درجه یه قادار دخی استقبالنی طانیمق ، اونا قارشو برحس\nاخلاص ومودت بسله ین عثمانليلره لازمدر.بولزوم تأمين\nوتطمين ايديلنجه اواخلاص ومودت طبیعی در که اوتوجه\nو حرمت غیابی مزد ادومتین اولاجقدر .\n\nمصرده بولندیغمز زمانلر حسب القدر افغانستانه\nكيتمشدك . مملكتك برچوق يرلرينی كوردك خاندان\nامارتك وبوتون افغان امراسنك حسياتنی يك يقيندن\nمشاهده وتدقيقه موفق اولدق . اردوسی ، معارفی ،\nصنايعنی احوال وعاداتنی وعثمانليلره قارشو پرورده\nايتدكلری حس مقارنتى بالذات، كوردك ، بوكور كولر۔\nمزی ، تدقیقاتمزی شمدی بورساله ده وطنداشلرمزہ\nعرض وتقرير ايتمك ايسته يورز . نصل كوردك ،\nنصل حس ایتدکسه هیچ برشی علاوه ايتمكسزين\nاولدیغی كبی يازدق . و تقریر اتمرى امكان داخلنده تماماً\nتوضيح وتنوير ايتمك ايجون حين سیاحتده ایدیندیکمز\nفوطوغر افلری قرو کیلری دخی اوبابده کی کلفت مادیه یه\nقاتلا نارق اقتضا ایدن محللره قويدق . يك زياده اميد\nایدرزکه ، بوافغانستان رسالهٔ مصوره مز، اورالره دائر\nمعلومات و تتبقات عمیقه یه صاحب ارباب علم وتدقيقه\nهیچ اولمازسه باعث شوق و غيرت اولور ؛ واورالره"}
{"book": "adl0841", "page": 12, "text": "- ٣ -\n\nدائر يالكز حب و توجه بسله يه رك هيچ معلوماتی\nاولمايانلره ده برنبذه وقوف حقيقى بخش ايدر .\n« ايشـته اول قدردر اول حكايت »\n« باقيسى كذاف بى نهايت »\nفى ٣ تشرين ثانى سنه ٣٢٥\nمحمد فضلى"}
{"book": "adl0841", "page": 13, "text": "افغانستان سفری\n\nاوچ سنه اول ، قاهره ده ایدم . بركون بعض رفقای\nآلام استبداد و غربت آرقداشلر، وبالخاصه حیات و حریتنی\nقورتارمق ایچون هر شیئنی فدا ايده رك اورالره التجایه\nشتابان اولمق مجبوريتنى كورمش حسنى بك ، حقوق\nقهوه سنده اوطورويوردق . وبيلمم نصل بر سائقله\nحسنى بك ، یاقیننده بولونان طانيماديغي برذات ايله قونو-\nشيوردی ؛ زمين مكالمه ، حسنى بكك ماجرای حياتـه\nانتقال ایدر ، وحسنىبك ، انقراضه سوروکله نن سوکیلی\nوطنده ، اونك اعلاسنه واكتساب ومكنتنه چاليشمق\nدکل یا ، حتی ناموس کارانه ایفای وظائف ايتمك بيله معاذاله\nنه قدر مشکل ، نه قدر پر فلاکت وتهلكه بر پرواسیزلق\nتشکیل ایتدیکنی حیات عسکریۀ ماضیه سنده کی وثائق ایله ،\nواوقدر جانی يانمش برعسکر وطنپرور حرارتيله بسط\nواثبات ایلرکه ، مخاطبی شد تله متأثر اولور ؛ دیرکه :\n— سزك كبي متفنن ومقتدر ذاتلر افغانه كيتمش\nاولسه كز ، اورا حکومتنه بويوك خدمتلر ايدرسكز ؛\nوحتى بالخاصه امیر نزدنده بك بويوك بر حسن قبول"}
{"book": "adl0841", "page": 14, "text": "كورورسكـز . افغان حكومت اسلاميه‌سي ، سزك كبي\nمسلمان ارباب عرفان واقتداره پك محتاجدر وپك زياده\nرغبت واحترام كوسترر . اكرارزو ايدرسه كز محمود بك\nطرزي واسطه‌سيله حضرت اميره برعريضه تقديم ايده-\nبيليرسكـز . موفق اولاجغكـزي دها شـمـديدن تأمين\nايده‌بيليرم .\nبو، هنوز طانيشيلمامش ذاتك، شوصورت صميمه‌ده\nواقع اولان ارائه وترغيبي ، حسنى‌بكك چوقدنبرى قلب\nودماغني اشغال ايدن امل وارزويي پك زياده تشويق\nوتشجيع ايتمشـدر . بناءًعليه همان ايديشديكى آدرس ايله\nافغان حكومتنه برعريضه تقديم ايدر .\nبوتاريخـدن برسـنه صوكرا حسنى بك ، محمود بك\nطرزيدن برمكتوب آليركه : بونده افغان اميرى حضر-\nتلرندن جواب آلديغنى ، جوابك بوقدر كچيكمه‌سي ،\nعريضه متقدمه‌نك يولده و چوق يرلره طاقيلارق پك كچ\nواصل اولمه‌سندن تولد ايتمش اولديغنى ، بياندن صوكرا،\nذکرايديلن جواب : حسنى بكـدن ماعدا ، ده الوسويهٔ\nعلم وعفتـده توركلر اولوب‌ده اورالره كيتمك ارزو\nايدرلرسه کمال ممنونيتله قبول ايديله جكلريني بيان وتأمين\nايدييورمش . وبو ، شيمدى اظهار ارزو ايده‌جك\nافنديلرك برعريضه تقديم ايتمه‌لرى لازم ايمش .."}
{"book": "adl0841", "page": 15, "text": "— ٦ —\nبو خبره اطلاع ايدلديكی كون ، بعضی آرقد اشار :\nو از جمله علی ثروت بك، اجزا جی محمد افندی، اسویچره ده كی\nعلی فهمی بك ده برر عريضه تقديم ايدولر ..\nبر مدت صوكرا كابلدن تكرار بر جواب آلنير كه\nعيناً شودر :\nعزتلو حسين حسنى بك افندى حضرتلرى\nبوندن برسنه مقدم یعنی فی ١ ذی الحجه سنه ٣٢٣ تاریخیله\nنام عاجزی یه ارسال بیورمش اولديغكز مكتوب في ٢٩\nذی الحجه سنه ٣٢٣ تاریخنده واصل دست عاجزانه م اولمش\nایدی که اولوقت امیر حضرتلری معیتنده جلال اباد ولایتنده ايدك\nمکتوب عالیکزی حرفیاً فارسی یه ترجمه ايده رك اصليه برابر\nامیر حضرتلرینه تقديم ايله دمسه ده سفر بر حالنده بولنديغمزدن\nایجاب اجراسنه دائر ویره جكلرى امرى كابله عود تلرینه تعليق\nبیوردیلر. وقوع حالی مشعر ذات عالیلرینه برمكتوب يازمشم .\nاشبو مکتوب هندستانك برچوق يرلرينى سياحت ايتدكدن\nواوچ آی صوكره كابله عودت مزده كرويژه كلدى . بتكرار\nجواب یاز مسنی امیر حضرتلرندن آلنه جفی اراده يه تعليق ايتمش\nايديسه مده مشارالیه حضرتلرى ممالك شاهانه لرينى كشت وكذار\nايتمك اوزره دائما سفر بر حالنده بولندقلرندن مكتوب عاليكزك\nبتكرار عرضنه مساعد وقت بولنه مديغندن مکتو بكز بوآنه\nقدر جوابسز قالدی. بوكره امير حضرتلری بوندن ایکی آی اول\nهندستان سیاحتنه عزیمت بيورديلر . ومقام امارته برادری\nسردار نصرالله خان حضرتلرینی وكالة تعيين بيورديلر . ذات\nعالیلری حمیت اسلاميه وغيرت وجدانيه سائقه سيله افغانسة ان"}
{"book": "adl0841", "page": 16, "text": "— ۷ —\n\nحکومتنه خدمت ایتمك اوزره كلمك آرزوسنده بولنان احبامزدن\nبر ذاتدن آلدیغم بر مکتوبی فارسی یه ترجمه ايده رك مكتوب\nعالیکزله برابر مشارالیه نصراله خان حضرتلرینه تقدیم ایله دم .\nمكتوبلرك هر ايكيسنى ده مكرراً اوقوديلر و ذاتاً افغانستان\nحكومنتك ترفيع و ترقيسنه خادم اوله جق عثمانليلردن بشقه بر ملت\nاولمديغنی بیلدیکندن و محضاً خدمت ايتمك داعيسيله تشريف\nبیوره جقکزدن پك زياده ممنون اولدیلر. وبوكا دائر ويريله جك\nامر هر حالده ارادۀ حضرت امیری یه متوقف ایدوکندن ایجاب\nاجراسنی امیر حضرتلرينك تشريفارى زماننه تعليق بيورديلر .\n( كندم بالذات مكتوبلری حضور امیری یه تقدیم ایدوب بوايكي\nذاتك كالملرى اسبابنی تسهیل ایچون ارادهٔ حضرت امیری یی\nاستحصال ايده جكم وقوع حالی کندولرینه يازيكز ) دیه امر\nبیورديلر . بناءً عليه امرلری موجبنجه شو مكتوبى ذات\nعاليلرينه تقديم ايدييورم . فقط اره دن برسنه کچدی . ذات\nعاليكز حالا مصرده ميسكز . و كلمك سوداسنده مى سكز\nمكتوب عاجزينك ذات عاليلرينه وصولنده وقت فوت ایتميوب\nهمان حقیقت حالى بر مكتوبكزله بیان بيوريكز كه امير حضرتلری\nتاريخندن ایکی آی صو كره دارلسلطنۀ كابله تشريف بيوره جكلر در.\nایجاب ایدن مصارف سفريه كزله کلیجکز طريق يا ارادۀ\nسنیه حضرت امیری ذات عالیلرینه تبلیغ ایديله جکدر. قراريلردن\nعثمانلى مكتبلرنده مکمل تحصيل كورمش ملكي وعسكرى ارباب\nفندن اولوبده اورالرده بولنانلردن كمسنی ارزو ایدن وار ايسه\nممكن مرتبه ترجمۀ حاللريله هانکی فنلردن اختصاص كسب ایتمش\nلیاقت و درایتلری مشعر مهر و امضالر آلتنده برر مکتوبلرینی\nآلوب ارسال وعنايتنه وساطت عالیلرينی دخی التماس ايلرم .\nمعروضاتم وجهله امير حضرتلرينك هندوستاندن عودتی"}
{"book": "adl0841", "page": 17, "text": "— ۸ —\n\nزماننه قدر مکتوب عاجزينك امر جوابیه لرینه نائل اولورم امید\nقویسیله ختم مقال ایيلرم . باقى اواده افندم حضرتلرينكدر .\n١٤ محرم سنه ٣٢٤\nمحمود طرزى\n\nبوايكنجى مكتوب اوزرينه كيده جك آرقداشلوك\nمصارف راهیه لرینی تخمين وتعيين ايتمك اوزره حسنى بكله\nبرابر قوق قومپانيه سنك آجتنه خانه سنه مراجعت ايتدك.\nآجته ، قاهره دن ويانه يه قدر بر افندى ۱۰ انكليز\nليراسی ایله ایکنجی موقعـده کیده بیله جکنی ، وايلريسى\nايچون ويانه ده كی آجتنه ایله کوروشولمه سی اقتضا ایتدیکنی،\nقاهره دن دوغرودن دوغرویه باکویه یاخود مروه قدر\nبیلت کسمیه جکنی بیلدیرمش ایدی. بوكا بناءً حالى عرض\nایتمك اوزره كابله برمكتوب يازدى . وبنده بومكتوب\nایله برابر ، حياتمدن نه لره واقف اولديغمـدن ، نه ياپابيله-\nجكمدن باحث برعريضه تقديم ايده رك ، قبول بويورو-\nلورسه م ، حسنی بکله برابر حركته مهيا بولونديغمي\nسويله دم . وحسنى بك اشبو عريضه سنده قوق قومپانيه سى\nآجتنه سندن آلدينى جوابه علاوةً بعیدجه برتخمين ايله\nبرکشی یه كابله قدر اللي ليرا خرجراه كفايت ايده بيله جکی\nظننده بولونديغنى دخی درميان ايتمش ايدی ."}
{"book": "adl0841", "page": 18, "text": "- ٩ -\n\nایکی بحق آی صوكرا كابلدن رسمی بر تحریرات\nایله فخامتمآب دولنلو سردار نصرالله خان حضرتلرينك\nفرمان عالیلری وملفوف ٣٥٠٠ عدد عثمانلی لیراسنی مشعر\nبر بونو کلدی. بزلری شخصاً طانیمدقلری حالده صرف\nبویله بر مراجعت وتحریراً ویرلمش بر سوز اوزرینه پاره\nكوندرمه لری تورکاره قارشو امنیت واعتماد لرينه بر دليل\nعلنيدر .\nآرتق مسأله ، قطعياً جدیت کسب ایتمش اولدیغی\nایچون سفره نامزد آرقاداشلر ، هپمز یول تدارکاتنه\nباشلامشدق . یکرمی کون صوكرا حاضردق. بالكز ،\nآرقاداشمز دوقتور سعدالدین ودادبك، اقحامى قابل سبز بر\nعذر ومانعه ایله قرارندن صرف نظر ايتمك مجبوريتنده\nقالمشدی؛ فقط ، بز هیپمز ایچمزده برده دوقتور بولونمه سنی\nپك زياده التزام و آرزو ايدييوردق . بو آرزوى متلا -\nشیمزی ، نهایت اسکندریه ده اجرای صنعت ایدن\nاوپراتور منیر عزت بك قار دشمز تطمين ايتدی: كنديسنه\nوقوع بولان مراجعت صميمه مزی ، مجرد وحدت\nدينيه ، ومنفعت سياسيه دينه نقطه نظر ندن بر محاكمة\nحمي تکارانه ایله در حال قبول ایتدی .\nروسیه دن کیدیله جکی وروسیه حدودندن کچمک"}
{"book": "adl0841", "page": 19, "text": "- 10 -\n\nبعض قيوداته تابع طوتولديغندن پساپورطلريمزى قاهره\nروس قونسلوسنه ده تصديق ايتديرمش ايدك .\nروسلرك حزر دكزی اطرافندن ، يعنى توركستان\nجهتلرندن كچمکه ، اوطر فلرده سیاحته بر اجنبی یه مساعده\nایتمه دکلرینی قاهره ده ايكن اوكر نمشدك . بوسببله پسا ـ\nپورطلريمزی « برای زیارت مشهد.» قيد ايتدير مشدك .\nوجنورده ده کی آر قداشم زه ده ، پساپورط ايشينك\nقاهره ده اولاجغنى ، خرجراهلرك واصل اولديغنى\nيازمشدق .\nآرتق سیاحت قريبه من شيوع بولمشدی ؛ على\nفهمی بکه تریسته ده بولوشمق اوزره بر مکتوب يازارق؛\n1323 سنه سى ايلولنك اون طقوزنجى كونى قاهره دن\nپورت سعيده حركت ايتدك . شمند وفر غارنده ،او\nسنه لردنبری غربت و جدال ، سعى وفلاکت رفيقلريمز\nايله وداعلاشمق يك حزين وسوزشلی اولدی پورت\nسعيددن اشيا و ادوات صندوقلريمزى قوقس قومپانیه سی\nواسطه سيله ارسال ايتدك .\nاسماعیلیه دن صوكرا پورت سعيده ياقين بر يرده پول\nآرا به لری دوریلش . ترنمز توقف ایتمشدی ؛ بوراده\nيولجيلرك واغون دكيشدير مه سى ایچه قاريشيق برشی\nاولدی ؛ وبوقاريشيقلنده ، بزم قومپار تمانه اسكندريه ده کی"}
{"book": "adl0841", "page": 20, "text": "-١١-\n\nدوققوز آرقاد اشمزك كيريويرمه‌سی، قاريشيقلغك ويرديكی راحتمسزلغی اونو تدیران بر حسن تصادف اولدی. مگر اوده، بزلرله بولوشمق اوزره بوترن ایله پورت سعیده کلیورمش... پورت سعیدده Hotel de France اوتل دوفرانسه ایندك، اوچ كون واپور بكله‌دك.\n\nايلولك ييرمی ايكنجی كونی لوئيد قومپانيه‌سنك اله‌قترا واپورينه بينه‌رك بوتون حياتمزده ايلك هدفمز اولان اوديار اسلام ايچون حركت ايتدك. وبو سياحتده ايلك اوغراغمز تريسته اولاجق ايدی كه: پورت سعيددن تريسته‌يه قادار ايكنجی موقع، يمكلی اون انكليز ليراسی‌در.\n\nواپوريمز اسكندريه‌ده اوچ كون قالدی كومور، صو كبی نواقصنى اكمال ايتدى.\n\nبو توقف كونلرده، بيلمم نصل بر عارضه ايله دهشتلى بر خسته‌لغه طوتلدم؛ متوالى وشديد همالر تاب وتوانمى اوقادار خراب وزبون براقدی كه، ناموس اوزرينه ويريمش سوزدن دونمك، دونه‌مه‌مك انفعالات هر دم هجومی آيريجه بر مرض محرق اوليوردى. اسكندريه‌ده‌كی بواوچ كونی نه قادار تصور ايديله بيليرسه اوقدر فنا كچيردم. ونهايت دوققوز آرقاد اشمزك مبذول"}
{"book": "adl0841", "page": 21, "text": "-١٢-\n\nوخالص مداوات وغیرت دائمه سیله جانلاندم ، وان با آن کسب قوت ایتمکه باشلادم .\n٢٥ ايلولده واپوريمز غايت كوزل بر هوا ايله اسكندريه لیماننی ترك ایتدى . بو، بزم ایچون غربتده وطن اولمش، بزى در آغوش ايده رك سنه لرجه سینه سنده باریندیرمش اولان مملكتى ، بلکه مؤبداً ترك ايدييورق .\n... ایكنجی قاماره دن بزدن بشقه یولجی یوقدی . هوا تميز ، صاف ومتبسم؛ دكز راکد، طاتلی بر سطح سما رنك ايله قلوب متعوبه یه حضور و تسلی بخش ایتدیکی ایچون ، بوندن معصوم بر شوق و شطارت آلارق ، کندیسنه سلاملر وداعلر يوللاديغمز غربتده وطن بو اسكندريه دن افتراقزك حزن وحرارتني او نوتویورق.\nدرت كون، بویله راكد وكوزل دكزى طي ايتدك ؛ درد نجی كونی آقشام اوزری برندیزی سواحلی و فنرلری کورونمه که باشلادی . كوزل بر لیمانی تعقیب ایله ریختمه یاناشدق . (نه تمترا) بوراده يوك چیقاردی ، يوك آلدى قرانته دوقتورينك تفتيش ومعاينه سنی ده صاووشدیر. دقدن صوكرا ، كمينك ایکی ساعت قدر بوراده توقف ایده جکندن بالاستفاده قاره یه چیقدق .\nریختم اوزرنده پوسته خانه لر و آجنته لر بری برینه موازى سوقاقلر تعقیب ایدیلنجه، بويوك بركليسه ميداننه"}
{"book": "adl0841", "page": 22, "text": "- ۱۳ -\n\nکلییور ؛ بزده بومیدانلغه قدر كلدك ؛ صوكرا دونه رك\nینه کلدیکمز یولدن ساحله ، اورادن وا‌پوره كلدك ،\nواپور حرکت ایتدی. ایرتسی كونی آرناوودلق ساحلنك\nتپه‌لری، طبيعتك او تپه‌لری ، اورالره بخشایش لطیفه‌سی\nمناظر روح استیناسی دها صوکرا ، تريسته ليماني واونك\nکردباد مدنیتی انظاری دولدوردی.\nتریسته‌ده واپوریمز آچیقده دمیرله‌مشدی ؛ بوراده\nدخی قرانتیه وبوليس مأمورلرينك تفتيشندن صوكرا ،\n۲ تشرین اول‌ده قاره‌یه چیقدق ، متره‌پول اوتلنه مسافر\nاولدق .\nتریسته، سوقاقلری، جاده‌لری منتظم، بويوك طاشلرله\nتفریش ایدلمش، غایت تمیز، زیاده سیله تجار تگاه بر مملکتدر.\nتپه‌لره دوغرو چیقان منتظم یوللری، کوزل، روح ونظره\nفرح وانبساط ویرن باغچه‌لره ايصال ايدر . و بويوكك\nتپه‌لرده‌کی باغچه‌لردن آرقه یه دونوبده تمدید نظر ایدلدیکی\nوقت، ماوی برحوض لطيف حالتده اشغال وتسخير نظر\nایدن دکز ، باغچه‌لردن آلینان فرح وانبساطی ، برمثنی\nروح ایله مزج ایدر .\nکله‌جك آرقداشلر يمزلہ بوراده بولوشمق احتمالنه مبنی\nمصره قارتلر ياز مشدق بوراده درت کون قدر اقامت\nایتدکدن صوكرا، تريسته پوسته خانه‌سنه اوكله جکنی"}
{"book": "adl0841", "page": 23, "text": "− ١٤ −\n\nبكله ديكمز وكله ين رفيقمز نامنه مكتوبلر قارتلر براقه رق بوداپشته يه حركت ايتدك .\nترنك تريسته دن چيقار چيقماز تعقيب ايتديكى صيرتدن ساحله قدر اولطيف ومزهر خط مائل اوزرنده باغلر باغچه لر، كوشكلر ... اك صوكرا بالقجي قلبه لری، داليانلر ... نظری اویله طاتلی اوقشايوردی اویله بر حرارت برشمیم وطنله بوغاز ايجينى كير زاوكنه كتير بيور دی كه ظن ایدرم بر آنده هپ آر قاداشلر، بر شهیق حسرتله كوكسز قاباردی .\nبودا پشته یه بر آقشام اوزری داخل اولدق ، جسيم ونورانور ایستاسیوندن چیقدیغمز وقت كنيش وتميز جاده لر اوزرنده ، بومعظم شهرك منظره ليليه عموميه سنی آنجاق برایکی دقیقه سیر ایتدکدن صوكرا ناسيونال اوتلنه ايندك .\n\n*\n* *\n\nبودا پشده پك نظربا ايدى. كنيش سوقاقلر جسيم ومكمل مبانی، تراموايلر ، قهوه خانه لر، آصمه كوپروار، خاصه : طونه اوزرنده کی درت یوز متره طولنده کی کوپری ایله مبعوثان دائره سی ، اك صوك صنعت معماريه نك اك محتشم برر نمونه سی ایدی. خلاصه بومملكت جديده تيا ترولری وبوتون آثار مدنیه سیله پارسك بر نمونه سی"}
{"book": "adl0841", "page": 24, "text": "— ١٥ —\n\nایدی . وکوپرولر اوزرینه چیقلدیغی وقت طونه نك\nجریان لطیفی سه ن نهرینی خاطر لاتیور .\nمجارلر ، ناموسكار ، جدی ، فوق العاده غيور ،\nوطنپرور انسانلر در .\nتشرين اولك اون سكز نجی كونی بر صباح بوداپشته یی\nترك ایله اوده سا ايچون شمندوفره بیندك . ترن ، هرایکی\nطرفی مزروع ، بی پایان يشيللكلردن كچهرك مجارلرك\nغاليچیا حدودینی تشکیل ایدن سایایه قارپاط طاغلرینی\nاشدى . لمبرغ استاسیوننده آقطارمه اولدق ، روسیه\nحدودی اوزرنده « پوت وولو چيسقا » قصبه سنده توقف\nایتدك . بوراسی آوستریایه تابع ایسه ده حدوده آنجق\nیاریم ساعت مسافه سی اولدیغندن، روسیه ده کچن حرکات\nاختلالیه یه قارشی روس حكومتنك شدت ظالمانه و مستبدانه سی\nبورا اهالیسنی اشغال ایتمکده ایدی . بوراده ترن اپی\nمدت توقف ایتدیکی ایچون بررقهوه ايجمك اوزره\nاستاسیون قهوه سنه چيقدق. بزی بویله بش کشی سیاح\nقیافتنده کورن بوفه جی و دیگر يولجيلر ، وخوصوصیله\nروسیه لی یهودیلر، اوده ساده کچن وقايع الیمه ووحشیانه یی،\nداها برقاچ كون اول اختلالجيلرك ترنى توقیف ایله\nیولجيلرینی صویدقلرینی بزلره مفصلاً آکلاتیورلر ، وبر\nبادره یه دوچار اولماق ايچون، اقشام كله جك وپك سرعتلی"}
{"book": "adl0841", "page": 25, "text": "افغانستان اميرينك برادرلری نائب السلطنه نصرالله خان حضرتلری."}
{"book": "adl0841", "page": 26, "text": "[BLANK PAGE]"}
{"book": "adl0841", "page": 27, "text": "— ١٦ —\nكيده جك اولان ترنى آلمقلغمز داها موافق اوله جغنى\nبیان واخطار ایدییورلردی . واقعا بزلر ، سنه لردنبرى\nروسیه ده کی اختلالات وطنیپرورانه متوالیه یی غزته لرده\nاوقومقده ایسه ك ده ، بویله بر آنده اواختلاللرك برصدمۀ\nنامأمولنه هدف قالمق احتمالی ، جالب اندیشه اولدی ؛\nوچاره سز ، وقوع بولان بیانات واخطاراتی حسن قبول\nایله اقشام كله جك سرعت قطارینه قالدق . وياغمورلو ،\nصيويشيق برهوا اولدیغی ايچون ، آقشامه قدر بريره\nچیقامیه رق « پوت وولوچیسقا » ده ترنى بكله دك . بورا\nاهاليسنك اكثریسی یهودی ایدی .\nاقشام اوزری کلن قطار ایله روس موقفی اولان\n« وولو چيسقا » یه واصل اوله رق پساپورت یوقلاماسی\nايچون صالونه كيردك .\nهر حكومت مستبده اداره سنده اولدیغی کبی روسیه ده\nدخی پساپورت یوقلاماسنه فوق العاده اهمیت ویریلمکده در.\nصالونده کی يولجيلرك تذكره لری روس مأمورلری طرفندن\nطوپلانیلمش وعينى زمانده اشیالر معاینه اولنمشدی .\nحتى فرانسزجه ماتن غزته سنى بيله آلمشلر ، دوقتورك\nبوتون طبابته عائدكتابلرينی تدقیق ايتمشلر ، تکرار اعاده\nایله مشلردی .\nبزم اشیا واغونينه ويرمش اولديغمز اوته برمزى"}
{"book": "adl0841", "page": 28, "text": "-١٧-\n\nبوراده آرادق، بولامه دق. غالبا اوده سایه قادار کیتمشدی.\nبر چاريك ساعت صوكرا ، صالوندن بر پنجره آچیلارق\nهركسك اسملرينی اوقویه اوقویه تذكره لرينی اصحابنه\nاعاده ایتدیلر .\nتذكره لری ويآتاق بيلتلری ایله برابر روس ترنینی\nآلمشدق. روس ترنلری ، هر قومپارتمانده درت یاتاغی\nحاوی اولمغله زیاده سیله راحتدر. آلتنده بولونان یاتا قلر\nعینی زمانده قاناپه وظیفه سنی ده کورور . اوزرنده كيلر ایسه\nاينديريلنجه قاناپه نك استنادکاهی ، یوقاری قالديريلنجه\n- طبقی اشاغیکی کی - یا تاق اولور . روس شمند و فرلرينك\nيالكز سرعتلری آز در . راحت يولجي لقده ایسه ، محل\nمقصوده بر آز کیج واصل اولمق ، او قادار کدر وحدت\nايديله جك برشی صاییلماز\nحركت ايتدك ، ایرتسی صباح اوده سا غارنده ايدك .\nبوراده ایجه صيقيلدق . در حال اشیاد پوسنه ، تحری\nوتفتيش ... فقط بزم ، اوده سایه کیتدیکنی ظن ایتدیکمز\nاشيادن اثر يوق .. بلكه اقشامه كله جك ترنده در . ،\nامیدنده ايدك فقط روسیه بر شورش و هیجان ایچنده\nاولديغندن بوکی نقلیاتده ياكلشلقلر ، باشقا يوللردن\nكيده رك كونلرجه دپولرده قالمقلر اكسيك دكلدى .\nایجمزده مرام آکلا تا بيله جك قادار روسجه بيلن دخی\n۲"}
{"book": "adl0841", "page": 29, "text": "— ۱۸ —\n\nيوقدی بر ترجمانه مراجعت مجبوريتى حاصل اولدی . ترجمان ايستاسيون مأمورينه مراجعت ايتدى . قاپيسنده سونگولو نوبتجيلر بكلمكده ديكنى ذكر ايتمك لازم اولان ايستاسيون مأمورى، اشيامزك بلكه ( استانسيا آده‌سا پورت ) اوده‌سا ليمان ايستاسيونينه كيتمش اولديغنى سويلدى، اورايه باش اوردق. برطاقم رايلرك آراسندن ، پيس ملوث اوفاق تفك دكانلرك، كومور مغازه‌لرينك ايجندن تك بر موسسه‌يه كيردم ، آرقداشلرم طيشاريده بكليورلردى . برقاج كلمه روسجه سويله‌يه بيلديكمدن معهود اشيا آرانيلان اودايي بولمشدم فقط ارباب مصالح ايله دولو اولان بواودانك قاپيسنده دخى سونگولو نوبتجيلر واردى ، بر طرفنده‌ده مريم انانك قانديلي يانيوردى. ايجه بكلمه‌دكدن صوكرا نوبت بزه كلديكندن مأمور افندى يه كاغديمزى ارائه ايتدم. آرانيلان يرك بوراسی اولماديغى ، داها اشاغيده بر دائره‌يه كيديله‌جكى جوابنى آلدم . واو توصيه ايديان دائره‌يه مراجعت دخی، هنوز بو كبى اشيانك ورود ايتمديكنى اوكر نمكدن باشقا بر فائده بخش ايتمدی. تكرار استاسيونه‌ كلدك . آقشام اولمغه باشلادى. بر طرفدن اختلال وامنيتسزلك قورقوسى بر طرفدن ده اشيامزك بولو ناماماسی ضجرتى ايله استاسيونك انتظار صالوننده مزعج بركون كچيردك ..."}
{"book": "adl0841", "page": 30, "text": "- ۱۹ -\n\nآقشام اوزری يمك ايچون چیقدیغمز زمان بر آز\nدولاشمش ايدك قاپالی محبوس آرابه لرنده کمال دهشت\nو سرعتله سوق ایدیلن كنج مكتبليلرك منظره آلام وسفالتی،\nبزی درین بر يوره ك آجیسی ایله صیزلا تمش ایدی .\nبو محبوس آرابه لرينك درت طرفنده شمشیر بدست جاباوار\nکی قاز اقلر واردی. و آرابه لرك فاصله لرنده، پیاده اولارق،\nوتكمه لر ، ضرب و تحقير لرله كوتورولن بر چوق مظلومين\nواردی بونلردن آلدیغمز عذاب و تأثر، بعید بر دیار هجران\nقالان وطنمز ايچون بر جريحه اولان قلبلریمزی قا ناتدی .\nيمكدن صوكرا تكرار استاسيونه كلدك . كيجه ياريسينه\nقدر بكلهدك ، کیجه یی کچيرمك ايچون اوتل تدارکی ایجه\nکوج اولدی . چونکه : استاسیون جوارنده ، داخل\nشهرده اولدیغی کی تميز او تللر بولو نمايور . بوسبیله برحایلی\nدولاشدقدن صوكره ، برذاتك دلالت خیر خواهانه سی ،\nوتصادف ابتديكمز پولیسلره صورمق لطفيله بريستول\nاو تلنى بولدق .\nايرته سی كون صباحلين، ايلك ايشمن ، معهود ليمان\nایستاسیوننه كيدرك اشيا مزى آرامق اولدی، وینه بولاما پنجه،\nتكرار ايلك ايستاسيون ديره كتورينه مراجعت ايتدك ،\nتلغراف حكمك لزومندن بحث ايتدك ، وكونمزى كزينمك\nایله کچردك ایسه ده بویله مختل الآسایش هر طرفنده قتال"}
{"book": "adl0841", "page": 31, "text": "— ٢٠ —\n\nبر مملکتده كزمك ، وكورمكدن بر ذوق حقیقی حس ایدیله مه یور. چاقل قالدیریملر اوزرنده سرعتله كچن قازاقلرك اوضاع غدارانه مستبدانه لرينی كورمك انسانه بر رعشه خوف و تهور ویرییور.\n\nبوكونك اقشامی ، اختلال انکیز شهرده يالكنز ایکیمز ، اشیالریمزی بكله مك اوزره قالارق، ديكرلريمزك باکویه متوجهاً حركت ايتمه سنی مذاکره ایتدك ، وقرار يمزى همان اجرایه شتابان اولدق ، ساعت یدی بوچوق ترنیله یوله چیقدق. دوقتور ايله ماكيئست رضا بك اوده ساده قالدیلر. اثنای سیاحتده او غراديغمز شهرلرك اك تجارتگاهی ، بوسبیله اك معموری ، الکتریق ترا موایلريله دخی اك متمدنى « روستوف ایدی » « روستوف » آزاق دكزی کنارنده خیلی معمور بر شهر اولوب اهالیسی اکثريتله ارمنی در . « روستوف » دن صكرا ، كوزل مسجدلر ومناره جيكلر له بر تواضع وشعر لطیف ایچنده ، بومستبد ومتعصب مملكتك كنارلرنده ، شوراسنده بوراسنده کی كوچوك چركس كويلرينك منظره سی بزم روح محروریمزده برفرح ونشاط احیا ایتدی ؛ حسیات اسلامیه مزى اوقشادی .\n\nدنيانك هيچ بر طرفنده ايشيد لمامش وكورلمه مش برحال : روستوف دن صوكرا شمند و فرك سرعتلی كيتمه سی"}
{"book": "adl0841", "page": 32, "text": "- ۲۱ -\nایچون یولجیلردن براجرت سرعت طویلادیلر بواجرتله\nقازانیلمش سرعتله درت کون قوشد قدن صوکرا ، سمالره\nیوکسلمش نفت اوجاقلری باجالرينك يا قينلرندن كچه رك\nباکویه داخل اولدق .\n«باکو » ده « مهمانخانۀ اسلامیه » نامنده کی اوتله\nايندك . بوتيمز ، منتظم، حتى مزین براوتل که : اسماعیل\nافندی نامنده برصاحب غيرتك همتيله وجود بولمش .\nواومرتبه یه کلش اولنقدن باشقا اسمندن دخی اکلا شیله جغی\nوجهله اخوان دینمز ايچون مقصد مقدس اخوتی احتوا\nایتمسی آیریجه باعث افتخار وسرور اولمقده در .\n«باکو » بحر حزر کنارنده ، « ايه شه رون » شبهه\nجزیره سی اوزرنده بر شهر قدیم اولوب تخميناً ١٥٠,٠٠٠\nقدر نفوسی جامع در . تجارتي نفت اوجاقلری اخراجاتیله\nپك زياده ترقى وتوسع ايتمشدر . با كوليلرك همان جمله سى\nتورکجه قونوشورلر . روسلرك باکوده نفوسی دیگر برلره\nنسبتاً آزدر . بورا اسلاملری زنده ، حساس ، حمیتلی\nانسانلردر . بعض ارباب غيرت وحميتك همت تشبثيه لريله\nبا كوده معارف اسلاميه برانبساط مهم كوستر مكده در .\nطرف طرف معارف ومعلمين جمعيتلرينك فعاليت\nمخصوصه سی بزی حیرتده براقشدر . با کوده برقاچ ده\nتورکجه غزته نشر اید لمکده در . بوغزته لرك واومعارف"}
{"book": "adl0841", "page": 33, "text": "- ٢٢ -\n\nو ترقى حركاتنك مرجع و متشبثاری محترم دوقتور\nحسين بکلر ، احمد بك اغايف ، ودوقتور قره بك وسائره\nکبی اصحاب حميت و عرفاندر . وخاصةً حاجی زین العابدين\nبکك نقداً و متوالياً وقوع بولان هممات فدا کاریسی جداً\nسزاوار تبريك و تقدير در ......\nاشبو اسملرینی ذکر ايتمکدن ، بر حظ ادای\nشکران دويغيغم ذوات کرام ، باکوده بولنديغمز مدتجه\nحقمز ده پك زياده ابراز آثار مهماننوازی ایتدیلر ؛\nوبر اقشام قلوبك آلت صالوننده ، نام عاجزانه مزه بر\nدعوت مخصوصه ، بر اقشام طعامی یا پارق ، هیمزی ،\nغربت وسفر غريبانه تأثیری ایچنده غریق منت وشکران\nایتدیلر . اشبو ضيافتده احمد بك اغايفك ، دوقتور\nحسين بكك ، وقره بكك نطقاری ، استقبال اسلام\nحقنده ، پیدا و ناپیدا ، وقت وقت تنور ایدن غایهٔ\nخیالیمزی بر شعشعهٔ لطيفه ایله رخشان ایتدی ....\nبا کوده بو قدر مدت قالمقله، باشقا بريوله صاپمش\nاولان چانطه لریمزی ، واوده ساده اونلری تحری ایدن\nارقا داشمز رضا بکی بکله مکده ايدك . نهایت اوده کلدی.\nبوراده اخوان دین وحمیته ایفای وداع ايتمك ايچون\nبز دخی اونلری دعوت ايتدك . وداعيمز مؤثر وحزين\nاولدی . وحين اجتماعمدہ ، شاعر کزیده طلوعات احمد"}
{"book": "adl0841", "page": 34, "text": "- ۲۳ -\n\nكمال بكك نطق منظومی هپمزی مست ایتدی. و آتيده كی\nورقه نك جملة امضا ايد لمسی ، بوتون روحلريمزى بر\nغلیان صمیمی حميتله دلسیر ایتدی .\n\nعربی ۱۳۲٥ ، ۱۹۰۷ افرنجی - ( ۷۱۳۲۷ ی )\nبازار - يوم الاحد - يكشنبه\n\nبو تاريخی توحيد اتراك تاريخي عد ايتدك . آسيايه طوغرو\nعثمانلى افکار حره سنك جریانی یوقاریده کی تاريخدن باشلادی.\nبو تاريخي مبدأ اتخاذ اتمكده مجتمعاً حاضر بولنانلر :\nاحمد كمال ، احمد آقایف ، حسنی ، م . ه ، ع ، ح ، ا .\nبك ح ، محمد حسين، محمد رضا، على حسين، ب بك آ ، محمد فضلی\n\nبا كودن ، اون آلتی كون صكره بر اقشام اوزری\n« قراد نووسقه » كجمك اوزره واپور بیلتلريمزی آلدق .\nنولون ، ايكنجى موقع ۸,٥٠ روبله در . او زمانلرده\nروسیه قزل قانلر ایچنده یوز مکده اولدیغی ایچون قاماره ده\nایكن ایكی روس پولیسی كله رك قابا، وحشى شاقلا بانلقلرله\nاشیامزی و اوستو مزی باشمزی تحری ایمشلردی که :\nبوصورتله تحرى وتعقيبه روسیه دن بشقه هیچ برطرفده،\nحتی هیچ برحکومت مستبده ديارنده تصادف ايديله من.\nبيند يكمز اوفلق واپور ، حزر - غاسپي دكيزينك\nاك اوفاق دالغه لرندن بیله متأثر اولارق چالقانیوردی .\nنهایت، بو اوفلق كمينك ايچنده بعض وحشتلر، برچوق"}
{"book": "adl0841", "page": 35, "text": "— ٢٤ —\nچالقانمقلر کچیردکدن صوكره ايرتسی كونی ساعت اونده\n«قرادنووسق» ه یا ناشدق. «قرادنووسق» بحر حزر\nکنارنده تورکستان شمند وفریله اسیای وسطایه مربوط\nیكى وكوچك بر شهر در . اوفاق برده کورفزی واردر.\nواپورلر احشاب ريختمه ياناشير . شهر غایت سس سبز\nوسكونت ایچنده در .\nریختمه چیقار چیقماز شمند و فر ایستا سیوسنه كيده رك\n«مرو» ایچون بیلتلریمزی آلدق ؛ بورادن « مرو »\nه قدر ايكنجى موقع ¼ ١١ روبله در .\nترن ، آنا یوردمز اولان بومقدس یرلری کچر کن ،\nسیاه چادر شکلنده واسع اووالرده تورکمن قولیه‌لری\nحسيات عميقه ملیه مزی تهزیر ايده‌رك بومبارك وعظيم\nيرلرك روسیه کبی بر حکومت مستبده آلنده مضطرب\nومقهور قالمسنه ألملر چکیوردق ...\nگذرگاهلرده چای بقال وسائر صاتجیلرك اكثريسی\nارمنی ایدی . بعضاً روسلرك سياسته توركستانه هجرت\nایتدیردکلری اوفاق موسقوف کویلرینه تصادف\nاولونویوردی .\nايكى كون صكرا بر آقشام « مرو » ه واصل اوتل\nدوفرانس ، مسافر اولدق روسیه ده هر هانکی براوتله\nاينيلنجه ايلك ايش پساپورط صورمه سیدر . پساپورطسز"}
{"book": "adl0841", "page": 36, "text": "٢٥\nبریولجی یی هیچ بر اوتل قبول ایده مز. بوسیله مراجعت\nایدن اوتلجی یه پساپورطلریمزی ویردك . بواوتل اولدقجه\nتميزجه، ولوقانتاسی روس ضابطاننك اجتماعگاهی ایدی .\n« مرو » افغانستان و ایران حدودلری کبروسنده ،\nافغانستان حدودی اوزرنده کی « قوشق » موقع عسکریسنه\nبر شمند و فرله مربوط اولدیغی ایچون اهمیت عسکریه سی\nپك زیاده در .\nهنوز مبانی عالیه مدنیه ایله تزین ایده مه مش اولان\n« مرو » بومحروميته رغماً تجارتجه حائز قابلیت اولوب\nجاده لری کنیش ، وبوتون جاده لرك ايكي طرفى كوزل\nاشجار مغروسه ايله ودائمى الجريان اوفاق دره جکلرله\nجداً دلفر يبدر جاده لر، قالدير مسز، طوپرا قدر. « مرو »\nك «مرغاب» نهری کو پروسنك كنارنده، طبقی آناطولی\nبازارلرینه مشابه بر بازاری واردر : جوار کویلردن آلیش\nویریش ایچون کلن سواری تور كمنلرينك اطوار وحركات\nدلیرانه لرینی سیر ایتمك قلوب مردانه يه برحس احترام\nويرمكدن خالى قالماز . و بواهالی لسان مادر زادلرینی\nمحافظه ایتمشلر دائما تورکجه قونوشورلر روسجه بیلنلری پك\nنادر در تجارت بوراده دخی قسماً ارمنيلرك اللرنده در .\n«مرو » . وصولمزك ايرته سى كونی آر قداشلر يمز\nدن ایکیسی پولیسه مراجعت ايدرك ، پسابور طلريمزى"}
{"book": "adl0841", "page": 37, "text": "— ٢٦ —\n\nطلب ایتمش ، و هر نه قدر پساپورطلريمز « مشهد »ه\nایسه ده ایرانده اختلال بولوندیغی و ایران ایله حکومت\nعثمانیه بیننده جریان ایدن حدود منازعاتی ده ، تورك\nاولما مز مناسبتیله بزلری دوشوندوره جکی جهتله اویله\nامنیتسز بریره کیرمکه جسارت ايده مدیکمزى وبناء عليه\nقوشق طریقیله افغانستاندن هندوستانه کچه جکمزی\nسویله مشلردی .\nپولیس مدیری جوابنـده : مرو خطی صرف\nعسکری بریول اولوب اورادن کجمك قابل اولامایا جفنی،\nوقرادنووسقك بوطرفنده سیاحت ایسه حربيه نظارتنك\nامر ومساعده سنه تابع بولندیغنى بوسببله بزلرك« مرو»ه\nقدر ناصل کله بيلديكمزه حیرت ایتدیکنی سویله مش ،\nتوركستان واليسى عشق آبادده بولنديغندن مساعده سنی\nآلمق اوزره مراجعت ايتمك الزم اولديغنی علاوه ایتمشدی .\nوبر ایکیمز بوایش ضمنند. عشق آباده کیدر ایسه ك\n، « مرو » ده قالاجق ديكر لريمزك ضبطیه نظارتی آلتنده\nطو تولا جغنی کتم ایتمه دی او آقشام، آرقداشلر یمزدن\nحسنى بك ايله ماکینیست رضا بك بوایش ایچون عشق آباده\nکیتدیلر . اشبو پولیس وقعه سندن صوكرا، ودرعقب\nشیو عیله هرکس بزه تحف تحف باقمغه باشلادیلر .\nاو آقشام اوتلده ، طربزونلی روم وطنداشلر یمزدن ،"}
{"book": "adl0841", "page": 38, "text": "ـ ٢٧ ـ\n\nبريسيله كورو شمشذك . بوهمشهرى وقتيله قفقاس دمير\nیولنده ماكنه جيلك ايدوب مؤخراً چيقارلمش شيمدى ده\nطاشكندده فرونلری تسخین ایچون بر نوع غاز اوجاقلری\nاعمالیله و بو اوجاقلردن مرو ده طابورلره صاتمق و استعمالنی\nاوكرتمك ايله بورالرده بولونديغنى واشتغال ایتدیکنی\nسويله مش ايدى. بوذات قوشقدن کچه جکمزی آکلاینجه\nقوشقه دائر بعض شیلر سویله مش و بزم حیرتمزه جواباً :\nهر وقت بویولدن تورکار کچر بونلر ا كمكجيلك وسائر\nايشلرله مشغولدرلر ، اونلر دائما بورالرده درلر اونك\nايچون اونلری كیمسه منع ایمز . فقط سزك قيافتكز\nو حركاتكز روسلری قورقوتدی . اگر او ا كمكجيلرك\nحال و قيافتنده کلش اولسه يديكز كيمسه نك نظر دقتنی\nجلب ایمز و مشكلاته او غراماز ایدیکز . دیمشدی .\nآرقد اشلرك عشق آباده حركتندن صوكره مروده\nایکي كون قالمش و بر آقشام کلیکز .. مألده بر تلغراف آلمش\nاولدیغمزدن آرتق مرودن قوشق طريقيله كيد مكلكمز\nامكانسز اولدی : و او آقشام حركت ايده رك عشق\nآباده چیقدق. (Grand Hotel) ده آرقاداشلريمزله\nبولوشدق .\nبزدن اول عشق آباده کان آرقداشلر ، والينك\nآدملرندن ترك برذاته تصادف اتمشلر . اوترك ذرات :"}
{"book": "adl0841", "page": 39, "text": "— ۲۸ —\nبولشيكز ثمره سز قالا جقدر. زیرا : روسلر اورادن\nكيمسه یی کچير مزلر ، والی یه سويله يه جك اولورسه كز،\nمطلقا پترسبورغه تلغراف چكه جك؛ اوتلغرافك جوابى\nآلنجه يه قدر سزده بورالرده پریشان اولاجق سكز\nایسی ینه ایران طریقی ترجیح ایتمکدر . ديمش وبو\nسبله ایران طریقی طوتدق ذاتاً قاهره ده ايكن بر آرقدش،\nبزه بوجهتى اخطار ايتمش اولدیغی ایچون پساپورطلريمزی\nاحتیاطاً روسیه طریقیله مشهد، قدر آلمشدق »\nعشق آباد ، بيوك ، یوللری وسائر مبانی و آثار\nمدنيه سيله يكى برشہر اولوب ، اهمیت تجاریه وعسکریه سی\nایله ده شایان ذکر ایسه ده بوتون بو جهتده مخصوص\nسکونتدن حصه دار در .\nتوركستان وسطى واليسنك مقرى ، وايران حدودينه\nپك يقين اولديغى جهتله ده عشق آباد برموقع عسکریدر\nتورکستان طابورلرينك برچوغی بوراده اولوب ؛ شهر ،\nقطعياً عارضه سبز براراضیده بنــا ايد لمشدر . واهاليسنك\nقسم اعظمی ایرانی ، تورکمن ، روس در »\nعشق آبادده اوچ كون قالارق ايشـلريمزى بيتيردك\nصوكرا ، دائما عشق آباد ايله مشهد بيننده سـفر یابان\nآرا به لردن بر آرابه كراله دق .\nعشق آباددن ایران حدودینه قدر اولد قجه منتظم"}
{"book": "adl0841", "page": 40, "text": "— ۲۹ —\n\nشوسه اوزرنده آرابه مز طی طریق ایتمکه باشلادی .\nحدوده یاقلاشنجه یول ، تعوج ایتدی ، مرتفع داغ\nو تپه لری آشمغه مجبور قالدی .\nآرابه شرکتلری یولده منزللرده کی دیگر حیوانلری\nآلارق ، دائما ینی قوتله یوله دوام ایدییورلردی .\nو او تپه لرده کچیر دیکمز سیاه کیجه لری شدتی ، بی انصاف\nصووُقلر خالا خاطرمده در که متصل و اصلا نسبتمز\nیوكسك و آلچاق انیش و چیقیشلرده آرابه مزك صار صینتیسی\nآرابه ایچنده هپمزی بر صدمۀ مدهشه ایله بری بریمزه\nچارپیور ، صانکه بر تهلکه ساعتلری کچیرمکده اولدـ\nيغمزی اخطار ایدییوردی .\nنهایت، طبقی حیاتده اولدیغی كبی اویله چارپیشه اوروشه\nروس کومروكنه واصل اولابيلدك ، پساپورتلریمزی\nویزه ایتدیردك .\nبوراسی ، اوفاق کویلر ، عسکری باراقه لری ،\nباروتخانه ، مدافعەیه الویریشلی اسکی اصولده قیشله لر ،\nتلغراف و تلفون خطوطی ایله ، حقیقةً برحدود اولدیغنی\nکوسترییوردی .\nبورادن آیریلنجه بیطرف منطقه‌یه کیردك ، فقط\nيولك برباد لغی ده ، بوارض میکنده تضاعف ایدییوردی .\nاوچ ساعت صوکرا ایران کُمُرکنه واصل اولدق . بورایه"}
{"book": "adl0841", "page": 41, "text": "—٣٠—\n\nقادار کچدیکمزا راضیده عسکره و عسکر لکه دائر هیچ\nبرشی کورمه دک. ایران حدودنده قارشمزه برباد بر\nخرابه ، پژمرده و خراب برشخص چیقدی. بوشخص\nپژمرده ایران کومروکجیسی ایمش ؛ اشیالریمزی معاینه\nایتدی. او آقشامی و او کیجه یی بوراده کچیرمکه مجبور\nاولدق. پنجره لری قیریق، قاپیسی یارم، طوپراق بریر\nاوداسنه یرلشدك. بوتون شو كوچك سياحتمزده بورایه\nقادار ، بویله سفيل برير ، بويله سفيل بر کیجه كچيرمه ـ\nمشذك. آقشام كومروك مأمورى ، معاينه ايچون\nپساپور طلریمزی ایسته مشیدی ؛ براز صوكرا بزیده\nجلب ایتدی. چونکه پساپور طلریمزی ایران قونسلوسنه\nتصدیق ایتدیر مه مشدك. قارانلق قاپيلردن كچه رك ، اما\nحیوان آخورينه بكزه ین بریره ادخال ايدلدك ، طبيعى ،\nآغاج كووده لرندن ولايعد اورومجك يووالريله مستور\nطاوانلی بودائره رسمیه یه کیردیکمز زمان ، میرزا افندی\nماصه سی باشنده احترام ایله داورانه رق ، بزی قبول\nایتدی ، و اوطورمق ايجون يركوستردى. اصل باش\nمأمور، یوکسکجه برقا پیدن کورونن دیکر براوداده کمال\nعظمت شرقيه ايله او طور مش ناركيله سيله مشغول ایدی ؛\nبزلرى نظر مغرور ایله کوزدن کچیردی.\nكاتب افندى ، خارجدن ممالك دولت عليه ايرانه"}
{"book": "adl0841", "page": 42, "text": "-٣١-\nکیره‌جکلرك ، ایران قانونی موجبنجه ، پاساپورطلرینی\nایران قونسلوسلرینه ویزه ایتدیرمه‌لری لازم اولدیغنه\nوعکس حالده ایکی مثلی خرج ویرمه‌لری اقتضا ایتدیکنه\nدائر بر امرنامه اوقودی . بزده پاره‌لری چوزولدك .\nشیمدی آرتق بوجزای نقدی کیفیله اوبر اودامزده\nوالییزلریمزه یاصلانه‌رق فقط اصلا اویومایارق ، صفا آلود\nبر کیجه کچيردك ! فجرله برابر آرابه جی حیوانلری قوشدی .\nبزده اوقسوت انکیز بایقوش يواسندن وقتندن اول\nچيقدق . يوله دوزولدك .\nروسلرك ۱۸۸۰ - ۱۸۸۱ ده تورکستان وسطاده\nتورکمنلره قارشی آچدقلری محاربات خونریرانه‌ده وتكه -\nليلرك قوتلرينه نظراً پك زياده قوته اولان جنرال سقوبلف\nقومانداسنده‌کی اردویی سوق ايدركن توركمنلر طرفندن\nاوغرادينی هجمات ومدافعات متینه‌یه حتی دوچار محاصره\nاولان توركمنلرك خروج حركتلرنده جنرال پتروسه\nویچ کبی قوماندانلر ضايع ايتمك راده لرنده کی تلفاته قارشی ،\nاوراده تحدید حدوده قرار ویرمشلر ؛ وتمديد حدوددن\nصوكرا خراسان ایله تورکستان تجارتنی تأمین و تزیید\nایچون بر آرابه پولی آچمشلر در . اویول ،ایشته شمدی\nبزى سمت مطلوبه کوتورن بویول‌در ."}
{"book": "adl0841", "page": 43, "text": "داها بر ولایتدی\nرانه نك حیوانلری\nصوكرا نكر لمی\nطه سنده، ایقن\nاسمق بیله ممكم\nوشكنده اوزون\nدن بش أيلك\nقوچان ،\nمه ولری آلنمق\nن عشق آلند\n\nب بوقطعه لرده،\nه ایران طرزی\nتون ، چای\nو پساورد\nاولمشدر . -\nيتمشدى .\nمك : اجنبی\nمصارفلی،\nی آلدی ؟\nید عباس،\n\nافغانستان امير ينك بيوك مخدوملری عناية الله خان معين السلطنه حضرتلری"}
{"book": "adl0841", "page": 44, "text": "[BLANK PAGE]"}
{"book": "adl0841", "page": 45, "text": "— ۳۲ —\n\nباجکیراندن صوکرا یول ، برمثلی داها بربادلاشدی .\nاوکله اوزری « قوچان » ه كلدك ، آرابه نك حيوانلری\nدکیشدیریلدی ؛ برقاچ ساعت استراحتدن صوكرا تکراریوله\nچیقدق . کنیـش شوسه نك دونـك نقطه سنده ، الجاق\nبر دام اوستنده برد اوول دومبه لك ، برده اسمنی بیلمه ديكم\nبر متره قادار اوزونلقده ، آلت طرفی بوروشکلند. اوزون\nنقره ترنم ایله بايرامى اعلان وتبشير ايدن بش كيشيلك\nعجيب برهيات سازنده يه تصادف ابتدك . « قوچان » دن\nصوکراده خاطری صاییلیر . دره لری ته په لری آشدی .\nهیچ برمنزلده ایکی ساعتدن زیاده قالمایارق عشق آباددن\nمشهده قادار طي رحال ايتدك .\nمشهد ، طو پراق برقلعه ایله محصوراولوب بوقلعه لرده ،\nبرقاج قابينك اوزرنده ، بكتاشى کلاهنه مشابه ایران طرز\nمعماریـسنده اشکال ايله نهابتله نـن ايكى ستون ، جالب\nنظـردر . قابيدن کیرنجه دوغرو كمر وك و پاساپورط\nدائره سنه — که برخانك خانجى اوداسندن عبارتدر . —\nكلدك . اشیالريمز وكاغدلر يمـز تفتیش اولونمشـدى .\nاوراده ، تورکجه بیلن برقاج کیشی به تصادف ایتدك : اجنبى\nاولديغمز ایچون ، براوتل صورمقد. ایکن ، سيا. صاريقلى،\nبر ایران اخوندی : — اوت بويورك ... دیه بزی آلدی ؛\nبرخانه یه کوتوردی . بزی کوتورن اخوند ، سيد عباس،"}
{"book": "adl0841", "page": 46, "text": "— ۳۳ —\n\nو برادری حسین که بونلره زیاتجی دینیلیرايمش ؛ وأولرينك\nبر قسمی بزم کی ظهورا يدن يولجيلری قبول اتمکه تخصيص\nايتمشلر .. بوأوه کلنجه یه قادار كچمش اولديغمز دار و برباد\nسوقاقلر ، ومائل انهدام ، بری برينه دایانمش دیوارلر ،\nحاصلی بوتون مشهوداولان شيلر ، اوقادار قسوت انكيز ،\nبومشهد مقدس ك مدنيتی حقنده فکرلريمزده بر حزن\nوألم ، بررنج سقوط حاصل ایتمشدی . بو ، اوتل ، دیه\nكتير لد يكمز خانه قسوت مدارده ، يره يا ييلمش برصوفره\nبزی اوزرنده ، معلوم عجم پیده لری ایله ، أت صویی ،\nبرأت یخنيسی داها بیلمم نه دن عبارت ، وهيمزك صوايجمه مز\nتك بر چاناق احتوا ایدن، بر آقشام یمكی يبدك كه: ايكرنديريجى\nبررعشه ویرن خاطره سی الآن باقيدر . جناب سیدعباس\nخان ـ لطفاً ـ صوفره مزى تشريف ايتمش ايدى . عجم\nپیده لرینی أت صويینه دوغرادق ؛ ـ حالا تعجب ايدييورم ـ\nبیلمم ناصـل ، قاشیقـسـز اوله رق بوعجم پيده لى أت صوينى\nييدك وايجدك . وبوطر زيمك بيمك ، آرتق مشهد مقد سدن\nباشلامشدی . آقشام ( مهمانخانه ) صاحبنك ديكر برادرى\nسید حسین خان كلدى ، کمال جديتله بر آزکورو شد کدن\nصکـرا ، زیارتجیلز بولوندیغندن بحث ايده رك چكيلوب\nکيتدى ... ياتمق زمانی کلنجه عباس خان ينه ظهور ايده رك\nبورايه كلن زوار يا تاقلرینی برابر كتير يراولدقلرى وبو ،\n۳"}
{"book": "adl0841", "page": 47, "text": "٣٤\n\nعادت اولارق قالدیغی ایچون فضله یاتاقلری بولونمدیغنی ،\nبناء عليه بونلرله اكتفا ايديله سنی رجا مقدمه سیله برقاج\nيورغان وايكى ياتاق براقدی . بزم ده ذاتاً بطانيه لريمز\nاولدیغی ایچون : يك اعلا ، بونلر فضله در بیله .... دیه\nبیله رك، اورایه قادار كى حياتك تبدل ايتمش تحف برکیجه\nكجيره رك كولو شدك .. وبو، ایجینه کیره جكمز، ياشايشك،\nاوقادار یکی که ابتدائی مقدمته ، عتبه حیات ابتدائیه یه\nوضع قدم ايتمش اولدق .\nايرته سی صباح ، امام رضا حضرتلرینی زیارت ايتمك\nارزوسی واردی . اولا حمامه كيتمك ، بورايه قادار كى\nيولجيلغك توزندن طوپراغندن ، لوشيانندن تميزلنمك\nایسته یوردق. بزم اغایه اولا بونى سويله دك. ایکی برادر،\nعباس وحسين خانلر اوکزه دوشدیلر ، حمامه واصل\nوداخل اولدق بوحمام ، يك باشقا برحمامدی : مدخل ،\nطبقی بزم حماملر كبي ، صويوناجق مختلف محللر ، ایكی.\nاوج آیاق مردیون ایله زمین دن يوكسك ... قاپی به یاقین\nقاصه باشنده حمامجی اورته ده اوفاق بر حوض ... حمامك\nاصل ييقانيلاجق ایچریسی ده ، يالكز صويونو لاجق\nيرلرى اولما يارق طيشاريسی کبی کیردك ... برحوض كه :\nایچنده کی صو ، صابون كوپوكلريله قيل پارچه لريله ملوث،\nوایچنده ایکی اوچ کیشی ، داها دیبه ايمش، هیچ اولمازسه"}
{"book": "adl0841", "page": 48, "text": "- ٣٥ -\n\nکورونمز قالمش ملوناتی ال وایاق حركتلريله صويك\nسطحنه چیقار بیورلر.. دلاك بزه بوحوضی کوسترەرك :\n- بويورك بوراده ييقانه جقسكـز.. دیدی . وبو آنده : -\nأى ديوژه ن نرده سك ، کل سویله : بورادن چیقنجه\nنرەده تمیزلەنه جكز !.. فریادیله باغیر مق ایسته دم ...\nبوبرباد حوضه كيرمە دك. ودلاك ، فقط كمال تعجبله\nبزه قوغەلرله صیجاق، صوؤق صو کتیردی، هپمزی برر\nبرر ييقادی ، تمیزلەدی . حمامه كيرركن وچیقاركن\nنعلين كيمك عادتي ده يوق كبي : كيرركن يالين آياق ،\nچیقار کن ده حوض باشنه قادار یالین آیاق.. حوض باشنده\nآیاقلر حوضه صوقولوب چیقارلدقدن صوكرا نعلينلر\nكييله جك .. وبویله يا پيلمه أزسه تمیزله نيلمش عد ايديلە مز\nايمش!.. بونى دخی قبول ايده مەدك، ونعلي لريمزى كيدك ..\nحمامدن چیقنجه ، امام رضا حضرتلرينك زيارتنه\nكيتدك : كوزل بنا ايديلمش برجامع ، حوليـنە كيردكدن\nصوكرا ، تكرار بر قاپیدن كيرەرك اصل زيارته داخل\nاولونا جق قپونك مواجهه سنده بولو نولويور . بوراده\nایکی قاییجی اوطورمش ... بزم زیارتجی سید حسین\nأكيلەرك قاپينك أشيكني او پدى. بزده بالمجبوريه برحركت\nتمايل كوستر دك . وايجرى كيرەجكمز صیرادە ، قاپيجيلر،"}
{"book": "adl0841", "page": 49, "text": "—٣٦—\n\nصانكه مقطوع ، تياترو دخوليه سی کبی ، پاره ویرمه دن\nایچری كيرمك قابل اولمديغنی عارسنز بر افاده ایله اكلاندیلر.\nبویله مقدس ومحترم بر زیارتكاهده منافع شخصیه ایله\nزواری تعجیزایدن بو آدملرك شورا جقده ایقاع مشکلات\nایده جکنی دوشونه رك ، ایسته دکلری پاره یی ویرمه سنی\nسیدحسینه تنبیه ایده رك، ایچری کیردك. تكرار بر قاپیدن\nکيردك ، داها بر قاچ قاپی یی ده کچدکدن صوکرا زیارت\nمقدسه نك بولونديغی محله کیرنجه سید حسین اوقومغه،\nوبزده اونك اوقوديغنى تكرار ايتمكه باشلادق . بویله\nدعالر اوقویارق مرقد مقدسك درت طرفنی دولاشدق.\nصندوقه یه یاقلاشه رق اوراده دخی دعالر ایتدك . بواثناده\nتربه دار اولان اخوند صاحب ته په مزه ييتدی. بزه ارائهٔ\nطریق ایتدی ، وبعدالزیاره پاره آتیلماسی لازم اولان\nیری ده کوستردی !. بزده هیچ ایران پاره سی یوقدی،\nبناءً عليه ميمز ایچون بر کاغده صارارق براقديغمز برانكليز\nلیراسنی، تربه دار اخوندصاحب ، برسرعت مخصوصه ایله\nقاپاراق جيبنه ايندیرمکده قصور ایتمه دی . کیر ر کن\nوچیقار کن قارما قاريشيق البسه لی، یرلره قاپانمش نيازات\nوتضرعاتده بولونان برچوق زیارتجیلره تصادف ايتدك .\nبونلردن جوش وخروشه كله رك آغلايانلر ، باغيرانلر ،\nباناویر !.. دیه بوتون بر آوازایله حایقیرانلر واردی ."}
{"book": "adl0841", "page": 50, "text": "- ٣٧ -\n\nبورادن صوکرا، ديكر كوروله جك يررى ده كوردك\nبوراده شايان ذكر برشی وار : تربه وجامع الكتريق ايله\nتنوير ايدلمکده در که : مرحوم مظفر الدين شاه زماننده\nتأسيس اولونمش، وشاه مشاراليه امام رضا حضرتلرينك\nچراغجیسی اولديغنى مشعر خط زرین ایله یازلمش بر\nلوحه یی دیواره تعلیق ایتدیرمشدر.\nامام حضرتلرينك التون كليديني ـ كه بونى هر كس\nکوره مز مش! دخی لطفاً كوستر ديلر ... زيارت ايتدك؛\nحريفلر اوقادار قورنازکه نه اولورسه اولسون اولا اوپوب\nاوندن صوكرا ويريبورلر ... طبيعیدرکه اواویله یاپمجه\nآلان آدمك دخی اونا تبعيت ایتمه سی لازم اولور .\nاوندن صوکرا، سوپورکه جيلر، بزده قرآن او قودق،\nدیه، پاره ایسته ينلرك ، کل صويی سرپه رك آرقه مزدن\nقوشان حافظلرك حد وحسابی يوقدر ... هپ سید حسنه\nحواله ايدرك حشراتك الرندن ياقايى صیبرمش؛ براسلوب\nایله طیشاری فرلایارق أوه قاچشدق ....\nمشهد مقدسـك چارشوسنی، حمامه كيدركن كوردك .\nاوزری قپالی ، بدستان كبی ، قدیم اصولده . ذاتاً\nمشهدده قديم اولمايان بالكز امام رضا حضرتلرينك\nزيارتکاهلرنده كى الكتريق تنويراتيدر ...\nمشهدده يدى كون قالدق. لكن يدی کون ظرفده"}
{"book": "adl0841", "page": 51, "text": "—٣٨—\n\nحمام زیارتدن باشقا بریره چیقه‌مدق . آرقاداشلردن رضابك\nو محمد افندی بر آز پازاره چیقمق ایسته‌دیلر ؛ مشهدده\nامام رضا حضرتلرينك تربه‌سنه كيده‌جك يولده ؛ بازار\nداخلنده بر بويوك زنجير وار ، بو زنجير حدودى ارئه\nایدر ، یعنی اورادن اوته‌يه خرستيان اولانلر كچه‌مزلر ؛\nبزم آرقاداشلر، زنجیری کچمشلر، ايرانليلر فيتيلى آلمش،\nمتعصبین کمال حدتله ، فقط برر ایکیشر طوپلانمغـه ،\nكيدرك بوبويوك برقالابالق اولمغه ، تك توك حركات\nواشارت تهدیدیه ، باشلامشلر . برکت ویرسین که\nدائرة تهدیددن فیرلایارق، تجاوزه تصدی ایدن اولمامش؛\nاگر برکشی تصدی تجاوز ايتمش اولسه ايمش ، پدرك\nبا براقدار لغنى آكلاتيلمجه‌يه قادار ، او بيكلرجه كيشينك\nضربه لری آلتنده محو اولمق يك زياده ممكندى. بر تقریب\nایله اشبو تهدیدات اورتەسندن قورتولمغه موفق اولمشلر،\nبر پولیس رفاقتنده اوه کلدیلر . فقط ینه‌پاره مسأله‌سی...\nبواعلا پوليسه‌ده برقاج پاره ویره رك صاوشملر... آرقداشلر\nبو حمد اولسون آشیردقلری بادره‌دن فوق‌العاده هیجان\nو تأثر ايجنده ایدیلر... و عباس خان: بن سزه‌ دیمه‌دمی ؟\nبوراده سوقاغه چیقیلماز !.. اهالی وحشیدر . دی‌يه\nزمیننده‌ برچوق اخطار انده وحكاياتده بولو نمغه يك‌مساعد\nبرزمین قازانمشدی ...."}
{"book": "adl0841", "page": 52, "text": "۳۹\n\nآقشام ، آرتق مجبوريت حس ايتدك : سيد حسينه\nافغانه كيده جكمزى ، بزه مشهدده كی افغان مأمورينی\nبولويرمه سنی سويله دك . او تاريخده امير حضرتلری\nافغانستانی دور وتفتيش ايله هراتده توقف ايتمش اولديغندن\nمشهدده کی افغان تجارت مأموری ، امير حضرتلرينه\nملاقی اولمق اوزره هراته كيتمش يرينه وكالة تاج محمد\nاسمنده ، لياقتسز ، وقيافتسز بر آدمی براقمش..\nپك زياده قيليق وقيافت دوشکونی اولان بو آدم ،\nسيد حسينك سوقيله برکون کلدی ؛ حامل اولديغمز\nفرمانی كوستر دك . حضرت وكيل نادان و نا اهل اولديغی\nايچون بزی تدقیقات زائده ايله صيقمقدن صيقلمادی :\nاسلام اولوب اولماديغمزی تحقيق ايجون بزه نماز سوره لرينی\nاوقوتدی ، قرآن اوقوتدی ، المزده کی فرمانك تصنيع\nايدلمش بر شی اولوب اولمديغنی موشكافانه تدقیق ایتدی !..\nنهايت ايسته ديکی قناعتی حاصل ایده بیلمش اولمالی ایدی که:\nتاج محمدخان حیوان کراجیسی ایچون لازم اولان کاغدی\nویردی . شاید بویله بر کاغد النمامش اولسه افغان\nحدودندن ايچرو كيرمك شويله طورسون بورايه قدر\nكيتمك بيله قابل اولماز\nحرکت ايتمك اوزره ايدك ؛ ناگاه امام حضرتلرينك\nبويوك تر به داری ، شاكردی ایله زیار تمزه کلدی؛ حضرت"}
{"book": "adl0841", "page": 53, "text": "امامك كوهی خط ایله یازلمش بر قرآن کريمی زیارت\nایتدیردی : هندوستانه كيتديکندن ، اوراده کندیسنه\nبرچوق پاره لر ويرلدیکندن وداها برچوق ماصاللردن\nکمال عظمتله بحث ایتدکدن صوكرا بوقرآن كریمی حق\nكورمك بيله هرقبوله نصیب دکل ایسه‌ده مجرد بزم\nخاطريمز ايجون يانمزه قادار كلك وكتيرمك زحمتني\nاسير که مه دیکنی ، اوقادار طاتسز مبالغه لرله اکلاندی ،\nاکلاتدی که . . . نهایت حريفك الندن قورتولمق ايجون\nایکی لیرا فداسندن باشقا چاره مز قالمادی .\nیدی کون صوكرا برصباح سوار اولارق یوله چیقدق.\nمشهردن افغانستان حدودينه قادار اولان يول يك جزئى\nعارضه ليدر . مشهددن صوكرا برنجى منزل ، « سنك\nبصد » ديدكلرى كاروانسر ايدركه ، بويوك بركارگير\nایله قاریشیق اسكی قلعه لر طرزنده بنا ايدلمشدر . واصل\nاولديغمز آقشام ، بوبش آلتی کیشی یی آلابيله جك\nبرحجره ده، حیوانلر ایله برابر ، كيجه یی کچيردك. صانكه،\nباشی بوش براقلمش دوه‌لر ، بزم سفالتمزی سير ايدييورکبی\nايديلر . . . ايرته سی کونی صباحلين حركت ايتدك ،\nآلتی فرسخ یول قطع ايده‌رك « فريمان » ه كلدك .\nبوراسی ده اوراسی کبیدر . بورادن صوكرا هردور در\nبشر ساعت مسافه ده کی «کارزنو » ، « اسماعیل آباد »"}
{"book": "adl0841", "page": 54, "text": "-٤١-\n\n«عباس آباد» کاربانسز ایللرینی کچدك ؛ ايرانك صوك\nمرحله سی ، حدود باشی اولان «كازير»ه واصل اولدق؛\nایران کومروکی دخی بوراده در . «كازير» دن صوكراکی\nجوار كويلرك اهاليسى تاتار ، وشيعي المذهب درلر . . .\nحدودده تذکره لريمز يوقلاندى ، قيد ايدلدی ،\nاشيالريمز معاينه و تفتيش اولندى. بوراسی دیگر كويلره نسبتاً\nداها بويوك اولوب، گومروك مأمورينك اوطورديغى اوك\nپنجره لرنده جام واردر!.. مأمور ، ارمنی ایدی . اوكون،\nبو ایشلری بیتير د كدن صو گرا یوله چيقدق، بیطرف منطقه یی\nکچدك . اقشام اوزری ، افغان حدودی اوزرنده ايلك\nنقطه اولان «کافر قلعه»يه واصل اولدق . «كازير» دن\nبورایه قادار دورت فرسخ مسافه قطع ايتمشدك .\n«كافر قلعه» بويوجك بر قلعه اولوب، ایچنده ایکی یوز\nسواری آلابيله جك آخورلری ، ودائراً مادار اودالری\nواردی . آقشام ، قلعه یه واصل اولديغمز زمان ، بزه\nير كوسترديلر ، و يركوسترن اون باشی ، یاخود چاوش ،\nيريمزده ايصينه بيلمه مز ايچون آتش دخی يا قدير مشدی.\nبورانك مأمورينه فرماتمزى كوستردك صباحه قارشی\nقوصاندن اورایه كيتمكلكمز ايجون خبر كلدى .\nصباحلين ايركندن ، اوچ سواری رفاقتیله قوصان\nایچون یوله چيقدق . قوصان ، كافر قلعه دن صوكرا"}
{"book": "adl0841", "page": 55, "text": "— ٤٢ —\n\nبر عسکری موقع اولوب ، بر بولوك سواریسی ، وحدود\nمأمورلری بوراده مقیمدر . اولدجه واسع بر قصبه در .\nقلعه لری ، بعض خرابه لری الآن موجوددر بوراسی\nماضیده دفعاتله تورکمن هجماتنه دوچار اولارق خراب\nاولمش ، تكرار بنا ایدلمش .\n\nبزی دوغرو «حیدر خان» برينك أوينه ايندير ديلر.\nوبو بيت حيدر خان برير اوداسندن عبار تدی. بزی کورن\nخلق ، شیمدی یه قادار كورمه دکاری بر شیلر کورمش\nاولدقلری ایچون أولرندن چیقیورلر، سيریمزه کليورلردى.\n\nآقشام ، « دفه دار » دنیلیان برسواری اونباشیسی ،\nقامجيله قاصاطوره سیله یانمزه کلدی، وكیجه یی بزمله برابر\nكچيردی . و بوندن باشقا برقاچ عسکر داها خدمتزه\nتعیین اولوندی . بوراده اثر مهمانوازی كوردك .\n\n« غلام نقشبند خان » حدود محافظی ، آق صاقاللی ،\nغایت ایی برملازم ، بر آقشام نامزده بر ضيافت ویردی. بو\nضيافتده شرقه، وافغانستانه مخصوص اصولده يمك بيدوك .\nیدی کون بویله قالدق . نهایت هراتدن امر کلدی. بزده\nتكرار باشقا محافظلر ومهماندارلر ایله یوله چیقدق .\n\nپهلوان کوره شديرمك ، كوچك اويناتمق كبى شيلر،\nقادين فيستاني وداها برطاقم قيافتلرله عادتا قارناوال"}
{"book": "adl0841", "page": 56, "text": "ـ ٤٣ ـ\n\nاكلنجه لرينه بكزه ین ، وفقط سوية مدنیه لريله متناسب\nملوث ، قارماقاریشیق اكلنجه لر افغان دیارنده دخی بك\nزیاده رواجده اولديغنی استطراداً ذكر ايتمك لازمدر .\nحركتمزدن اوچ ساعت صوكرا « تیرپول » ه واصل\nاولدق . بوراسی كومروك محلی در . وبوراده بولونان\nمأمور، حقمزده يك زياده نزاکت كوستردی . بوراده\n« قوصان » صويي اوزرنده مكمل ، فقط آرتق سنه لرك\nتأثيراتيله خراب بركوپرو واردرکه وقتيله انكليزلرك\nیاپديرمش اولديغنی روایت ايدييورلر . بوندن صوكرا\n« رباط شـباش » ده یوکسـك برتپه ده کی كويده، غايت\nنظر آشوب منظره لی براوداده كيجه يي کچيردك . « رباط\nچرخه » کاروانسرايسنده ده بركيجه قالدق . وهراته اون\nدقیقه لق برکویده ده بركيجه یی کچيردك بوراده مشـهد\nشهبندری عبداه خان ايله مشرف اولدق بو ذات نازك\nتربیه لی وقوفلی برذات ایدی .مشهدده بولنه مديغنه تأسف\nايده رك اثر نزاکت کوسترمشدی . وبزم حيوانله كوچ\nکچیدیکمز یولردن ارابه ایله كيده جكنی كمال حيرتله كوردك.\nهرات\nهرات شهری ـ هری روت نهرينك صاغنده\nمثبت بروادیـده مبنی اولوب ۱۳ عصرده انشا اولنمش اولان"}
{"book": "adl0841", "page": 57, "text": "- ٤٤ -\n\nمکمل برجامعك اليوم يك قديم وغايت مصنع موزاييك،\nکوفی خطوط ایله مزین اولان بالكز التي مناره سنك خرابه سی\nموجوددر . نفوسی ٤٥,٠٠٠ روس موقع مستحکمی\nاولان قوشق بر كونلك مسافه در. وخراساندن وروسيه\nهندوستانه کیده جك مستولى اردولرك خط الحركاتى\nاوزرنده بولنديغندن اهمیت عسکریه سی زیاده در .\nشهر دائراً مادار طوپراق بر قلعه ایله محاطدر. قلعه\nدروننده ايكي بيك قادار خانه واردر . شهر ، جواری\nيك زنكين ميوه باغچه لريله دولودر . هرات جوارنده کی\nلا يعد زیارتگاهلر میاننده ، حضرت عبدالله انصارك\nمدفن مبارکلری ده واردر .\nهراته داخل اولونجه ، دوغرو هرات اتابكنك\nاقامتگاهنه کوتورولدك . والى حضرتلريله مشرف اولدق.\nوالی، بوجسيم دائره نك ميدانه ناظر بر او داسنده ، بنجره یه\nیاقین ، مزین برمیندر اوزرنده اوطورویور ایدی .\nموسم قيش اولديغندن اوجاق يانيور ايدى. ومستطل\nالشكل اولان اودانك ميدانه باقان بنجره سنه ناظر دیگر\nکوشه سنده برقار يوله واردى . والی ، محمد ثرور خان\nبزه بش دقیقه قادار ابذل التفات ایتدکدن صوكرا ،\nيورغون اولديغمزى تقدير ايده رك استراحتمر ايجون\nمساعده ایتدی ."}
{"book": "adl0841", "page": 58, "text": "— ٤٥ —\nبوقوجه دائره ده، بر طاقم معوج مر دیونلردن اینه رك،\nبر چوق قاپیلردن كچه رك بزه تخصيص اولونان یره داخل\nاولدق . بوراسی ، والى حضرتلرينك دربار يا پدقلری\nميدانه ناظر ، بويوجك بر صالون اولوب ، قویو قیرمزی\nزمين اوزرینه يالديزلوله منقش ايدى . وتأمين استراحتمز\nايجون ممكن اولان اهميتك دريغ ايدلمه دیکی کورونویور\nایدی . يمكده بيله بزى كندى كند يزه براقمی\nدوشو نمشلردی .\nيمك ، يره سريلش مشيئلى بر صوفرا بزی اوزرنده ،\nدورت بش قارآوانه ، فقط هربری مختلف طرزده\nپیشير لمش پيلاو ، برقاج سبزه ، طورشو ، قاوون ،\nقارپوز .... موسمی اولمازیغی حالده اوزوم و آرمود ....\nمیوه تپسیلری کونده ایکی اوچ دفعه تبدیل اولنوردی .\nکزمكلكمز ایچون هر بریزه ده حيوان تخصيص\nايد لمشدی . بوطرز مهماننوازی مظهريتی ایچنده ،\nهراتده یدی كون قالدق و بو مدت ظرفنده لوازم سفريه مز\nاحضار ایدلدی . بزه اورا لساننده پوست دیدکلری\nطويوقلره قادار اوزون، قویون پوستندن معمول کور کلر\nويرديلر . افغانستانده بونوع کور کلر همان عمومی کیبدر،\nچاريق ، پول ايجون ياتاق يا صديق ، حاصلی هیچ برلازمه\nسفریه مز اهمال ایدلمه دی . هر شیئی حاضر لاديلر ."}
{"book": "adl0841", "page": 59, "text": "- ٤٦ -\n\nبو بر هفته ظرفنده آقشاملری آتلره بينه رك هراتك\nقلعه سی خار جنده تنزه ايدردك ، بركون ، والينك اوداسنك\nاو کنده کی میداند. برطابور عسکر ، ادمن تعلیمی یا یمشدی ،\nعسكرك قيا تي خایلی منتظم ایدی . تعليمك ختامنده نائب\nالحكومه محمد ثرورخان عسكره مؤثر برنطق ويره رك\nهیسینه هدیه نقدیه توزیع ایتدى. بوندن ، والينك\nعلوجنابي وسماحت شخصيه سی دخی شایان ذکر ایسه ده ،\nشوشكل، طرز عسکری جهتیله افغان حکومت اسلاميه\nسينك شوكت وقوتى استدلال ايديله بيليردی .\n\n« هرات » ك أولی عربستانده اولدیغی کبی هپ\nطویرافدر . چارشیسی ، اوستی قاپالی ، بدستان طرزند.\nاولوب اوفاق ، تفك ، غیر منتظم دكانلر، ودار سوقاقلردن\nعبار تدر بورا اهالیسی، اجنبی نامیله همان هیچ کیمسه یی\nکورمه دکلرندن بزه يك زياده حيرتلرله باقپورلردی .\nکنر مکه چیقد يغمز وقت یا نمزد. کی اونباشی ،( خبردار )\nديه سسله نه رك بوجهم غفير آراسندن بزه يول آچاردی .\nآرتق كون كلدی : اون سواری ، آشجی ، خدمتجی ،\nمکاره جی محافظ کی برقافله محتشمه ایله ، ووالی محمد\nثرورخانه بروداع احترام وتعظيمکارینی ایفا ايده رك\nیوله چیقدق ."}
{"book": "adl0841", "page": 60, "text": "- ٤٧ -\n\nهر اتدن كابله اوچ پول واردر . بونلردن بريسى\nتركستاندن؛ بریسی جنو بدن قندهار طرفندن، او چنجیسی ده\nداغ یولی اولان هزاره جات جهتندن کچر .. هزاره جات\nیولی اولکیلره نظر آداها كسديرمه در . كرك توركستان\nوكرك قندهار طريقیله كابله قرق كونده كيد لديكى حالده\nهزاره جات یولیله ، هر کون بر منزل یعنی : اوچ درت\nساعت مسافه قطع ايديله رك بالكنز يكرمى آلتى كونده واصل\nاولو نويور . اك ياقين بولونمه سی حسیبله هزاره جات یولی\nترجيح ايتمشدك .\n\nبرنجی رباط ، هراتدن ايكى بوجوق ساعت صوكرا\nپل پیر رباطی ایدی .\n\nرباط : افغانسانده سرکاری ، یعنی حکومت طرفندن\nانشا اولونمش كربانسر ايلردركه : پیاده یورویشی ایله\nعلى الاكثر او چر ساعتلك مسافه لرده بنا ايد لمشلر در .\nهر کاروان ، كونده بر رباط قطع ایدر . قرق بش اللی متره\nمربع نده بولونان بوقو نأقلر قاپیسندن داخل اولونجه صاغ\nوصولده کدامدار ، رباطده آرپه صامان، وسائر ادوات\nصاتان وحکومت طرفندن معین صاتجيلرك اودالری ،\nصوكرا ديگر بر ميدان اور ته سنده بر مسجد ، وبونى دائراً\nمادار اوفاق اوفاق او دالر و ديگر طرفده آخورلر اشغال"}
{"book": "adl0841", "page": 61, "text": "قیافت عسکریه ده"}
{"book": "adl0841", "page": 62, "text": "[BLANK PAGE]"}
{"book": "adl0841", "page": 63, "text": "— ٤٨ —\nو توقيف نظر ایدرلرکه، بررباطی کورمش اولمق هپسنی\nکورمش اولمق كبيدر. چونکه : هپسی عینی شکل وحالده در.\nقاپیدن کیریاجه دیوراده برنظامنامه كورولور. بونظامنامه ده\nيولجيلرك قيون، دوه كبي حيواناتك كيجه يي کچيرمك ايجون\nویره جكى فيأت مقدرلری محرردر. بوده بك جزئى برشيدر.\nافغانستان ده هنوز موجود خان واوتل كبي مهمانخانه لره\nاولماديفی و يوللرده بارينيله جق مسكنلر بولو نماديغی جهتله\nحكومتك بومؤسسه لری يولجيلره فوق العاده سهولت\nواستراحت تأمين ایتمکده درلر. بعضی رباطارده جزئی عسکرده\nواردر. عینی زمانده بونار، قلعه وظیفه سنی ده ایفا ایتمکده درار،\nكاملا طوپراق اولوب ديوار لرينك تخنلری یاریم متره دن\nفضله در.\nايرتسی كونينه هرات واديسنى تعقيب ايتدك. يولك\nصولنده « دويندر » داغلرينك اتكلرنده برچوق پيكارلر\nوار ايدى. چنده خان قریه سندن صوكرا پيل پيری يه\nسكز فرسخ مسافه ده قريۀ ماروا کویینه یاقین عینی اسمده کی\nرباطده کیجه له دك. اوچنجی کون، ماروا رباطندن\nصوكرا، اوبه رباطنده قالدق. بورباط ايله اولكى رباط\nآراسنده كى مسافه ۱۱ فرسخ اولوب بوندن ایلريده\nهر یاریم ساعت مسافه ده بر فرسخ اشارتنه تصادف اولونور."}
{"book": "adl0841", "page": 64, "text": "— ٤٩ —\n\nاوبه قريه سندن صوكرايول غايت دار وادی یی تعقیب\nایدییوردی . تغور صور رباطنه ايندك كه اونك مسافه سی،\nديگر لرندن آیری اولارق ؛ آلتی ايدی. بورادن صوكرا\nیول ، نهرك صول طرفنده کی عارضه لی اتكلردن کچن دار\nوطاشلق بر خطی تعقیب ایده ایده خواجه چشت رباطنه\nایندی.\nآلتنجی کون، خواجه چشتدن صوكرا ، هرات نهرينك\nوادیسنی کچد کدن صوكرا ديگر وادیلردن و تپه لردن ،\nغايت دولا مباجلی بر طريق يورودك . او كيجه يی رباط\nحارزارده ، وید نجی کون عينى اعواجلر ودولامباجلر\nقطع ايده رك ، غايت لطيف بر منبع صوينك كنارنده يمك\nييدك . هر كون يولده برايكى ساعت مسافه كيتد کدن صوكرا\nتوقف ایدییور ، تركه لریمیزدن نواله لر ایندیره ك نواله چين\nاولویوردق ؛ هپ بونواله چين اولمقلر کوزل صو باشلرنده،\nآغاجلقلر آلتلرنده اولويور ، بوتون بر سفرينك مشاق\nوزحمتى بوصور تله اخذ مكافات ایدییوردی .\nسكزنجی کونی ، غایت مرتفع داغلردن كچدك ؛ پول،\nپك قاريشيق ایدی. اراضينك زياده داغلق اولمه سندن\nيول ، بعضاً يکندی دره لره اينيور ، بعضاً اك يوكسك\nارتفاعاره چیقیور ایدی . بویله جه ایکی طرفی یالچین"}
{"book": "adl0841", "page": 65, "text": "قایالرله بر عظمت طبیعیه عرض ایدن بر بوغازی کریده\nبراقه‌بیله‌رك تنگیازو رباطنه كه‌بیلدك . دوقوزنجی کونی\nغایت مرتفع ایکی داغ آشدق . وادی‌یه ، اینه‌جك يولك\nصول طرفنده درت بش دانه قورده تصادف ايتدك .\nمهمانداری‌مز نقشبند خان ، هرنه قادار مارتین آلارق\nحیوانی سورديسه‌ده، قورتلر، اکلاشیلان آج اولمادقلری\nایچون ، قاچمشلردی . و بز کمال آسودگی ایله شارك رباطی\nصوکنارینه ایندك .\nهزاره جات یولی ، هند قوش داغلرینی تعقیب\nایتدیکندن یول ، همان هرکون ، عینی منظره‌دن عبارت\nداغلردن ، دره‌لردن کچیوردی. كندريم رباطنه، سفرك\nاونجی کونی واصل اولمشدیق .\nبوندن صوکراکی رباط ، رباط تره‌بلاق ایدی .\nآهنکران رباطی ، اکثریسی کبی دولامباجلی یوللردن\nكوتوره‌رك هرات صویی کنارنده بریره ایندیردی .\nبوراده‌رباط جوارنده متنوع مرمر طاشلری پارچه‌لرینه\nتصادف ایتدك . آرتق ، متعاقباً «كوسيه » و «بادکه »\nرباطارینی‌ده قطع ایتمش بولوندق . ١٥ نجی رباط ،\nدولتیار قریه‌سنك جوارنده، لطيف برواديده ٦ فرسخ\nمسافه‌ده ایدی . بورایه قادار اولان رباطار ، هرات\nولايتنه تابعدر ."}
{"book": "adl0841", "page": 66, "text": "— ٥١ —\n\nهزاره جنگیزخان ایله برابر کلوب بو حوالیده هزار\nهزار توطن ایتمش اولان افراد جنگیز ، آرتق بوديارك\nاهالیسی اولوب قالمش ، وبطندن بطنه تماماً يرللشمش\nایسه ده الآن قیافت وسيمالرى روسيه توركلرينك طبقيسيدر.\nبونلرك مسكون اولدقلرى اراضينك صرب وقوهٔ انباتيه‌سی\nبوسبیله فقیر بولونمسنه رغماً اهالينك اولرى خیلی منتظم\nوطاشدن ، عادتا قلعه رصانتنده ایدی . حیوان يتشدير-\nپیورلر ، وقادينلرى برك تسمیه اولونان بر نوع شایاق\nنسجيله اشتغال ایدرلر .\nافغانستانده کی شایاقلرك اك اعلاسی هزاره دن چیقار.\nوقتيله افغانليلر ایله بینلرنده شيعيلك سنيلك كبى تعصبات\nمذهبیه دن متولد منافرت و نفاق واردر . حتى\nامیر عبدالرحمن خان زماننده بونلرك اوزرلرینه عسکر\nسوق ايدلمش ، قلعه لری تخریب ، كنديلرى تدمير\nاولونمشلر ؛ قادين وقيزلری كابله كتيره‌رك صاتيلمش‌لر\nايمش . . . . واليوم كابلده كى جاريه لرك او زماندن قالدیغی\nروایت ايديلير .\nامیر حبیب الله خان حضرتلری ، عصر حاضرده\nانسان آلوب صاتمه نك انسانيت واسلاميته نه قادار عار\nوشین اولدیغنی تقدیر بويوردقلرندن اشبو اخذ واعطای"}
{"book": "adl0841", "page": 67, "text": "- ٥٢ -\n\nسفيلى منع ايتمشلردر . يعنى اليوم افغانستانده جاريه\nتجارتی قالمامشدر .\nقزل ، سةوه لعل ، کرمان ، از غرات ، پنج آب،\nزرسنك ، مارخانه رباطاری کچیلدی ؛ کابل جوارنده\nجارده دينيلن واديده قلعه فیض ده بر كيجه قالارق وصولمز،\nشهره بیلدیرلدی. ایرته سی کونى على الصباح يوله چيقدق.\nساعت اوجده ، يولمزك اوزرنده ، سرای باغچه سنده\nایکی قسلی کوره شدك كه ؛ بو اوزاق، وطنمزدن بعید اندر\nبعید مملکتده ، وطنداشلرینی استقباله کلمش حسن حلمی\nوعلى فهمى بك آرقاداشلريمرى كوره ك، بزم محروم ومتجسر\nروحلريمزده ناصل بر هیجان حار و سوزشدار احیا\nایتدى . بر ایكی دقیقه اوراده قالارق ، بو عزیز\nآرقاد اشلر له او پوشد کدن صوکرا، کابل شهرينه كيردك .\nخارجیه مأمورى شاه بك خان ومعيتي طر فلرندن\nاستقبال اولوندق . ودوغروجه بزلره تخصیص ایدلمش\nاولان امير شير على خانك باغى ايچون تکرار یوله چیقدق؛\nباغه وارمادن بایراقلر له دونادلمش براوفاق قیشله قاپيسنده كی\nقره غول بزى سلاملامقده ایکن تورکجه قوماندالر\nویرن بیکباشی . . . . . . . ونظام قره غولى كبی قاپيلرينه\nمعلق توركجه يازيلر كورمه مز ؛ وطن جدالنگ حزن\nيتيميله صیزلایان قبلرمزه باران حظ وسرور ، قطرات"}
{"book": "adl0841", "page": 68, "text": "- ٥٣ -\n\nتسلی وامید سرپدی . ونهایت اقامتکاهزیباغه برنشوهٔ روحیه ایله كیردك .\n\nموقع جغرافیی\n\nافغانستان ، آسیانك همان مرکزینده بر امارت اولوب شمالاً تركستان، غرباً ایران ، جنوباً بلوجستان شرقاً ایسه هندوستان ایله محدوددر. مساحهٔ سطحیه سی ۷۲۰٬۰۰۰ كیلومترو مربعی اولوب نفوسی ۷٬۰۰۰٬۰۰۰ قدر تخمین اولنمقده در. اراضیسی داغلق ، اولوب همالايا شعباتندن اولان وافغانستانك شرقندن غربنه قدر امتداد ایله سلسلهٔ جبالی تشکیل ایدن هندقوش داغلری اوزرنده ۶٬۰۰۰ مترو ارتفاعنده ذروه لر موجوددر .\n\nحدودلری\n\nشمال حدودی روسیه ایله اولوب عجم حدودینی تشکیل ایدن روت نهرندن صوكره اق رباط داغلری روسیه ده قاله رق قره تپه ومرعاب نهری اوزرنده، روسلرك مواقع مهمهٔ عسکریه لرندن مروه شمندفر ایله مربوط قوشق موقع مستحکمی هراته بركونلك مسافه در . مرو ـ قوشق شمندوفری عسکری بر خط اولديغندن"}
{"book": "adl0841", "page": 69, "text": "- ٥٤ -\nروسلر بورادن كيمسه يي كچيرمزلر. قوشقدن اعتباراً بالامرغاب اوزرنده پنج ده موقعنه قدر اولان حدودك بر قسمنی نهر مذکور تشکیل ايدركه حدودك بوقسمى بر آز عارضه ليدر. پنج ده دن اتاخانه قدر حدودی بالامرغابه منصب اوفاق تفك صولرى تشکیل ایدن خفیف خفیف ميللى تپه لردر. بورادن خان قاهار باغ، خواجه سلام، دام در یادن اعتباراً کلیف وکرکی موقعلرینه قدر اولان اراضی کاملاً دوز در. ام دریا بورادن اعتباراً افغانستانك شمال حدودينی تشکیل ایدر که نهر مذکور اوزرنده نقلیات وكمرك معامله سی ايكي نقطه در كه بری کلیف، ودیکری ایسه مزارشريفه بر ساعت مسافه ده روسیه جهتنده کی پتاکی حصارده در. نهرده قایقلرله بر ساحلدن دیگر ساحله بر ایکی ساعتده كچيلور . پتا کی حصاردن صوکره بدخشان حدودينی تشکیل ایدن نهر مذکوره بر چوق صولر منصب اولور. قلعه قام ده وبرقوس تشکیل ایتدکدنصکره قلعه وامار، وشغنان، قلعه پنج دن صکره نهر مذکور آب پنجه نامیله افغان وپامیر حدود لرينی ده آییرر. بورادن صکره انگليزلرك اون اون بش سنه اول ضبط ایتدکلری چترال ايالتيله افغانستانك کافرستان ایالتی حدودلری باشلار که :\nبورادن اعتباراً جلال اباد صويي کنارنده و حدودك اوزرنده"}
{"book": "adl0841", "page": 70, "text": "٥٥\n\nداققا موقعنه قادار اولان منطقه ده صرب داغلردن عبارتدر.\nداققه دن صوكره ، عفریدی ومومندی قبائیله مسكون\nبر بحق ایکی ساعت امتدادنده کی خیبر کچیدی دهشتلی\nبر بوغاز تشکیل ایدر. کچیدده بربرندن تخمیناً به زایکیوزمتره\nمسافه ده انکليز حدود قله لری موجود در. قله لرك قبولری\nیوکكده اولوب مر دیوه نلریده متحركدر . اقشام\nو یا باصقین زماننده مر دیوه ن قالدیریلر بوقله لر كاملاً\nطاشدن انشا اولنمش غایت متين ومدافعه به الويرشليدرلر.\nبو حواليده مسكون اقوام، هنوز تمامیله انکلیزلره اطاعت\nايتمدكلری کی، وبوبوله مقابل انکلیز حکومتندن خراج\nده آلیرلر. پشاوردن لوارکی موقعنه قدر شمند وفر انشا\nاولنمشدر . خیبردن صوكره قورام جهتنه قدر اولان\nحدود بوتون طاغلق اولوب کچيدلرى يك نادر در .\nوبو حدود جنوبه قدر بویله جه امتداد ایدر . جنوب\nحدودی بلوچستان حدودی اولوب عارضه لى ارا -\nضيلردن عبارت وقندهاره بركونلك مسافه کی چمن\nموقعنه قدر شمند وفر انشا اولنمشدر. جنوب حدودينك اك مهم\nنقطه سی بوراسیدر وقتیله ده بوراده ۱۸۳۹ ده انکلیزلرایله\nافغانليلر بيننده بر چوق قانلی محاربه لر اولمشدر . سیداباددن\nصوكره حدودك بر قسمتى ( لورا ) كولى تشكيل ايدر\nصالح خان كوش ، افغانستانده؛ باراب شاه ، بلوجستانده"}
{"book": "adl0841", "page": 71, "text": "-٥٦-\n\nقاله رق، رباط صویی حدوده عموداً جریان ایدر .رباط\nموقعدن صوکره ایران حدودینك مبدئی اولان کوه ملك\nطاغلرینه قدر اولان حدود منطقه سنی غودی ریخ\nبطاقلغی تشکیل ایدر . بورادن اعتباراً سیستان باشلارکه\nهاموند نهری اوزرنده که فتح اباده قدر ایران طرفنده\nترش آب، حارزار، سه قوها، موقعلری واردر بوقسم ده\nکاملاً اجیقدر .قلعه فتح دن،صوکره (نای زابه) قدر حدودی\nهلموند نهری تشکیل ایدر ، وایران قسمندن ناصرآباد\nموقعی اولوب بورادن اعتباراً حدود اوزرنده بندان،\nاوخبان ، کیشه موقعلری ایرانه عائددر هامون کوللرندن\nصوکره حدود شماله دوغرو تبدیل استقامت ايدرك\nافغانه عائد دام دام دن ینه افغانستانه عائد بندانه قدر\nحدود منطقه سی دوزلگدر. بعده کوه یاقاس داغلری\nحدودی عموداً قطع ایدر بورادن صوكره افغانستانك\nحدود نقطه سی اولان حراسان وهرات راه تجارتی اوزرنده\nبولنان كافر قلعه ایله ایران طرفندن كاریز موقعی\nاره سنده كی اراضی ده اجیقدر. بعده برچوق ترکمن مهاجما-\nتیله متعد دفعه خراب اولمش، قلعه وقشله لرك خرابه لری\nالیوم موجود بولنان ، قوصان موقعی افغانه عائد اوله رق\nحدود ، روت نهرینه اقان قوصان صوییله ایریلیر\nروسیه حدودینه قدر بویله جه دوام ایدر . بورالریده"}
{"book": "adl0841", "page": 72, "text": "- ٥٧ -\nنسبة داغلق ايسه حرکات عسکری یه مساعد وادیلر\nواردر .\nحدودلر صوك درجه محافظه اولنمقده اولديغندن\nافغان حدودندن ، فرمانسنر هیچ برکیمسه نك كيرمه سی\nقابل دکلدر . حدود مفرزه لری ، سواریلر هر آلتی آیده\nتبدیل اولنوب ضبط وربط پك شدتليدر .\nداغلری\nافغانستان اراضی سی داغلق ايسه ده باشلیجه لری هملايه\nشعباتندن هندقوش سلسله معظمه سی اولوب ایران حدودینه\nقدر شرقدن غربه دوغرو مختلف اسملر له امتداد ایدن\nهندقوشدن شماله ايریلان برقول بدخشان داغلرینی تشکیل\nايدر . اشبو سلسلة جبال كثيف اورمانلر له مستور در .\nجنوبه ايریلان بر قول ایسه کابل نهرینه قدر اينمش اولان\nکافرستان داغلرینی ، کذا اورمانلق ، چنكلك اولان غوربند\nو پغمان داغلرینی حصوله کتيرر . ومختلف ناملرده کی هزازه\nداغلرينه ايريلير . باميان جوارنده ، کوه بابا ، کوه جعفر\nوبونلرك غربنده کوه حيصار داغلرینی تشكيل ايده رك\nغربه دوغرو امتداد ایدن سیدکوه سلسله جبالی ،\nوهراتك شمالنده کی پاروپا میسوس داغلری بوقولدندر ."}
{"book": "adl0841", "page": 73, "text": "- ٥٨ -\n\nو ترکستانك بللى باشلى داغلرندن ، ميمنه نك جنوبنده بند ترکستان نامنده داغلر واردر . كابل صوينك جنوبنده وافغان حدودنده داققا ايله قورام اره سنده سفيد كوه داغلرى ايله غندومك محاربه مشهوره سنك واقع اولديغى غندومك داغلرى واردر . ( اشبو محاربه ده افغانستانه ايلك كيره‌ن انكليزلر تماميله محو اولمشلردر ) قندهار جوارنده ارغاند نهرى اره سنده مختلف ناملرده بر چوق داغلر ، موجود ايسه ده غزنه جوارنده كل كوه قندهارك شمال شرقى استقامتنجه ممتدسرطان داغلرى باشليجه لرندندر.\n\nانهار\n\nافغانستان اراضيسى داغلق وعارضه لى اولمق مناسبتيله بر چوق صولر موجود ايسه ده بونلرك بر چوغى ياز قيش جريان ايتميوب يازين قورو دقلرندن باشليجه نهرلرندن کابل نهرى، منبعنی کوهى بابا داغلرندن اله‌رق کابل ، چهارده واديلرينى اسقا ايله لوغار صوينى وشمالدن پنج شير و دها بر چوق صولر ايله بر لشه‌رك جلال ابادده اولد تجه جسامت كسب ايدر جلال اباددن صوكره دخى جنوبدن سفيد كوهدن وشمالدن كافرستان داغلرندن نبعان ايدن صولرايله برلشوب داققا موقعنده شماله دوغرو تبديل استقامت ولالپورده"}
{"book": "adl0841", "page": 74, "text": "— ٥٩ —\n\nتکرار استقامتنی دکشدیره‌رك ، جنوب شرقی‌یه دوغرو خیبر داغلرينك شمالندن کچه‌رك ، پشارده هندوس نهرينه منصب اولور .\n\nشمالی افغانستانده ام‌دریایه آقان برچوق صولر واردر . بدخشان داغلرندن چیقه‌رق بش‌التی قولدن برلشه‌ن قوقشاصويی، جبل سراج داغلرينك شمالندن چیقان و بامیاندن کلن، صولرله برلشه‌ن چوی کلان نامنده كی صویی شرقدن آلان قوندوز نهری، خان آباد وقوندوز موقعلرندن کچه‌رك ام دریایه دوکولور .\n\nمزار شریف ، و وقتيله تركستانك پایتختی بولنان بلخ قدیمدن کچن بايح صويی‌ده شماله اقار .\n\nکوه حصار ودولتياردن کلن صولر ايله برلشه‌ن وشمالدن شیرازطرفلرندن نبعان ایدن ایرماقلرله فیروز کوه سلسله جبالنك شمال اتكلرندن چیقان متعدد صولر ايله برلشدکدن صوکره، مرغاب صویی، شاه مشهددن صوکره بند تركستانك جنوب داغلرندن چیقان صولرايله ده برلشیر وبالا مرغابده میمنه‌دن و روسیه‌دن کلن صولریده اله‌رق ساران موقعنده حدودی بالمرور پنج‌ده دن مروه آقان مرغابه ملاقی اولور. مرغابك ديكر برقولی دخی فیروز کوهدن نبعان ايده‌رك پنج‌ده ده برلشیر ودیکر اوچنجی برقولی ایسه قوشق موقع عسکریسندن وغربدن کلن"}
{"book": "adl0841", "page": 75, "text": "- ٦٠ -\n\nصولر ایله چمن بند موقعنده برلشه رك كذا مرغابه آقارلر.\nبونلردن باشقه کوه حصاردن نبعان ایدن، دواتیار واهنگران موقعلرندن مرر ایله غربه دوغرو آقان هری رود نهری بندی بامیان و سید کوه داغلرندن کلن متعدد صولريده الير. تامیان و داسخان موقعلرندن بالمرور هرات صوینی شمالدن الیر و جنوبدن دیگری ایرماقلرله برلشوب قوصاندن کچر وکافر قلعه دن اعتباراً شماله دوغرو تبدیل استقامت له حدودی تشکیل ، ایدر وغربدن تربت شیخ جامدن و مشهددن كلن صولرله ایله ده برلشير .\nغزنی جوارنده کی کل کوه داغلرندن چیقان و آب استاده كولنه دو كيلان بالتو نهری، ارغاندا نامیله هزاره داغلرندن نبعان ایدن و جنوبده افغانستان ایله بلوچستان حدودلرنی تشکیل ایله چمن موقعندن صوكرا شماله دوغرو تبدیل استقامتله قندهار جوارنده بر چوق صولر ایله برلشه رك قبلایست موقعنده کوهی جام قلعه، تیرین داغلرندن چیقان هلموند نهرینی الیرکه ، نهر مذکور سیستان ایالتی اسقا ایله قلعة فتح ده بر قوس یا په رق افغان وایران حدودلرنی بالتشكيل هامون کولنه منصب اولور .\nبندی بایان طرفدن چیقان فراح روض نهری زارنج موقعنده سالمان روض نامیله صاغدن بر صو ایله برلشه رك دولت آباددن جنوبه دوغرو تبدیل استقامت"}
{"book": "adl0841", "page": 76, "text": "- ٦١ -\nايده رك كذا هامون كولنه آقار . مذكور كوله منصب\nاولان حاروت نهرى ايسه ادراسقاند صوبى ناميله ادراس\nقاند جوارنده كى داغلردن منبعنى اله رق سبزوار، اخوندى\nرستم، موقعهلرندن مرور ايده رك هاموند كولنه آقار.\n\nكوللرى\n\nافغانستانده كى كوللردن با شليجه لرى بدخشان جوا-\nرنده شيوه كولى، كل كوهك شمالنده ناواركولى، آب استاده\nكولى، ایران حدودنده جسیم هامون كوللری ، رجستان\nچولنده اوفاق تفك كولجكلر ایله بلوچستان حدودنده\nغودی زیرح بطاقلقلرندن عبارتدر.\nافغانستان مختاف ارتفاعده واديلر یايلالردن عبارت\nبواد يغندن هواسى پك مختلفدر. مراسم اربعه نك اجرای\nاحکام ایتدیکی مختلف اقلیملر موجود در .\nشمال طر فلری بدخشان وقتاغان ولايتلرى داغلق\nوعارضه لی اولوب صوثوق و ترکستاندن هرات ولایتنه\nقدر ترکستان افغانیده اووه لردن باشقه جنویده داغلق\nاقسامده، هوامعتدل ایسه ده، هراتك روزكار موسمى پك\nشدتلی اولوب آیلرجه متمادیاً سرت روزکارلر وزان ایدر\nکافرستان ایالتی، هند قوشك جنوب طرفلرى صوثوق ،"}
{"book": "adl0841", "page": 77, "text": "— ٦٢ —\n\nهزاره محیطی ایسه تمامیله افغانك شرقندن غربنه دوغرو امتداد ایدن سلسلهٔ جبال اوزرنده كی قطعه اراضی سرت وصوغوق ایسه ده هواسی صاغلامدر. نفس کابل و جوارنده مراسم اربعه حكمنى تمامیله اجرا ایدوب هوا معتدل، جلال آباد ولایتی منحط اولدیغندن صیجاق اقلیمده در. بورادن اعتباراً افغانستان جنوبينك هواسى ، قندهار وجواری عادتا صیجاق اولوب بورالره قطعياً قار دوشمز. رجستان چولی سیستان ولایتی قوملق وعربستان مثللو شدتلی صیجاقلر یاپار. افغانستانك هواسى عموميتله صاغلامدر.\n\nمشهور شهرلری\n\nدارالسلطنهٔ کابل، کابل نهری اوزرینه مؤسس بر شهر قدیم اولوب تخمیناً ١٠٠،٠٠٠ قدر نفوسى جامعدر. اطرافى داغلرله مخاط و کابل نهريله اسقا اولنان كنيش ومنبت بروادی ده كى شهرك منظره سى يك لطيفدر. بالاحصار جهتده کی اسکی كابلك ، بوتون قدیم شهر لرکبی سوقاقلری دار، اولری حفظ الصحه يه غير موافق برطورزده ایسه ده صوك زمانلرده ياپيلان بنالر اولد تجه منتظم اولوب جاده لر، سرایلر، كوشكلر بر منظره دلربا عرض ايده ر شهر مذكور ١٧٧٤ تيمورلنكك اوغلى باريور پادشاهه مقر اولمشدر ."}
{"book": "adl0841", "page": 78, "text": "- ٦٢ -\n\nو ١٨٣٩ دن ١٨٤٣ قدر درت سنه انكليزلرك النده\nقالمشدر. فوق العاده اعماره مستعد هواسی معتدل باغلری\nباغچه لری زنكين بر شهر شريندر .\n\nقندهار\n\nقندهار ، هلموند نهری جوارنده منبت بر اراضیده\n٦٠,٠٠٠ نفوسلی بر شهر قدیم اولوب، اسكندر طرفندن بنا\nاولنمش و بر چوق دفعه لر، مهاجمات ومحاربات یوزندن خراب\nاولمش ايسه ده ايلك افغان پادشاهی اولان احمد شاه طرفندن\nتکرار بنا واعمار ايد لمشدر. باشليجه تجارتنى قماش، باقر\nادواتی وسائره تشکیل ایدر . نهر جوارنده غايت زنكين\nبر التون معدنی موجود در . قندهار ١٨٣٩ دن ١٨٤٣\nسنه سنه قدر انكليزلرك النده قالمش ومؤخراً استرداد\nاولنمشدر .\nقندهار ایراندن وروسیه کان حرکات عسکریه مساعد\nشوسه اوزرنده اولمسی، وبلوچستان شمند وفرينه برکون\nمسافه ده بولنمسی، وهندوستانه اينه جك مستولى اردونك خط\nالحرکاتی اوزرنده اولمسی ، اعتباريله اهمیت سیاسیه ،\nوعسکریه سی يك زياده در ."}
{"book": "adl0841", "page": 79, "text": "نمونه طابوری قوماندانی ومكتب حربیه مدیری کرنل محمود سامى بك خان"}
{"book": "adl0841", "page": 80, "text": "[BLANK PAGE]"}
{"book": "adl0841", "page": 81, "text": "- 64 -\n\nغزنی\n\nغزنی — اورغانداب منبعی جوارنده . ١٥,٠٠٠\nنفوسلی بر شهر قدیم اولوب یوللری منتظم وهوایس غایت\nصوغوقدر. روسلرك ترکستان قلعه لری شکلنده قلعه لری\nواردر. معموریت ماضیه سیله اشتهار ایتمش اولان شهر\nمذکور ١٠٣٠ ده غزنویلرك پایتختی اولمشدر . سلطان\nمحمود غزنوی حضرتلرينك غایت کوزل تربۀ شریفه لری\nاليوم موجود در. ١١١٦ ده عجملرك النه کچمش ، ١١٥٨\nتکرار سلطان علاءالدين طرفندن استرداد اولنمش ،\nو ١٨٣٩ ده انکلیزلرك يد ضبطه دوشمشدر. اووه لری ،\nیایلالری ، يك مكمل اولدیغی کبی قندهار، کابل، ولاهور\nيوللرينك محل تلاقیسنده بولنديغندن تجارتجه دخی مهمدر.\n\nبلخ\n\nبلخ شهر قدیمی الیوم بر خرابه دن عبارتدر. بلخ کابلدن\nترکستانه کیدن طریق مستقیم اوزرنده در . زمان قدیمده\nخطوط تجاريه نك مركزی اولان اشبو شهر جسیم ١٢٢٠\nسنه سنده قسماً جنكيز خان طرفندن تخریب ايدلمشدر .\nاليوم معموریت وعظمت ماضيه سندن، محتشم مرمر سر ايلرك\nوسائر مبانينك انقاضى قالمشدر."}
{"book": "adl0841", "page": 82, "text": "— ٦٥ —\n\nشهر اليوم مزار شريفه نقل اولنمش اولديغندن روسیه\nایله اهمیت تجاریه سی کوندن کونه ارتمقده در .\n\nتقسیمات سیاسیه سی\n\nافغانستان : کابل ، جلال آباد ، كافرستان ، بدخشان،\nقتاغان ، تورکستان ، هزاره ، غزنی ، قندهار ، سیستان،\nهرات ولایت و ايالتلرينه منقسمدر .\nولايتلر : نائب الحكومه لر يعنى واليلر طرفندن اداره\nاولنورلر .\nحاكملر : نائب الحكومه لرك تحت امرنده اولوب\nمتصرفلکلرده و یا قضالرده اجرای احکام ایدرلر .\nملكار : ناحیه مدیری و یا کوی مختاری اولوب\nكويلرده بولنورلر . بونلردن باشقه هر محله ده کلانتر نامیله\nمحله مختارلری دخی موجود در . هر شهرده خزانه جی\nنامیله ویرکو مأمورلری ، تحصیلدارلر؛ شهر لرده پولیس،\nژاندارمه وظیفه سیله موظف کوتوال مأمورلری، اسایشی\nتأمین وظیفه سیله موظف اولوب، قاضیلر مفتیلر دعاویی\nرؤیت ایدرلر .\nدارالسلطنه کابلده : باش وكيل نائب السلطنه سردار\nنصر الله خان حضرتلری ، كابل والیسی ، مالیه ناظری ،\n."}
{"book": "adl0841", "page": 83, "text": "- ٦٦ -\n\nامین العسس، ضبطیه ناظری ، سپهدار ، حربیه ناظری ،\nقاضی القضات ، شیخ الاسلام، ضبطیه ناظری بوعین زمانده\nبلدیه و نافعه خدماتیله موظفدر . امین المكاتب ، وسائر\nوزردن عبارت اولوب هر برينك مستشار معاون مقامنده\nنائبلری واردر .\nتجار لونجه سی رئیسی تجارت ناظری مقامنده در. خارجیه\nمأمورلری ده موجود اولوب نظارتلره دفتر ، ومأمورلر\nمیرزا نامی ویرلمکده در .\n\n— خاندان امیری —\n\nافغان حکومتی : نادر شاهك وزراسنند دورانی\nطائفه سندن احمدشاه طرفندن ١٧٤٧ تاریخنده قندهارده\nاستقلالیت افغانیه اعلان اولنمش ایسه ده مؤخراً كلن افغان\nپادشاهلری مملکتی اداره یه مقتدر اوله مامشلر ، وسردارلر\nاره سنده پیدا اولمش اولان رقابت ودره بكلك فكرلرى\nنتیجه سی اوله رق ، مملکت ضعف قوت ایدنجـه ،\n۱۸۳۸ تاریخنده انکلیز اردوسی افغانستانی استیلا ایتمش\nایسـه ده ١٨٤١ تاریخنده طرد ایير لمشـدر . ۱۸۸۰ ده\nامير شيرعلى خانك مخدوملرندن امير يعقوب خان زمانند،\nاو تاریخده کابلده کی انکليز سفيرينك قتلی بهانه سيله كذا"}
{"book": "adl0841", "page": 84, "text": "-٦٧-\n\nسردار لرك رقابتیله ایکنجی دفعه اوله رق انكليز اردوسی\nکابله کیرمش، اردوسیله انگلیز اردوسنه بیان معذرته !\nگیده ن امیر یعقوب خان اسیر ايديله رك هندوستانه سوق\nاولنمش، و انکلیزلر جزئی مقاومتن صو کره کابله کیرمکه\nموفق اولمشدرلر . فقط اهالينك جسارتني قيرمق ايجون\nگویا انكليز سفيرينك قاتلری اوزون صاچلی اولديغی\nبهانه سیله ، چارشوده بازارده راست کلد کلری اوزون\nصاچليلرى يقالایوب اعدام واشكنجه ايتمك كي حرکات\nوحشیانه ده بولندقلرندن اهالی صوك درجه بیزار قالمش\nو آتش عصیان فوق العاده بر حمیّت وصلابتله اشتعال ايتمش،\nوقسم اعظمى محو اولان انگلیز اردوسی ١٨٤٣ ده مقهوراً\nطرد ايد لمشدر .\nبو صره لرده محمد زائی فاملياسندن امير مرحوم\nعبدالرحمن خان حضرتلرى افغان تختنه قعود ابتديكندن\nافغانستان سنه لرد نبرو كجير مكده اولديغی كشمكشدن\nقورتي له رق کسب قوت ايلش ، امیر مرحوم ، بوتون قبائل\nافغانبه یی اتحاده موفق اوله رق دره بكلک وسرکشنك\nعادات ردینه سنی اورته دن بالكليه قالديره رق قوتلی بر\nافغانستان حصوله كتير مشدر.\nامير حبيب الله خان حضر تلری ، امیر مرحوم عبد الرحمن\nخانك بويوك مخدوملری اولوب ترکستانده سمرقند شهرنده"}
{"book": "adl0841", "page": 85, "text": "- ٦٨ -\nدنیایه کلمشلر ، تخمیناً اوتوز بش یاشلرندن کنج ، فعال ،\nمعار فپرور غیور بر پادشا هدر . اور ته بویلو اسمر لونلی ،\nصحت وجوده مالكدرلر. افغانستان، زیر ادارۀ عادلانه لرنده\nهر کون یکی بر ترقی یه مظهر اولمقده وكسب عمران\nایتمکده در. موجود مکتبلر هپ حبیب الله خان حضرتلری\nطرفندن کشاد اولنمش، فابريقه لر، يوللر مكملیته طوغرو\nايلر ولمکده بولنمشلر در . کندولری افغانجه دن ماعدا\nفارسی ، تورکجه ، انکلیزجه ايله متکلم اولوب مزاحم\nومشاق عسكریه يه متحمل بر عسكر ؛ ذی نظر ، واقف\nومدبر برداهی سیاسی درلر .\nشكاره صوك درجه مراقلری ، اولوب ونشانجيلقده\nمهارتلری زیاده در . صاغ النك شهادت پارمغی ، آوده\nتفنكك ناملوسی قضاء پارچه لنه رق ، قوپاره شدر . لكن\nبوکی قضا لر حضرت اميرك جسارتنه هیچ بر نقیصه\nویره مز . کندولری عسکر لكه وباخصوص طوبجيلغه\nپك مراقلی بولند قلر ندن همان هر بازار کونی کابل جوارنده کی\nانداخت میداننده اجرا اولنان انداخت تجربه لرنده\nبولنورلر . بر بازار کونی ایدی تجربه اثناسنده برماهتاب\nمرمیسی پاطلامش،سکز اون کشی، فابریقه مدیری میرالای\nمحمد ثرور خان بیکباشی اوسته عظیم خان ده داخل اولمق اوزره\nامير حضر تلرينك درت بش متره ايلروسنده يار الانمش ،"}
{"book": "adl0841", "page": 86, "text": "- ٦٩ -\n\nبو قضای ألیم بوتون مملکتی حزنلره یأسلره دوشورمشدی.\nهرکس امیر حضرتلرينك بويله قضالی تجربه لرده بولنمامسی\nلازمكديگنه و بو وقعه دن صوكره بوشوقلی ، نشئه لی\nتعلیملرده بولنمیه جقلرینه احتمال ویرمشلر ایدی . فقط\nبوعسکر پادشاه ، ایرتسی بازار ینه انداخته گيده رك ،\nیكی یا پلمش طوپلرك انداخت تجربه لرنده بولنهرق هيچ\nبر شیدن ییلمدیغنی کوستردی. وقعهٔ منحوسه ده یارالانا نلره\nهدیه لر احسان وجمله سنی طبیب خصوصیاری واسطه سیله\nتداوی ايتديرمك علوجنابنده بولندى . خارق العاده\nقوهٔ نطقیه یه مالك بر خطیب بلیغ اولوب كسكين بردکایه،\nشدتلی بر سرعت انتقاله مالك اولد قلری کبی قوه اقناعیه لری\nفوق العاده در حضرت اميرك درت مخدومى واردر . اك\nبویوکلری معین السلطنه حضرتلری درکه بانده بالاصقه\nألنده تفنك اولدیغی حالده نمونه طابوری افرادی اره سنده\nعسكر لكك بوتون مشاقنی كورمش مكمل برعسکر\nاولمشدر. ایكنجی مخدوملری قاتاخان واليسى درعين الدوله-\nاك كوچوکلری ١٤ ياشلرنده - محمد كبير جان جمله سی\nچالشمان ، ذکی شهزاده لردر .\nبرادر عاليلرى نائب السلطنه نصراه خان حضرتلری\nاوصاف عالیه ایله متصف كسكين نظرلی ، وقوف صاحبی\nجداً عالم اولوب اوروپانك مراكز مدنيه سنده اجرای"}
{"book": "adl0841", "page": 87, "text": "-٧٠-\nسیاحت ایتمش ومملکتلرینه برچوق کورکیلر وتجربه‌لرله\nعودت بیورمشلردر . تورکاره صوك درجه توجه‌لری\nواردر . عمرجان وامین‌الله خان وسائر برادر عالیلری\nجمله‌سی حلوق ، کنج ، حسیات عسکرانه وبهادرانه ایله\nمتحسس مرد وغیور انسانلردر .\n\nعادات وطنیه‌لری\n\nاریا قومندن وعرق ابیضدن افغان خلقی همان عمومیتله\nاوزون بویلو ، اسمر بکنزلی پارلاق كوزلو متناسب‌الاعضا\nذکی ، جسور برقوم اولوب حدت وشدت خصوصله\nسرکوب صايغه‌ قطعياً تحمل ایتمز سرت انسانلردر .\nبوتون اقوام ابتدائیه‌ده اولديغی کبی پك زیاده مسافر\nپروردرلر .\n\nپوشتو دنیلان بوقومك لسانلری افغانجه‌در افغان\nادبیاتیله یازلمش اشعار وکتابلری موجوددر. علوم‌دینیه ،\nفقهه، تاریخ ، جغرافیایه اثار سائره‌دن باشقه افغان\nمألفلرينك فارسی لسانیله برچوق اثرلری واردر احمد،\nرحمن قوصال کبی شعرای مشهوره کلمشدر .\nصلابت دینه‌لری پك مکمل اولوب منلالره اهل"}
{"book": "adl0841", "page": 88, "text": "— ٧١ —\nزهد وتقوايه ومشايخه فوق العاده حرمت ايدرلر . كندولرينه تعريف ايديلن اك كوج شيلرى بيله دفعة وتماماً اكلاياجق درجه لرده ابراز ذكا ايدرلر . اوزون صاج براقيرلر، باشلرينه سيورى بر كلاه اوزرينه بياض وياشال صاريق صاره رق براوجنى اوزون براقيرلر . عموميتله ، بياض كنيش پاچه لی دون اوزرينه ياقيصه بر پوست وياخود منتان وارى برشی كيوب بللرينه كمر ويا قوشاق صارارلر .\nشهرلرده ستره پانطالون كينلر وسياه قوزى دريسندن كلاه طاشيانلر چوقدر .\nمأمورين عموميتله ستره پانطالون كيوب كلاه افغانی تعبير اولنان بر سرپوش تلبس ايدرلر .\nشهرلی قادينلر تستره صوك درجه مقيددرلر . صوقاقده چادر تعبير اولنان چارشاف كيرلركه چادير باشلغه مخصوص اولان قسم قادينك باشنه تصادف ايدرك طوپوقلرينه قدر اينن قيرمه قيرمه اوتولنمش ، كوزلرينه تصادف ايدن جهتنده منفذلر اولان برستره نسائيه در اياقلرينه يوزى دار برنوع اسقارپين كيرلر واياقلرينه كيدكلرى چوراب دونه دكلمش اولديغندن قادينلرك نامحرم هيچ بر جهتى كورونمز .\nداغلى افعان قادينلرى ارككدن قاچمازلر على الاكثر"}
{"book": "adl0841", "page": 89, "text": "- ۷۲ -\n\nقیرمزی دون کیرلر قادین ویاقیز اولدقلری دونلرندن بللی اولور . قیزلرك دونلرينك پاچالری كنيش اولوب ناموس وعفت خصوصنده پك زياده متانتلری واردر . داغلی افغانلر بولندقلری محیطه كوره زراعت حيوان يتشديرمك، دوه جيلك ايتمك، كومورجولك ايتمك تخته یاپمق كبي شيلرله مشغول اولورلر . على العموم ذكى وچاليشقاندرلر .\n\n- معارف -\n\nکابل شهرنده امیر حبیب الله خان حضرتلرينك تأسیس بیورمش اولدقلری اعدادی درجه سنده ملکی بر مکتب واردر که دارالعلوم حبیبیه نامیله مسمادر. مکتب مذکورده ابتدائی ورشدی معلملرينك قسم اعظمی هندلی اولوب افغانلی اولانلر دخی واردر . مکتب مذکورده دارالمعلمین شعبه سی ده موجوددر . بوندن باشقه كرك كابلده مكاتب ابتدائيه نك عددی كوندن کونه آرتمقده اولوب عموم ولایاتده يكیدن رشدیه مکتبلری تأسیس وكشاد ايدلمكده در .\n\nعصر حاضرده عسکرلکك اهمیت عظیمه سنی دوشونه رك افغان اردوسنه ضابط يتشديرمك اوزره"}
{"book": "adl0841", "page": 90, "text": "-۷۴-\n\nحربیه سراجیه نامیله برده مكتب حربیه کشاد ایدلمش اولوب بوتون شهزادگان حضراتی مکتب مذکوره دوام ايتمكده درلر . افغانلیلر اساساً فطرة عسكر ، جنگاورلك خصوصنده حائز استعداد وخارق العاده اولدقلری ايچون مكتب حربيه نك يتشديره جكى معلوماتلی ضابطلر، بو اولکه ده پك مهم بر موجوديت احيا ايده جکدر .\nمكتبك كشادندن اول امير حضرتلرينك وكلا وامرا وبوتون تبعهٔ شاهانه لرينه قارشو ، معارفك مكتبك فوائدندن بحث ايده رك ويرمش اولدقلری نطق همایونلری بحق پك واقفانه ومدققانه ايدى . اوکون بوتون کوزلر سرشك مسرتله ایصلانمشدی وينه اوکون مكتب حربيهٔ سراجیه مدیری اذکیای ضابطان عثمانیه دن محمود سامی بكك تعليم و تدریس ایتدیکی طابوریله معیت سنیه افرادینه تعليملر ، مانوره لر یاپدیریله رق تعليم وتربيه نك فوائدینی خلقه كوستره رك حس معارفپروريلرينك انکشافنه موفق اولمشلردی .\nبوندن صوكره آرتق آلایدن ضابط يتشمه جکنی وضابط اولمق ایسته ينلرك مطلقا مكتب حربیه ده اكمال تحصیل ایتمه لری مجبوریتنی مؤثر خطبه لريله افهام ایتمشلردی .\nواقعاً ، بوکون ايچون مكتب مذكور پك ابتدائی"}
{"book": "adl0841", "page": 91, "text": "- ٧٤ -\n\nبر حالده ایسه ده ترقی خصوصنده هیچ برشی دریغ بیورمیان حضرت اميرك ساية معارفپرورلرندن ، ومدير غيوری محمود سامی بكك غیرت متمادية تعب ناپذیریله از مانده درجة تکمله واصل اوله جغی شبهه سز در . افغانليلرك فطرة ذكى وجنگاور اولملری و ترقیات حاضرة عسکریه یه وقوف پیدا ایتملريله اسيانك مركزندن بوتون معناسیله بر ملت مسلحه اولد قلرینی كوستره رك ديكر حال مسكنت وعطالتده اولان جوار قومشولرینی ده بیدار ایده جكلری امید اولونابیلیر . . . .\nافغانليلر فوق العاده متدین اولدقلرندن علوم دینیه تحصيلنه صوك درجه اعتنا ایدرلر . وبو سبيله كرك دار السلطنة كابلده وكركیه ديكر ولايانده مكمل مدرسه لر ومدرسین کرام موجوددر . صوك زمانلرده صنايع ، حکاکی مکتبی و صنایع نفیسه دن رسم مکتبی کبی دار العرفانلر كشاد اولمشدر . فابريقه ، كجي ، دیکیش، تجليد ، دفتر جيزمك ايجون جیز کی ماکنه لری ال اياق پره سلری و جسیم بر تپو غراف ما کنه سندن مركب هر نوع كتاب وسائره طبع ایدر مکمل بر مطبعه یه مالکدر . بوندن باشقه ليتو غراف مطبعه سيده طاش جهتندن فوق العاده زنگین اولوب برچوق فرمانلر ،"}
{"book": "adl0841", "page": 92, "text": "- ٧٤ -\n\nراهداری - یول تذکره لری پوسته پوللری وسائره طبع\nایتمکده در .\n\n- صنایع -\n\nافغانستان همان همان احتیاجاتنه کافی اوله بیله جک\nفابریقه لره مالکدر . بونلردن باشلیجه سی کابل نهری\nکنارینه امیر مرحوم زماننده تأسیس اولنمش و حبیب -\nالله خان حضرتلری زماننده درجه مکملیته ایصال\nایدلمش اولان ماشینخانه در . بوفابریقه ده ایکنه دن طوپه\nوارنجه یه هرشی غایت مکمل صورتده یا پیلمقده اولوب\nتخمیناً درت بش بيك عمله چالشمقده در .\nبرکد ، میرالای محمد ثرور خان طرفندن اداره اولنمقده\nاولان فابريقه نك محصولی اولان بالجمله اشیای نفیسه یی ،\nهنوز اکمال اولنمامش اولان دلکشا سرایده تشهیر\nایتشلر دی. دلکشا سراينك الت قاتنده فابریقه ده یا پلش\nطوپ وطوپار لقلر ایله مترالیوزلر، ماکنه لی تفنگلر ،\nلازمکلن تعمیراتی اجرا ایچون سیار اوجاقلر کوروکاریله\nوسائره سیله فوق العاده قوللانشلی ومكمل ايدى .\n٧,٥ سانتيميتره لك صحرا طوپلريله جبل طوپلری ،\nقیصه واوزون مارتینی تفنکلری، سواری اکرلری و قلنجلر،"}
{"book": "adl0841", "page": 93, "text": "- ٧٦ -\n\nسواری مزراقلری ، پیاده قاننجلری طوپجی قصاطوره لری\nقاننج قایشلری ( بونلر فوق العاده مكملدی ) طوپ\nقوشوملری شراپنل دانه لری ثانیه لی تپه لر ، انواع\nکلاهلر ، غاندلر الدیوه نلر، عسکر دوکمه لری، حتی با یمه\nچیچکلر ، سیار قاریوله لری : اچلیر قاپانیر چتال ،\nیچاق قاشیق ودها سائر بيك درلو اشیای نفیسه یه قادار\nهپسی فابريقه نك مارقه سنى حاوی ايدى . بونلری تماشا\nایتدیکمز زمان کوکسمز مسرتدن قابارییوردی اوکون\nاميدينك يك مافوقى بولمشلره مخصوص بر انبساط\nروح ایله ممنون اولمشـدق . وبزه مهماندارلق ايدن\nحضور ترجمانی عظیم الله خانه تشكرلر ايدييور حسيات\nتقديرکارانه مزى بر لسان مناسب وممنون ايله اظهار\nایتمکدن واز کچه مه يور ايدك . . .\n\nمنسوجات خصوصی دخی درجة تكمله ياقلاشمده\nاولوب هزاره لرك دوه يونندن يا بدقلرى بره ك تعبير اولونان\nغايت يوموشاق شـاياقلريله ، قندهارده دوقونان رنگلی\nقماشار، ایپکلی شیلر حقيقةً نفيس نفيس منسوجات داخليه-\nدندر . و بونلرك اصل انفسی امیر حضرتلرينك هندوستان\nسفرلرندن صوكرا جلب ایتدیردکلری و هنوز در دست\nتنظيم بويوك منسوجات فابریقه سیدر .\n\nمستر تارنتر نامنده بر انكليزل اداده سنده بولنان مکمل"}
{"book": "adl0841", "page": 94, "text": "- ٧٧ -\nبر دباغخانه سی وار در که اوراده اعمال ایدیلن پرلی دریلرله،\nقوندوره ، چيزمه وا کر طاقملرى حتى اك نفيس كودرى\nالديوه نلر يا پيلمقده ، مملكتك بويوزدن اولان احتياجاتي\nخارجك صولتندن مصون قالارق تأمین اید لمکده در .\nحقيقة افغانستانده دباغلق او درجه تكمل ايتمشدرکه :\nقویون پوستلرینی اینانیلمایاجق انجه لك ويموشا قلقده\nدباغ ايده رك ، پوست و یا پوستینجه دیدکاری کورکلری\nاعمال ایدرلر .\nکابلده برده اسپرتو فابریقه سی موجود اولوب مکمل\nاسپرتو اخراج ایدرلر . بودیارده عشرت ايتمك قطعياً\nیوقدر شراب خورلر فنا مجازاته دو چار اولورلر. اساساً\nمملکتده ايجكى بولمق قابل دكلدر . اسپرتو صنایعـده\nاستعمال اولنوب هندوستانه اجراج اولنور . بودیارده\nمع التأسف افيون واسرار ايجمك عادت مذمومه سی\nحکمفرما ایسه ده امیر حضرتلری اوكبی فنا عادتلری ده\nاورته دن قالدير مق لطفنده بولنمشلر در . مرا نقوزلق\nدخی خیلی مترقيدر . تخته اوزرینه اویمه جیلق و نفیس\nدو غرامه ایشلری پا پلمقده در كيل كار لق ـ چامور جيلق\nخصوصنده مکمل صنعتكار لر يتشم در . چاموردن او قدر کوزل\nديوار لر اعمال ايدرلر، اوقدر نفیس اور نمانلر يا پارلرکه\nانسان حيرت ایدر . فقط ... مملکتده طاش او قادار"}
{"book": "adl0841", "page": 95, "text": "- ۷۸ -\n\nچوق اولدیغی حالده طاشجیلحق ـ مع التأسف ـ دیگر\nصنایع قدر ایلرو گیده مهمشدر . مع ما فيه هراتده حضرت\nایوب الانصاری حضرتلرينك تربۀ مقدسه لرینی زیارت\nايتد يكمز زمان پك نفيس مزار طاشلری كور مشدك .\nمملکتی هیچ برترقیدن محروم براقمیان ، محروم براقغنه\nاصلا راضی اولامایان ، امیر حضرتلرينك نظر ترقی\nپرورانه لرینی ، بو ، طاشجيلقده كی توقف جلب ایتمش\nاولوب ، بالآخره مكمل طاشجی اوسته لری جلب ایتمشار،\nبوتوقفی امحا ایله يرينه وقوف وترقينی اقامه يه بذل مجهود\nايتمكده بولو نمشلر در .\n\nولاياتده دخی بو کی مؤسسات صنايع موجود اولوب\nجلال آبادده شکر فابریقه سیله توغله گره مید فابریقه سی\nشایان ذکر در.\n\nصنایع معماریه سی ـ ہندوستانی و ایرانیدن مركب\nبرطرز دانشينده در ازك مبارك ، امير مرحو مك تربه لری ،\nباغ بالا ، دلکشا ، باغ خندکی ، باغ شراره نائب السلطنه\nنصراه خان حضرتلرينك كاشانه لری انفس اثار دندر .\nاورایى ترك ايتد يكمز وقت جلال اباد نهری اوزرنده\nبر اصمه کوپرو انشا اولنمقده ایدی !"}
{"book": "adl0841", "page": 96, "text": "— ۷۹ —\n\nيوللر شوسه‌لر\n\nافغانستانده يوللره فوق العاده همت اولنمشدر. موقعاً\nصرب طاغلق اولمه‌سنه رغماً ينه مكمل يوللر آچيلمش\nفقط قسم اعظمى پخته يعنى قيرمه طاش فرش اولنمامش\nايسه‌ده صوك زمانلرده امير حضرتلری بخارله متحرك\nجسيم تضييق سلنديرلرى جلبنی فرمان بيوردقلرندن\nشوسه‌لرك برقاتدها مكمليت كسب ايده‌جكنه شبهه يوقدر.\nهله كابل شهرينك يوللری حقيقة مكملدر . كنيش\nاطرافی اغاجلقلی هرايكی طرفندن صولر جریان ایدن ،\nسایه‌دار فرحبفزا يوللردر .\nولايتلر اره‌سنده منتظم شوسه‌لر واردر . كابلدن\nقندهار طریقیله هراته : كذا هزاره‌جات طریقیله داغ\nيولنى تعقيب ايدن ديگر برشوسه وار .\nهراتدن : بالامرغاب، اناخان، دولت آباد، شیرخان ،\nميمنه، مزار شريف ، طاش قورغان ، باميان ، كابله‌كان\nترکستان يولی هراتدن هرمنزل اوچ ساعت اولمق اعتباريله\nقرق منزلدر. كابلدن ميان اباددن و اينداراب دن كچه‌رك ،\nقتاغانده‌كی خان‌اباد طریقیله بدخشان يولى . كذا كابلدن\nجلال‌اباد طریقیله پشاوره کیدن شوسه اك ايشلك جاده‌سی\nاولوب بوتون هندتجارتی بويول ايله سوق اولنور. كروان"}
{"book": "adl0841", "page": 97, "text": "— ۸۰ —\n\nیکرمی کونده کیدر . علی العاده اون كونلك بر مسافه\nاولان بویولی پوسته اوچ کونده قطع ایدر .\nقندهار دن بلوچستانده کی شمند وفر مركزینه بر\nبركونلك مسافه ده منتظم شوسه موجود اولوب افغانستان\nجنوبينك تجارتي ونقلی کوچ ، ثقلتلی اشیا ودمير ادواتی\nبویولدن جلب اولنمقده در . بوكبی اغیر شیلر فیللر\nواسطه سیله نقل اولنور كابلده تخميناً قرق قدر فیل اولوب\nنقلیات خصو صنده پك چوق ایشه يرارلر. وقورو اغاجلری\nسوكديرمك خدمتی خارق العاده بر صورتده ایفا\nایتدكلرى كبی اردونك بويوك اغير لقلرینی نقل ایتديرمك\nوشوسه یاپمق ایچون تضييق سلنديرلرى کچديرمك\nخصو صنده چالشديريليرلر .\n\n— اثار قديمه —\n\nکابل نهرينك بوغاز تشكيل ایتدیکی مرتفع ته په لرده،\nاوز بكلر طرفندن يا پلمش ، کار قدیم ، جسیم طوپراق قلعه\nديوارلر اليوم موجود اولوب ، تخميناً اللى التمش متره\nو بعض یرلرده داها مرتفع اولان بويالچين ته په لردا شاغيدن\nطويراق طاشيه رق بوجسیم خوشمنظر قلعه دیوارلرینی\nوجوده كتير دن ارباب غيرته حير تلرله مملو تقديرلر"}
{"book": "adl0841", "page": 98, "text": "-۸۱-\n\nيوللامامق قابل دکلدر. ماضیده مملکتی دشمن مهما.\nجاتنه قارشو مدافعه‌یه خدمت ایتمش اولان بوطوپراق\nیغنلرينك بوکونکی کونده هیچ براهمیت عسکریه‌لری\nاوله‌ماز. بامیان و مزار شریف قندهار و سیستان جهتارنده\nدخی اثار قدیمه موجود اولدیغی مرویدر.\n\nتجارتی\n\nافغانستانك باشليجه اخراجاتی میوه، خصوصيله\nکشمش تعبیر اولنان رازاقی اوزومیدر. يوك، ياغ،\nحیوانات کثرتله هندوستانه و روسیه‌یه، ایرانه سوق\nاولنور.\nنقلیات قامیون اوتوموبیل کبی بر سرعت مکمله یه\nافراغ ایدیله‌جك اولورسه اشبو اخراجاتك اللی التمش مثلى\nتزاید ایده جکی شبهه‌سزدرکه، اووقت تازه میولرده\nبوزولمه‌دن، چورومه‌دن هندوستانه سوق اولنه بيله جك\nومملکت بویوزدن پك چوق كسب ثروت ایده جکدر.\nبخارا ایله قره قولی تعبیر اولنان قوزو دریلریله ومشهد ايله\nپوست و پوستچه یون، یاغ، یوزندن پك مهم تجارتی\nحائزدر.\n\n٦"}
{"book": "adl0841", "page": 99, "text": "[BLANK PAGE]"}
{"book": "adl0841", "page": 100, "text": "[BLANK PAGE]"}
{"book": "adl0841", "page": 101, "text": "— ۸۲ —\nبدخشانده چیقن لعل ، ولاجورد ويعقوت کبی\nذی قیمت طاشلر اولدقجه مهم بر تجارت تأمین ایتمکده در.\nپوسته لری\nطربزونلی حكاك وخطاط حسن حلمی افندينك همتيله\nپوسته خانه لری تنظیم اولنمش و پوللری ، مخابره ورقه لری\nبوکون نفیس بر حاله کلمشدر.\nپوسته خانه لرده ، امانت اشیاسی دخی قبول و سوق اولنوب\nپوسته اجوراتی غالی دکلدر . نظامات قطعیاً مکمل ،\nوممالك عثمانيه نظاماتنك همان عينيدر . پوسته خصو صنده\nتأسف اولنه جق برشی وارسه اوده حكومت افغانيه نك\nهنوزپوسته اتحادينه داخل اولما مش بولونمه سيدر . پوسته\nنقلیاتی « پوسته تاتاری» واسطه سیله در . هر ايكى ساعتك\nمسافه ده بر پوسته قلبه سی اولوب پو ته جيلر ایکی ساعت\nمسافه یی خارق العاده بر سرعت ایله قطع ايده رك ديكرينه\nتسلیم، اوده اولکیسی کبی ایکی ساعت اوته ده کی بر پوسته جی یه\nتسليم صورتيله نقل ايدرلر. بونلر دائما داغلردن و کسدیرمه\nیوللردن کیتدكلری ايجون يك چابوق واصل اولورلر . مثلا\nکابلدن پشاوره پوسته اوچ کونده کیدرایکن بومسافه\nعلى العاده يولجيلقده عمومی یولده اون کوندن اشاغی\nقطع اولنه مز کاروان یکرمی کونده كيدر . هنوز تلغراف\nیوقدر . فقط ضیا واسطه سیله مخابره Télégraphie"}
{"book": "adl0841", "page": 102, "text": "-۸۳-\n\noptique افغان اردوسنده کمال مهارتله اجرا اولنمقده در .\nو بوندن باشقه دارالسلطنه ده دوائر وفابريقه لر سرایلويننده\nتلفون مخابراتی والکتریق تنویراتی واردر .\n\nپاره لری\n\nافغانستانك پاره لری بخارا پاره لرینه نسبتله پك كوزلدر .\nفابريقه ده مکمل بر ضر بخانه موجود در . افغان پاره سنك\nواحد قیاسیسی روپیه کوموشيدر . برروپیه التمش پیسه در .\nاو توز پیسه برقران یعنی یاریم روپیه کموشدر . بوندن بشقه\nیکرمی پیسه لك واون پیسه لك اوفاق کوموش پاره لر\nواردر پیسه لر باقير در . روپيه نك بشی بر پرده سی وایکی\nروپیه لکی ده واردر .\n\nبر افغان التونى يكرمی روپیه در حسابار هیپ روپیه\nاوزرینه جریان ایدر . صوك زمانلرده امیر حضرتلری\nکاغد پاره ايچون فرمان بیورمشار ، وحسن حلمی افندی\nرسمیله مشغول بولییورلردی .\n\nاجنبی پاره لرندن : ایران قرآنی کموش اقچه ،\nهندقالدهار روپیه سی ، روس بخارا التونلری ایله انگلیز\nوعثمانلی ليرالرى وبانق نوطاری ، تداول ایتمکده در ."}
{"book": "adl0841", "page": 103, "text": "— ٨٤ —\n\n— زراعت —\n\nافغان اهالیسی زراعته يك غير تليدر. منبت وادیلرده بغدای ، آرپه ، مصر ، چودار ، داری ، نخود، برنج ، شكر قامیشی ، افیون ، پاموق ، وسائره زرع اولنمقده در. تورکستانده، هراتده، وقندهارده ايپك حاصلاتی هر سنه تزاید ایتمکده در. ميوه يتشديرمك خصو صنده قابليتلرىده فوق العاده در . باغچه جيلك خصوصنده دخی خیلی ترقی ایتمشلر در .\nزراعت همان تماماً اسقا اولنور . نهرلرينك تقسيمي، وتارلالره سوقی شایان تقدير برصورتده اجرا ایدلمکده در. فابريقه لر، اغاج ایله تسخين اولنديغندن بواحتياج سوقيله اغاج يتشدير مكده بك زياده غیرت ایدرلر . قابل زراعت اولمایان پرلرده حیوان يتشدیروب ياغ، پنير، يوك، تجارتي ايله ، وشاياق ، كليم طوقومقله مشغول بولنورلر :\n\n— افغانستانده كی عنصرلر —\n\nشمدی به قدر تمامیله تحریر نفوس اجرا ايد لمامش ایسه ده افغانستانك نفوسى يدى مليون، بلکه ده دها زیاده در."}
{"book": "adl0841", "page": 104, "text": "-٨٥-\n\nبوتون بلاد اسلامده اولدیغی كبی تعدد زوجاته انهمالکاری\nزیاده بولندیغندن نفوس دائما تكثر ايتمكده ، وهوانك\nصاغلام اولمسندن وفیات از اولوب ، تكثر نفوس\nكوندن كونه مزداد اولدیغی هر آن حس ایدلمکده در .\nبدخشان، قتاغان ، توركستان ولایتی تمامیله اوزبك\nو تركمن وداجقلردن عبارت اولدیغندن تخمیناً بر ملیون\nقدر تورك واردر. مسلمان وجمله سی سنی مذهبنده درلر.\nكافرستان جهتلرنده ایسه جدیدیلر مسكون اولوب ،\nمرحوم عبدالرحمن خان زماننده عسكر سوق اوله رق\nمحاربه نتیجه سنده دین مبین محمدی یی قبول ايتمشلر\nومتعاقباً مدرسلر ملالر كوندريله رك اسلاميت تماماً انتشار\nایتشدر. اشبو طائفه نك لسانلری ده باشقه در هیچ بر لسانه\nمشابهتی یوقسه ده ، بعض کلمه لر لاتينجه یی اکدیرر .\nبونلرك اره لرنده صاری صاچلی ، ماوی کوزلیلرده\nموجود اولوب ، کابلده نمونه طابورينك افرادى كاملاً\nبو قبيله دندر .\nهزاره لر چنگیز احفادندن بولنان بوطائفه اولدجه\nكثرت نفوسه مالكدر عموميتله داغلرده مسكوندرلر .\nافغانستان ایران استیلاسنه اوغراد قدن صوكره بونلرك\nشیعی مذهبی قبول ایتدکلری ظن اولنمقده در. لسانلری"}
{"book": "adl0841", "page": 105, "text": "- ٨٦ -\n\nفارسی قیافتلری روسیه توركلرينك عينيدر . حیوان يتشديرمك، شایاق وكليم دوقومق خصوصنده مهارتلری اولوب چالشقان بر عنصردر .\nافغانستان اردوسنده : قراوللرده ، کندلرده یول طابورلرنده خدمت ايدرلر. کابلده کی سقلرك قسم اعظمی هزاره لیدر .\nکابل وجلال آباد طر فلرنده کی عناصر يك مختلف اولوب باشليجه تاجيك ، افغان ، اوزبك هندو ،وسائر طائفه لرله مسکوندر .\nهندوستان حدودی جوارنده عفریدی ومومندی وقورام جهتنده وزیریلر مسکوندولر. قندهار وافغانستان جنوبیده ایسه ، افغانلر مسکوندر . افغان عنصرينك اك كثرتلى بولنديغی منطقه جنوب منطقه سیدر .\nافغانیلر عمومیتله مسلمان وسنی مذهبنده درلر . تاجيقلرك سنى ، شیعی اولانلریده واردر . هندولر مجوسی مذهبنده اولوب آتش پرست اولانلريده موجوددر. بونلر موتالرينی احراق ایدرلر . باشلرینه صاری رنکده بر صاریق باغلارلر . وقاشلرينك اره سنه قیرمیزی ، صاری بویا ایله یووارلاق بر اشارت ياپارلر. وهمان هپسی تجارتله مشغولدرلر ."}
{"book": "adl0841", "page": 106, "text": "— ۸۷ —\n\nافغان اردوسی\n\nافغانستامده مسکون اهالينك همان جمله‌سی جسور\nوفوق‌العاده مشاق سفریه‌يه متحمل ، سلحشور ،\nوجنکاور انسانلر اولديغندن افغان اردوسنك مزیت\nعسکریه‌سی فوق‌العاده‌در . خدمت عسکریه هنوز\nاوروپا دولتلرنده اولدیغی کبی صنفلره ، قادرولره تقسیم\nاولنمامش ايسه‌ده ، ضابط يتيشديرمكه مخصوص مكتبك\nکشادندن صکره اردونك بونقصانی نظر اعتباره آلنه‌رق\nرلیف ومستحفظ قادرولری در دست تشکیل بولنمقده ایدی.\nسپاهی نامنده‌كی عسکرلر الی‌الابد عسكرلكله امرار زمان\nایدرلر .\n\nافغانجه رتب عسکریه‌نك اسملری\n\nلس میستر           اونباشی\nلنداك              چاووش\nبولاق میسشر         ملازم\nسل میسشر           یوزباشی\nسرسل میسشر         قول اغاسی\nرز میسشر           بیکباشی"}
{"book": "adl0841", "page": 107, "text": "- ۸۸ -\n\nیون زر میششر میرالای\nغت میششر لوا\nسر میششر فريق\nطول میششر سرعسكر\nفوت لنداك : كاتب باش چاوش هر ۱۰۰ نفر ايچون\n( مهجر ويا مرزا ) طابور كاتبی هر طابوره ایکی دانه در.\nهر نقدر افغانجه رتبه لر بوناملر ایله یاد اولنورسه ده\nسواری یوز باشیلرینه جامه دان و پیاده لره کپدان ،\nبیکباشيلره کرنل میرالایه بركد ، لوا پاشايه جرنال\nسرعسکره سپهدار ناملریده ویرلمکده در .\nافغان اردوسنده تشکیلات عسكريه لوالره منقسدر .\nاك اوفاق جزؤ تام طابور در . طابورلر ، درت بلوکدن\nعبارت اولوب بلوکلر یوزر موجودلی در . سواریلرده\nالای وبلوك تشكيلاتندن باشقه وقت سفرده يوزر\nنفرلك بلوكلر تشكيل ايدن خالقلی موجود در . بونلرك\nافرادی محاربه زماننده دعوت اولنوب ، وخانلر طرفندن\nسوق واداره اولنور . بر نوع آقینجی بلوکلری درلر .\nطابورلرده دوقتور وجراح و تيمار جيلر هیئت صحیه یی\nتشکیل ایدرلر ؛ آیریجه صحیه بلوکلری هنوز تشكيل\nاولنمامشدر ."}
{"book": "adl0841", "page": 108, "text": "- ٨٩ -\n\nافغان طوپچیلری ، صحرا ، جبل ، قلعه الایلرینه\nبطریه لرینه منقسمدر .\nافرادی هزاره لردن مركب يول طابورلری تعمیر\nاولنه جق و یا کشاد اولنه جق يوللرله مشغول درلر . نقلیه\nومکاره جی بلوکلریده موجود در .\nبوندن باشقه ژاندارمه (کوتوال) طابور لریده\nموجوددر .\nمعیت آلایلری غايت مکمل اولوب ، میزراقلی\nآلایی ، وقزاق الایلری ، پیاده طابورلری ، جبل\nبطریه لرندن مركب اولوب ، تعلیم وتربیه خصوصنده\nيك كوزل حاضر لانمش ، البسه و بوتون لوازمات\nعسکریه لری فوق العاده در .\nوقت حضرده التمش يتمش بيك راده سنده قوتلی\nبراردويه مالك اولان افغان حکومتی ، وقت سفرده\nحميت وطنيه لريله اشتهار ايتمش بوتون قبائلك متلالرك ،\nسردار لرك قومانداسنده اردويه التحاقيله جسيم ومزيتلى\nبر اردو حصوله كلير .\nمشاق سفریه یه متجمل ، براز طوت قوروسی ایله\nآیلرجه محاربه دن دوتمیان افغانليلر شجاعت وقیمت\nعسکریه لرینی دفعاتله کوستر مشلر در .\n١٨٤١ و ۱۸۸۰ سنه لرنده واقع اولان قانلی محار باتده"}
{"book": "adl0841", "page": 109, "text": "[BLANK PAGE]"}
{"book": "adl0841", "page": 110, "text": "تربت شیخ جامده (ایرائده) چاروادارلر براند استراحت حالنده چلم چیکشی"}
{"book": "adl0841", "page": 111, "text": "— ٩ —\n\nانكلیز اردولرینی پریشان ایتمشلر وقادینلر ، آق صقاللی\nپیرلر بیله حربه اشتراك ايده رك حمیت وطنیه لرينك درجه-\nسنی کوسترمشلر در . اردونك قوماندان اعظمی امیر\nحضرتلریدر .\n\nاسلحه سی\nافغان اردوسی مارتین ، كوچك چاپلی ماوزر تفنكلريله\nمجهز در . سواریلرده قیصه مارتین و ماوزر وار در .\nطوپلری ٧,٥ سانتىمتره لك صحرا طوپلريله جبل\nبطاریه لری ، والمانيادن آلدقلری قیصه طوپلر ، ماكنه لی\nتفنكلر ، مترا ليوزلر ، قدیم وجديد قلعه طوپلری\nموجود در . سواریلرده قلنج مزراق ، طوپچیلرده\nقصاطوره وار در .\nافراد اهالينك بينجيلكه خصوصيله سلاحه صوك\nدرجه رغبتلری اولوب ، سلاح وجبخانه صاتمق حتى\nخارجدن افغانستانه سلاح ادخال ايتمك منع ايد لمديكي كبي\nكمرك رسمندن دخی معاف طوتولیر . حکومت اسلحه\nوجبخانه یی فروخت ایتدیکندن افغانستان حقيقة برملت\nمسلحه در . لوازمات ومهمات حربیه ایله دولو د پولری\nباروتخانه وسائره سی موجود در ."}
{"book": "adl0841", "page": 112, "text": "—۹۱—\n\n— حضوره قبول ، بیرام نمازی، دربار عام —\n\nجشن کیجه لری\n\nحضور امارتپناهی یه ارك مبارك ( سرای امیری )\nده قبول اولنمشدق . كابله عودتمزدن بر آی صكره\nياغمورلی ، سیسلی ، غملی بركون ايدى . حضوره\nقبول اولنه جغمز تبشیر اولنمش ، ارابه کلش بزى ارك\nمبارکه کتورمشدی .\n\nبويوك مطنطن و محتشم دائره لرك اراسندن ،\nمنتظم فرحفزا باغچه لردن كچه رك مكلف برچیچکلکده\nبر مدت انتظار ايتدك . بش اون دقيقه صكره اشيسك\nاغاسی نظامی واسطه سیله سرایه داخل اولدق . دهلیز\nومر ديوه نلر ، بر منظره مسعوده ابراز ايدييوردی .\nقارشیاقلی قرمزی صوماكى مر ديوه نلرك هر ایکی جهت\nدیواری اسلوب عرب نقوشاتی و خط زرین ایله یازلمش\nآیات كريمه كبي الواح نفیسه ایله مزین ایدی . صول\nمر دیوه ندن چیقیلنجه داخل اولديغمز دائره فاخره نك\nديکر دائره لره ایکی قپوسی واردی. موسم قيش اولديغندن\nشومینه نشئه لی برهوای حارنشر ایدییوردی . قپودن\nكيريلنجه قارشو طرفده أمير مرحوم عبدالرحمن خان"}
{"book": "adl0841", "page": 113, "text": "—۹۲—\n\nحضرتلرينك صولو بويا ايله ياپلمش رسملری ايله ديكر ياغلى بويا لوحه لر ، صاغ طرفده شومينه نك اوزرنده ايسه ياغلی بويا قيمتلی بر اورمان منظره سی تعليق اولنمش صول طرفده كنيش و نفيس پرده لريله غايت كبار وسكو - نت انكيز بر موجوديت عرض ايدن پنجره لرك اره - نده تا بلولر كورنمكده ايدی . كذا قيمتلى برماصه اوزرينه قونلمش أمير حضرتلرينك جسامت طبيعيه ده ياغلى بويا ايله غلام محمد خان نامنده ميمنه لی برترك رسامنك اثر صنعت ومهارتی اولان بويوك تابلو شایان تقدير وتحسين ايدی. وازولر ، قنپه لر ، رنكارنك الكتريق لامپه لری وسائر تزيينات مدنيه متنوعه ایله مفروش بودائره جليله نك طاواني شيق وزمينی ذی قيمت حاليلرله مزین ايدی .\nاون دقيقه قدر حضرت أميرك تشريف همايونلرينه انتظار ايتمش ايدك . برمدت صوكره نائب السلطنه سردار نصر الله خان حضرتلری تشریف حضرت أميري يى تبشير واخبار بويوردیلر .\nايفای رسم تعظيم وتكريم ايچون جمله مز اياغه قالقدق . بر حس تعظيم واحترام ايله منتظر بولنيوردق. صاغده كی قپو اچیلدی . أمير حضرتلرى سياه رديتغوت لابس اولدقلری حالده بشوش وملتفت برسيما ایله صالونی تشریف بویوردیلر سردار حضرتلری طرفندن حضرت"}
{"book": "adl0841", "page": 114, "text": "— ۹۳ —\n\nأمیره تقدیم اولندق . مبذول التفات حضرت أمیری یه\nنائل اولدق ، ودأب مخصوصدن اولدیغی اوزره دست\nأمیری یی اوپدك ؛ اوطورمقلغمزه مساعده بویورولدیغی\nاثناده رفیق محترممز علی فهمی بك جمله مزك وكیل\nوترجمانی اوله رق مساعده طلب ایتمش ، شومألده اولان\nبیانانده بولنمشدی :\n« بوتون عثمانليلرك افغانستان حقنده پرورده ایتد ۔\nكلری حسیات صمیمیه وتمایلات حسنه دن امین اولمالرینی\nحضرت أمیردن استرحام ایدرم . ومجرد اشبو حسیات\nومحبت صمیمیه در که ، بزلری افغان قارداشلریمزله برابر\nچالیشمق وبوقطر اسلامی وطن ثانی طانیمق ایچون بز\nبندکان عاجزه یی بویورد دین احمدی یه سوق ایتمشدر .»\nشومألده کی نطق مختصر محمود بك طرفندن ترجمه ایدیلدی،\nومحظوظیت سنیۀ أمیری یی جالب اولارق أمير مشارالیه\nطرفندن دخی بر طلاقت مخصوصهٔ حکمدارانه ایله شو\nجواب ویرلدی :\n« افغانستان،دولت علیۀعثمانیه نك بر كوچوك قارده شی\nمقامنده وسیاست شرقیه ده صاغ قولی مثابه سنده در .\nبناءً علیه افغانستانك كسب قوت ایتمسی ، توركیه نك\nتزیید سطوت وشوکتنه اسباب اصلیه دن بری اولابیلیر.\nبوجهتله هرعثانلينك بویله مهم برمقصدك حصولی ایچون"}
{"book": "adl0841", "page": 115, "text": "— ٩٤ —\n\nصوك درجه يه قدر بر حس صمیمیت و حمیت ایله چالیشمه‌لری طبیعی اولوب ، بوکا امنیت کامله‌م واردر .\nعصرلردنبرو خواب غفلت وعطالته دالمش اقوام اسلاميه‌نك احوال اسف اشتماللرينه يك زياده متأسفم . بز اویله اولمایالم . اسلامك وعوالم اسلاميه‌نك ترقیسی ، اعلاسی، ومدنيت حقيقية اسلاميه‌نك تعميم وتوزعی ایچون هیچ بر همت وغیرتی دریغ ایتمه‌یه جکمه سزلر دخی امین اولكز . وطنم ، وطن اسلامدر . هپ برابر چاليشالم . توفيق ازل ، غیرته عاشقدر . »\nبز ، بونطق بليغ ومؤثرك قارشيسنده حس ايتديكمز تشكرات ومنتداری صمیمی یی عرض و تقديمده بر استعجال قلبی ابراز ابتدك. قهوه، سيغاره، ایچمککزه مساعده صورتيله ده التفات أميرى اولدقدن صوكرا ، توركلرك قهوه ایچدکلرینی بیلد کلری وسیله سیله هر بريمزه برر قوطو فرانسز قهوه‌سيله ايكیشر اوقه‌لق نفیس ضر فلر ایچنده یمن قهوه‌سی هدیه بویوردیلر . موسم قيش اولديغندن ایچی کورکلی برر قورتی بالا یاپدير لمسنى « أشيك اغاسى ملكى » يه فرمان بيور مشاردی .\nوبعده امامت أميريده ايكندى نمازينی ادا اتمش تکرار صالونه کلمشدك كه بو اثناده مخدوم نجابتپناهیلری معين السلطنه وعين الدوله ، وبرادر عاليلرى تشريف"}
{"book": "adl0841", "page": 116, "text": "- ٩٥ -\n\nایتدکلرندن امیر حضرتلری جمله سنی آیر آیری طانتدیره‌ق\nلطفنده بولندیلر . برمدت دها التفات شهریاریلریله مسرور\nوشادان قیلندقـدن صوکره آرتـق رخصت ویرمش\nاولدقلرندن ، کمال شوق ونشئه ایله اقامتمزه تخصیص\nاولنمش اولان باغ شیر علی خانه کلمشـدك. اوکونکی رسم قبول\nوالتفات حضرت امیری‌نك بزده براقدیغی حسن تاثیری\nتعریف غیرقابلدر... بوندن صوكره دخی متعدد دفعه‌لر كرك\nسردار نائب السلطنه حضرتلرينك وكرك أميرحضرتلرينك\nحضور شاهانه‌لرينه قبول اولنمق شرفنه نائل اولمقله پرشوق\nوغیرت ایذال خدمات ایتمکده ايدك .\n\nبیرام الایی\n\nبیرام نمازی ادا اولنان جامع واسع برچایرلغه ناظر،\nعلوی بر منظرهٔ روحانیه عرض ایدن دلنشین برمعبداولوب\nهند طرز معماریـسـنده انشا اولنمش. و پول‌دن دمیر پارمـقلـق\nایله تفریق ایدلـمش واسع فرحـفـزا بربـاغـچـه داخلنده ایدی.\nقپونك خارـجنده الآی والایی تماشایه ، کمال تکریم\nوتعظیـم ايله راسمهٔ استـقبـالی ایفایـه مهیـا بوتون بر خـلق\nکنیش میدانـلقلری دولدیرمشـلردی. طیش قپودن کیرنـجه"}
{"book": "adl0841", "page": 117, "text": "— ٩٦ —\n\nيولك هر ایکی طرفندن معیت امیری افراد شجاعت نهادی ، قرمزی البسه‌لریله، وضع قهرمانانه‌لریله ، مکلف اونیفورمه‌لی قوماندانلرينك ویره‌جکی قوماندایه وقف سمع وصماخ ايتمشلردی . جامع مستطيل الشکل بياض مر مردن بر چوق ستونلر اوزرینه مبنی اولوب صوماکی مر مردن معمول محراب ومنبر عالى بر سكونت صميمية اخرویه عرض ایدییوردی. نماز وقتنه وتشريف امیرى يه انتظار ایدن ذوات كرام ، اوبك اوبك اوطور مشلردی. برمدت صوكره تشريف اميرى یی اعلان ایدن سلام هوالری ، قوماندا صدالری ایشیدلدی . وكمال عظمت ودبدبه ایله سلطنت ارابه‌سی دیش قپودن داخل اولدی. جامعه کیرد کدن ، صوكره امير حضرتلری بزلری کورنجه جمله‌مزه ابذال التفات وسلام بیوردیلر و هر بریمزی اوراده حاضر بولنان ، اعتمادالدوله وسائر ذوات كرامه تقديم ايتمك لطفنده بولنمشلردى . بعدالصلاة فطر درباره کیدلدی .\n\nدربار\n\nمحل دربار ، سرای همایون جوارنده بر محل مخصوص : كنيش بر قپو . قپودن ایچرى كيرلديكى وقت تخميناً يوز مترو طولنده واللی مترو عرضنده ، زمینی یکپاره قیمتلـی"}
{"book": "adl0841", "page": 118, "text": "— ۹۷ —\n\nبر حالی ایله مفروش ، متعدد نفیس ستونلر ، مکلف بر\nبرطوانی ارائه ایتمکده ایدی .\nبوقیمتلی طوانك ده قورلری مربع چینقولر اوزرینه\nکمال مهارتله ایشلنمش ومؤخراً ميخلانمش ، شرقه\nمخصوص برطرز دلنشین عرض ایدن ، يالديز نقوش\nنفیسه ایله مزیندی . بوراده سرايلرك طوانلری هپ\nبویولده مربع معدنلر اوزرینه ایشلنمش ، نقشلر\nقا پلامشدر .\nقپويه ناظر محلده ، ايكى بصامق ایله چیقیله جق\nارتفاعده التونلر ایچنده تخت عالیبخت امیری کورینوردی.\nبونك ارقه طرفنده ، محراب و منبردن هر ايكى طرفنده\nمتناظر، بایراقلردن قلنج وطوپلردن مرکب ، جسیم\nالتون قپلامه ، آرمۀ افغانينك هرايكى طرفندن اوفاق\nقپولر ، و بونلرك اره سنده ، مصنع بر صورتده ایشلنمش\nقويو قرمزى قديفه پرده لر ، وتختك پاسنده شيق\nبرماصه ، وبوتون بوشرق ظرافت و اسلوبنده کی شیلر\nروحه بر مسرت مخصوصه ویرییوردی. اشبو تخت او کنده کی\nمحلك يمين و يسارنده كى مزين قولتو قلردن صاغده برادر\nعالیقدرلری ، وصول جهتده مخدوم نجابتپناهیلری\nسردارلر حضراتی ، اخذ موقع ایتمشلردی .\nقپودن کیریلنجه تخته قدر اولان محلده ، اورته ده ،\n\n٧"}
{"book": "adl0841", "page": 119, "text": "ـ ٩٨ ـ\n\nبرکچید براقلمش ، وبونك هر ايكى طرفنده دربار خانه نك\nدیوارلرینه قدر صره ایله صندالیه لر دیزلمش اولوب تخت\nامارتپناهينك صاغ جهتنده صره ایله ایله علمای کرام\nحضراتی وصول جهتنده ایسه عين وجهاء سپهدار ،\nوالی اخره منسوبین عسکریه وملکیه، اخذ موقع ايتمشلر،\nوديكر صنداليه لر هر كسك درجه ورتبه سنه كوره أشيك\nاغالری [ تشریفات مأمورلرى ] طرفندن ارائه وتعيين\nاولنه رق هر کس ير لشدير لمش ، وبزلر دخی صولده تخت\nجهتنده اخذ موقع اتمش ايدك .\nبش اون دقیقه صوكره بوريلر تشریف پادشاهیی\nتبشير ايتمشلر وحضرت أمير دربار خانه یه قدم نهاده عز\nوشوکت ، وتختکاه شهنشاهیلرینه شرف بخشنده سعادت\nاولمشلردی . بواثناده عموم طرفندن السلام علیکم\nصدای احترام وتعظیمی رفع ايديله رك، بوتون دربار خانه یی\nبرعکس صدای حرمت ومهابت ایله دورلدوردی.\nاشبو رسم تعظیم دیندارانه دن صوكره ، حضرت\nأمير تبعه صادقه لرینه ، عيد فطرى تبريك وبذل التفات\nايده رك بشاشتلى خلقك باعث ازدیاد شوق وشادمیسی\nاوله جق جمله لرله هر کسی سویه اصلیه واجتماعیه سنه كوره\nتلطيف ایتمش ، بوتون آغزلری حق شاهانه سنده غایت\nصميمى ومحق كلمات دعائيه وتشكريه ايله لبريز ايتمشدر ."}
{"book": "adl0841", "page": 120, "text": "-۹۹-\n\nوبواراده ، أمير حضر تلرى ، مملكتنك احتياجاتندن ،\nوافغانسانك هیچ بر بردن پرواسی اولمديغندن عصر حاضر\nمدنيته کوره تنسيقات عسكريه ، تكملات معارف خصو-\nصنده هیچ بر فدا كار لمدن كيرو دور مدقلرندن عمومك\nدخی ، عين مقصدله ، مملكتك ترقى وتعاليسنه\nچالشمه لری لازمکلدیکندن باحث ، مرتجل وبليغ برنطق\nایله دخی حاضرونك حسيات وطنپرورانه وترقى جويانه-نی\nتهييج اتمشلر در . اعتماد الدولة وقاضي القضات حضراتي\nوديكر ذوات كرام طر فلر ندن مناسب مقابله لرده بولو نو لمشدر.\nانكليز سفيرى سيدالفقير افتخارالدين خان دخي البسة\nرسميه سنى لابس اولدیغی حالده حاضر بولنيوردی . بر\nمدت صوکره تخميناً بش یوز کشیدن فضله اولان بوهیئات\nمحترمه یه چایلر ، اكرام اولندی ؛ صفلر اره سنده دولا-\nشدير يلان شكر وشكر لمه لردن باشقه ایپکلی مندیللر در وننده\nایروجه شکرلر هدیه ایدلدی . بونلرى توزيع ايدن\nاندرون اغا لرينك قيافتلرى، يك تمييز، نزاكت وتربيه لرى\nشايان تقدير ايدى .\n\nموخراً شورادن بورادن كليشى كوزل بحث اولنمش،\nبويله جه يمك زمانى ده تقرب ایتمش اولديغندن امير حضرتلرى\nعودت بيور مشلر، وبوتون اوراده ودربارك طيشاريسنده\nبولنان ذواته غوريلرله يمكلر كالمش ، واشبو اطعمة نفيسه"}
{"book": "adl0841", "page": 121, "text": "— ۱۰۰ —\n\nأكل اولندقدن صوكره ، هركس داغيلارق پارلاق\nوصمیمی اولان بو بیرام تبریکنه نهایت ویر لمشدر .\n\nجشن کیجه لری\n\n«جشن» «یعنی» دوننما کیجه لری افغانستانده\nاوچ صورتله اجرا اولنمقده در. برنجیسی عید ملّی: تکمیل\nقبائل افغانيه نك اتحاد ایتد کلری يوم مبجلك خاطره\nمحترمه سنی یاد ایچون اجرا ایدیلن ملی شنلمك. كيجه سى\nدیکرلری ایسه جلوس و ولادت امار تپناهی شنلکاری...\nجشن ملّی کیجه سی ایدی. بزلره ده دعوت تذکره.\nلری کلدی . تذکره ده سیاه ردینغوت کیله جکی ، بیاض\nبویون باغی طاقيله جغی بیلدیر لمشدی . بر موجب اشارت\nکیینه رك اقشام نمازندن اول ، ارقداشلر دربار خانه ده\nطو پلانمشـــدق . نمازدن صــوكره دربار خانه انتظار\nصالونلرنده یواش یواش غلبه لك زياده لشمش ايدى .\nبر مدت صوكره حرکتله سرای قاپوسندن باغچه یه داخل\nاولنمش ايدك .\nوباغچه ده مشعله لر – شرشم قندیللريله نورلره\nمستغرق بریولدن پر نشه بر قافله آقوب كيدييوردى ."}
{"book": "adl0841", "page": 122, "text": "- ١٠١ -\n\nفنارلرك ، مشعله لرك اوقادار مستولى ضياسندن عادتا\nكيجه اولديغنی اونوتش اولان ، وداها دوغروسی\nغلط طبيعته دوچار قالمش قوشلر ، قناريه لر ، بلبللر\nبوعيد ملی یه اشتراك وبواشتراكلرينی نغمات روخنوازلريله\nاعلان ايدييورلردی . يولك دونمك محلندن صوكره\nبرميدانلقده ، احضار اولنمش اولان محل مخصوصده کی\nاسکمله وقوتوقلره هر کس يرلشديرلمش ايدى . وبونلرك\nاورته سنده يوكسك مكلف برسدير أمير حضرتلری\nايچون ترتيب ايدلمشدى .\nباغچه ، بوتون اغاجلر ، فنارلر قنديللر ايله تنوير\nاولنمش ، ماهتابلر ياقيليوردى . هر طرف پرسرور ،\nهر طرف پرنور ، هر کس وقف تماشا ، هر قلب مستغرق\nمستى عيد ايدى . برمدت صوكره تشريف أميرى يى\nتبشير ايدن بورولر ايشيدلدى . وحضرت أمير دبدبه\nعظيمه ايله كله رك ، دعالری اورته لغى چنلاتان بوپرنشئه\nهيأت مسعوده نك اورته سندن كچدى. وهر كسه بذل التفات\nبيوره رق مقام حكمدارانه لرینه چیقدی .\nبواثناده نائب السلطنه سردار نصر الله خان حضرتلری\nموقعه مناسب غايت كوزل بر نطق بليغ قرائت ایتدى.\nوأمير حضرتلری ده ارتجالاً مقابله ده بولندی . بورسعی\nنطقلردن صوكره ، جوارده آيريجه احضار اولنمش"}
{"book": "adl0841", "page": 123, "text": "- ١٠٢ -\n\nاولان مطنطن وعظيم برخیمه‌یه کیدلمشدی . قپوده‌\nأمير حضرتلری بالذات بوكيجه جشن ملى كبى بر ليل\nمسعود اولديغندن هر كسك بلاقيد تكليف اكلنملرينی\nارزو بيورقلرينی، و قطعياً تردد واجتنابه محل قالماماسنی\nاعلان واخطار ایتمش اولدقلرندن هر کس کمال سربسيتله\nبو مكلف چاديره داخل وايستديكی یرده موقع طوتارق\nصحبت ایتمكه باشلادیلر .\nچاديرك اطرافى دائراً مدار بوتون دولتلرك مختلف\nبیراقلريله دونادلمش ، صاغ طرفنده التون ، كموش\nسماورلرله مزین ذیقیمت اشیای نفیسه بر منظره احتشام\nعرض ايدييور بوفه دن ايستينلر ، چای ليموناته ، غازوز\nايجييورلردی .\nماصه اوزرنده بوديار وهنده مخصوص اك ناديده\nيمشلر ، ميوه لر ایله ، دولو تبسیلر واردی . افغانستانده\nيمش يمكدن اول الينمه‌سی عادتدر . اوچ درت یوز کشی\nاستیعاب ایدن بومعظم چاديرك اورته سنده كنيش برماصه\nاوزرنده انكليزجه ، فرانسزجه ، ايتاليانجه ، ايللو\nستراسيونلر ، پانارومالر . تاريخلر . أمير حضرتلرينك\nسياحتلرنده المش اولدقلرى فطوغرا فلرك مجموعه لری\nبرچوق اثار نادره نفیسه موجود ايدى . خيمه‌نك\nخارجنده موسسقه ترنم ايدييور ؛ برغراموفون غربك"}
{"book": "adl0841", "page": 124, "text": "—١٠٣—\n\nاك منتخب پارچه لرینی باغیرییوردی . هر کس ذوقلی\nشوقلی ، نشألی ایدی .\nبالخصوص بوعاليجناب ومشفق أميرك هر كسه قارشو\nکوستردیکی ابوت و شفقتله ترجمه ایدیله بیلن التفات و نوازشی،\nبوتون بومستحضرات عیدیه دن يك چوق زیاده قلباری\nلبریز سرور وسعادت قلیور ، بوتون سیمالرده طاتلی\nبر تبسم تموج ایتدیرییوردی . يمك ، ايروجه احضار\nایدمش ديكر كذا غایت كنیش اولان بوچاديرك بر\nقوریدوری واردی ؛ بورادن چادیره داخل اولنجه ،\nصاغده مطنطن ، محتشم ، برماصه خاندان أميرى يه\nتخصیص اولنمش ؛ ديكر ماصه لر صره ايله اولكنه عموداً\nباشدن باشه تنظیم اولنمشدی . سفره لرك منظره اشتها\nآوری ، چیچکلر ، میوه لر ، رنكارنك فنارلرله برقات\nدها اكتساب فيض وطراوت ايده رك هر كسى دعوت\nایدییوردی . وهر كسك يرى طباقلرك ايجنه قونیان بياض\nونفیس قارتلر اوزرنده محرر اسملردن معلوم اولیوردی .\nكذا يمك ليسته سی چتال پیچاق ، وسائره ، هیچ برنقصانی\nاولميان بوسفرەلر ، عالم مدنیتده اولابیلنلر درجه ده منتظم\nونقصانسز ایدی . چوربادن اعتباراً يمكلر نفيس اولوب\nكموش طاسلرله قوشخانه لرله توزيع ايدیلیوردی .\nأمير حضر تلرينك سفره لرنده ، صاغ طرافلرنده"}
{"book": "adl0841", "page": 125, "text": "[BLANK PAGE]"}
{"book": "adl0841", "page": 126, "text": "مرو ده « طبق الاصول بازار لرينه مشابه » بر ترکمن بازاری"}
{"book": "adl0841", "page": 127, "text": "برادر عالیلری سردار نصرالله خان حضرتلری ، عمر جان\nامین الله خان والی آخره ، صولده مخدوم نجابتپناهلری\nسردارلر ، وقارشولرنده عائله امارتپناهیلرندن ، امیر\nحضرتلرينك قائن پدرلری سردار آصف و یوسف خان\nحضرانی بولنمقده ايديلر. اثنای طعامده أمير حضرتلری\nهر کسی التفاتر یله مسرور بیوریورلر ، حتی بزلره ده\nبرقاچ دفعه ابذال التفات ایتدیلر . سفره لرك ترتيب\nو تنظيمى يمكلرك نفاستى هر شيده كى انتظام ، نسبى بر حيرت\nتقدیر کاره لایق ایدی .\nيمكدن صوكره تکرار دیگر چاديره كچمش ايدك.\nهرکس بوفه یه یناشمش چای ایچيور ؛ افغانستانده\nيمكدن صوكره چای ايجمك عادتدر . اك صوك قدحى\nتلخ شکرسز ایچرلر چای سبز دیدکلری یشیل چایدر ؛\nسیاه چایده وارسه ده یشیل چای دها كثير الاستعمالدر .\nبومسعود كيجه ده برقاچ دفعه لر التفات أميرى يه\nمظهريتله ممنون ومنتدار اولدق . و حضرت أمير\nقرائت ماصه سنده بالذات اخذ ایتدکلری فطوغرا فلر\nحقنده ایضاحات تاريخيه ويرمك لطفنده بولونديلر .\nومؤخراً تكرار اوطور ديغمز ماصه يي تشريف بويور مالری\nجمله مزى غريق مسرت و منت ابتدی . واسطه محترم\nحسن حلمى افندی ایله تاوله اوينامق كبى برلابالي"}
{"book": "adl0841", "page": 128, "text": "- ١٠٥ -\n\nمشعر بلكله جداً بوكبي ايام عيديه يه مخصوص براصالت\nقلوب نوازانه اثبات ايتمش ، ومتعاقباً ، ميني ميني سلطان\nخانم ، طبيعی برتشویق مخصوص ایله ماصه مزى تشريف\nايتمش وفوق العاده براثر ذكا وتعجب ايله هركس سياه\nقالپاق کیمش اولدیغی حالده ، بزم قرمزى فس کيديكمز\nمراقنى صاقلايامايارق صورمشدر .\nبزده هنوز یکی کلدیکمز دن افغان كالاهمز بولنمديغي\nایچون ، قرمزی فسله کلديكمزى لطيفه يوللوسويله ينجه :\nاكر سزه كلاه ویررسه م کير ميسكز ؟ دیه ایراد ایتدیکی\nسؤال ایله بر سرعت انتقال کوسترمشدر . تخميناً التي\nیدی یاشنده اولان بوسلطانك سرعت وانار ذکاسی\nبالخاصه قيد وتقديره شایاندر . ايرتسی صباح في الحقيقه\nكوچوك سلطانك يك قيمتلى هدیه سی اولان کلاهلر\nكلمشدى . أمير حضرتلری دوقتور منیر عزت وحسنى بکه\nقیمتلی ايكي كوبك هديه ايتمشدى . والحاصل بود بدبه دار\nمحتشم ، ومسعود كيجه یی پك قيمتلى التفاتلرله شوق ذق\nایچنده کچیرمش ، وصباح نمازینی ادادن صوكره يريمزه\nعودت ايتمشدك .\n\nصردده « طبق انادولو بازارلرینه مشابه » بر ترکمن بازاری"}
{"book": "adl0841", "page": 129, "text": "[BLANK PAGE]"}
{"book": "adl0841", "page": 130, "text": "این"}
{"book": "adl0841", "page": 131, "text": "عالم اسلامك انتباهی شواهدندن : افغانستان امیری\n( حبیب الله خان سراج الملة والدين ) حضرتلری\n\nفیئاتی ٥ غروش\n\nمركز توزیعی ، باب عالی قارشوسنده ثروت فنون کتابخانه سیدر"}
{"book": "adl0841", "page": 132, "text": "[BLANK PAGE]"}
{"book": "adl0841", "page": 133, "text": "[BLANK PAGE]"}
{"book": "adl0841", "page": 134, "text": "ساميكو للتجارة\nتليفون : ٣٤٥٧٧٤٦\nفاكس : ٣٤٤٧٩١٨"}
{"book": "adl0841", "page": 135, "text": "L'ouvrage date de 1907-08 / 1325\nSerait venu un peu avant, et\nAvant la parution de sA (1911->)\nParle de Thornton (p. 75), parti en 1908\nParle de l'Ec. mil. (p. 72-73) [créée en\n1909!]"}
{"book": "adl0841", "page": 136, "text": "Hasan Helmi\nAli Fahmi Beg p.52\naccueillent M. Fazli ?\n\nSaray Bâghcha ?\n\nKaboul, 62-63\n\nLa porte = Hasan Helmi\np. 82\n\nla famille régnante\np. 66-70\n\nMahmud Târzi, p. 73"}
{"book": "adl0841", "page": 137, "text": "imprimerie typographique\nlitho,\np. 74-75\n[Rien sur HA]\n\nmâshinkhâna (détails)\n75-78 -\nMhd Sarwar, 75\nThornton, 76\nAzimullah, 76"}
{"book": "adl0841", "page": 138, "text": "[BLANK PAGE]"}
{"book": "adl0841", "page": 139, "text": "[BLANK PAGE]"}